Euskal Herriko Agintaritzaren Aldizkaria

83. zk., 2003ko apirilaren 30a, asteazkena

Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da

Bestelako Xedapenak

Industria, Merkataritza eta Turismo Saila

2518

AGINDUA, 2003ko apirilaren 16koa, kontsumitzaile eta erabiltzaileen eskubide eta interesak sustatu eta babestearren, toki erakundeei eta haiek sustatutako erakundeei diru laguntzak emateko programa arautzen duen Industria, Merkataritza eta Turismo sailburuaren agindua aldatzekoa.

Kontsumitzaile eta erabiltzaileen eskubide eta interesak sustatu eta babestearren, toki erakundeei eta haiek sustatutako erakundeei diru laguntzak emateko programa arautzen duen Industria, Merkataritza eta Turismo sailburuaren 2000ko ekainaren 30eko aginduak —egun bereko EHAAn argitaratua, 125. zk.— kontsumitzaile eta erabiltzaileak babesteko jarduerak garatzen dituzten Euskal Autonomia Erkidegoko toki erakundeei eta haiek sustatutako erakundeei ematen zaizkien diru laguntzak arautu zituen.

Agindu honetan jasotzen diren aldaketak, alde batetik teknikoak dira; izan ere, hasierako idazkeraren arabera interpretazio zaila zuten hainbat idatz-zati argitzea beharrezkoa baitzen. Eta bestetik, programa ebaluatu eta aztertu ondoren, programa bera justifikatzen duten helburuak lor daitezen, berriro diseinatzea egokitzat jo da.

Zentzu honetan, Kontsumitzaileen informaziorako udal bulegoetako zerbitzua mankomunitate batean ematen duten zentroei balorazioa igotzea bidezkoa zirudien. Halaber, onuradun batek jarduerak gauzatzeagatik lor dezakeen gehieneko zenbatekoa ere igo da. KIUB (Kontsumitzaileen Informaziorako Udal Bulegoa) sarea martxan jarri denez, baita haren aplikazio informatikoa ere, azkeneko hori erabili beharra sartu da onuradunaren betebeharren artean, hau da, kontsultak eta erreklamazioak aipatu aplikazioa baliatua kudeatu beharko dituzte.

Aurreko guztia ikusita, hainbat aldaketa egin behar da.

Hori dela eta,

XEDATU DUT:

Lehenengo artikulua.– Kontsumitzaile eta erabiltzaileen eskubide eta interesak sustatu eta babestearren, toki erakundeei eta haiek sustatutako erakundeei diru laguntzak emateko programa arautzen duen Industria, Merkataritza eta Turismo sailburuaren 2000ko ekainaren 30eko aginduaren 2. artikulua berriro idatzi da, eta honela geratuko da:

"2. artikulua.– Ekonomia baliabideak.

Xedapen honetan araututako laguntzak emateko ekonomia baliabideak Euskal Autonomia Erkidegoko Aurrekontu Orokorretan horretarako ezarritako aurrekontu kredituan ezarritakoak dira. Aurrekontu-ekitaldi baten barruan emango diren laguntzen guztizko zenbatekoa eskatutako laguntzen kopuruaren arabera aldatu ahalko da, Industria, Merkataritza eta Turismo Sailak dituen bestelako laguntza programak gauzatu ondoren, aurrekontu soberakinak badaude, eta beti ere laguntzak ebatzi baino lehenago. Honen berri Merkataritza eta Kontsumoko sailburuordearen ebazpenaren bideez emango da."

Bigarren artikulua.– Kontsumitzaile eta erabiltzaileen eskubide eta interesak sustatu eta babestearren, toki erakundeei eta haiek sustatutako erakundeei diru laguntzak emateko programa arautzen duen Industria, Merkataritza eta Turismo sailburuaren 2000ko ekainaren 30eko aginduaren 4. artikulua berriro idatzi da, eta honela geratuko da:

"4. artikulua.– Diruz lagun daitezkeen kontzeptuak.

Agindu honetan aurreikusitako laguntzak aurrekontu-ekitaldian zehar honako kontzeptuek eragindako gastuak ordaintzeko izango dira:

a) Kontsumitzaileen informaziorako udal bulegoaren egitekoa duten gune eta zerbitzuek kontsumitzaileei eta erabiltzaileei argibideak eta prestakuntza ematea, eta argitalpenak argitaratu eta zabaltzea.

b) Kontsumitzaileen informaziorako udal bulegoaren egitekoa duten gune eta zerbitzuak instalatzea, eraberritzea, zabaltzea, hornitzea edo lekualdatzea."

Hirugarren artikulua.– Kontsumitzaile eta erabiltzaileen eskubide eta interesak sustatu eta babestearren, toki erakundeei eta haiek sustatutako erakundeei diru laguntzak emateko programa arautzen duen Industria, Merkataritza eta Turismo sailburuaren 2000ko ekainaren 30eko aginduaren 5. artikulua berriro idatzi da, eta honela geratuko da:

"5. artikulua.– Prozedura hastea.

Agindu honen bidez araututako diru laguntzen jendaurreko deialdia egingo da urtero. Diru laguntzak ematean, oinarri hauek erabiliko dira: publizitatea, lehia eta objektibotasuna. Merkataritza eta Kontsumo sailburuordearen ebazpen baten bidez egingo da deialdia, eta bertan datu hauek zehaztu behar dira: ekitaldiko gehieneko diru laguntzen zenbatekoa, diruz lagundutako kontzeptu bakoitzari eman zaion zenbatekoa bereizia, baita agindu honetan ezarritako zenbatekoek KPI dela eta izan dezaketen eguneratzea ere; eskabideak aurkezteko epea eta lekua; eta eskabide eredua ematen diren lekuak."

Laugarren artikulua.– Kontsumitzaile eta erabiltzaileen eskubide eta interesak sustatu eta babestearren, toki erakundeei eta haiek sustatutako erakundeei diru laguntzak emateko programa arautzen duen Industria, Merkataritza eta Turismo sailburuaren 2000ko ekainaren 30eko aginduaren 6. artikulua berriro idatzi da eta honela geratuko da:

"6. artikulua.– Eskabideak.

Agindu honetan araututako diru laguntzak jasotzeko eskabideak Industria, Merkataritza eta Turismo Saileko Kontsumo Zuzendaritzara zuzendu behar dira, eta deialdiaren ebazpenean zehaztutako lekuetan aurkeztu."

Bosgarren artikulua.– 1. Kontsumitzaile eta erabiltzaileen eskubide eta interesak sustatu eta babestearren, toki erakundeei eta haiek sustatutako erakundeei diru laguntzak emateko programa arautzen duen Industria, Merkataritza eta Turismo sailburuaren 2000ko ekainaren 30eko aginduaren 7. artikuluan, 1. idatz-zatian, hain zuzen ere, k) eta l) puntuak kendu dira.

2.– Kontsumitzaile eta erabiltzaileen eskubide eta interesak sustatu eta babestearren, toki erakundeei eta haiek sustatutako erakundeei diru laguntzak emateko programa arautzen duen Industria, Merkataritza eta Turismo sailburuaren 2000ko ekainaren 30eko aginduaren 7. artikuluan, 2.2 idatz-zatiaren azkeneko paragrafoa aldatu da, eta honela geratuko da:

"– KIUB berria jartzen denean, aurreko paragrafoan adierazitakoaz aparte:

a.– udalbatzak edo organo aginpidedunak KIUBa sortzeko hartutako erabakia. Erabakian, KIUBa gutxienez 5 urtez lanean mantentzeko asmoa azaldu behar da.

b.– organo aginpidedunak emandako egiaztagiria non KIUBa kontsumitzaileei argibideak eta arreta emateko guneen sarean integratzeko konpromisoa jasotzen baita."

Seigarren artikulua.– 1.– Kontsumitzaile eta erabiltzaileen eskubide eta interesak sustatu eta babestearren, toki erakundeei eta haiek sustatutako erakundeei diru laguntzak emateko programa arautzen duen Industria, Merkataritza eta Turismo sailburuaren 2000ko ekainaren 30eko aginduaren 11. artikuluan, lehenengo idatz-zatia aldatu da, eta honela geratuko da:

" 1.– Deialdiaren urteko ebazpenean agertuko den aurrekontuko kreditu jakin bat hornituko da, honako alderdi hauek direla eta sortutako gastuetarako: Kontsumitzaileen informaziorako udal bulegoaren zeregina egiten duten gune eta zerbitzuen funtzionamendua eta jarduerak; edota halako bulego berriak instalatu, eraberritu, zabaldu, hornitu edo lekualdatzea".

2.– Kontsumitzaile eta erabiltzaileen eskubide eta interesak sustatu eta babestearren, toki erakundeei eta haiek sustatutako erakundeei diru laguntzak emateko programa arautzen duen Industria, Merkataritza eta Turismo sailburuaren 2000ko ekainaren 30eko aginduaren 11. artikuluan, bigarren idatz-zatiaren lehenengo paragrafoa berriro idatzi da, eta honela geratuko da:

"2.– Onuradun bakoitzak, funtzionamenduagatik eta jarduerak egiteagatik, gehienez 55.000 euro jaso ditzake.".

3.– Kontsumitzaile eta erabiltzaileen eskubide eta interesak sustatu eta babestearren, toki erakundeei eta haiek sustatutako erakundeei diru laguntzak emateko programa arautzen duen Industria, Merkataritza eta Turismo sailburuaren 2000ko ekainaren 30eko aginduaren 11. artikuluan, hirugarren idatz-zatia aldatu da, eta honela geratuko da:

"3.– Onartutako diru laguntzen ebazpen proposamena apailatzeko, ondorengo irizpide hauek hartuko dira kontuan; aurkeztu den eta Epaimahai Kalifikatzaileak onetsi duen aurrekontuari aplikatuko zaizkio:

a) Aurreko urtean jasotako galdera eta erreklamazioen kopurua, kontsumonet aplikazio informatikoa martxan jarri denetik bertan jasoak,.............................. .................................................................................

b) Aurreko urtean egindako bitartekotzen kopurua,

c) Egunean zenbat orduz dagoen zabalik kontsumitzaileari laguntzeko,...................................................

d) Hasia dagoen urtean egin asmo dituen jarduerak,

e) Aurreko urtean gauzatutako jarduerak, ………………………………………………………………………………………………………………………………………………. 5 puntu

f) Aurreko urtean egindako ikuskatzeen kopurua,

g) KIUBa zenbat biztanleri zerbitzu emateko den,

h) Kontsumoko sektore kontseilua izatea eta lanean aritzea

KIUB berria instalatzeko denean, irizpide hauek hartuko dira kontuan:

a) KIUBa zenbat biztanleri zerbitzu emateko ...........

b) Egunean zenbat orduz dagoen zabalik kontsumitzaileari laguntzeko ..........................................20 puntu

c) Hasia dagoen ekitaldian aurreikusita dauden jarduerak...................................................................... .................................................................................

d) Kontsumoko sektore kontseilua izatea................................................5 puntu

Balioespen horiek 15 puntu handi daitezke, baldin Kontsumitzaileen informaziorako udal bulegoa udal mankomunitate bateko zerbitzua bada."

Zazpigarren artikulua.– Kontsumitzaile eta erabiltzaileen eskubide eta interesak sustatu eta babestearren, toki erakundeei eta haiek sustatutako erakundeei diru laguntzak emateko programa arautzen duen Industria, Merkataritza eta Turismo sailburuaren 2000ko ekainaren 30eko aginduaren 13. artikuluan, lehenengo idatz-zatia aldatu da, eta honela geratuko da:

"1.– Merkataritza eta Kontsumo sailburuordeak, Epaimahai Kalifikatzaileak emandako proposamena ikusi ondoren, aurkeztutako eskabideak ebatziko ditu. Ebazpena esleipendunei jakinaraziko zaie, eta Euskal Herriko Agintaritzaren Aldizkarian argitaratuko da."

Zortzigarren artikulua.– Kontsumitzaile eta erabiltzaileen eskubide eta interesak sustatu eta babestearren, toki erakundeei eta haiek sustatutako erakundeei diru laguntzak emateko programa arautzen duen Industria, Merkataritza eta Turismo sailburuaren 2000ko ekainaren 30eko aginduaren 15. artikuluan, lehenengo idatz-zatia aldatu da, eta honela geratuko da:

" 1. Emandako diru laguntza justifikatzeko, onuradunak diru laguntza eman den ekitaldiaren hurrengo aurrekontu-ekitaldiko martxoaren 31 baino lehen honako agiriak aurkeztu beharko ditu:

a) Onartutako laguntza funtzionamendu eta jarduera gastuetarako izan bada, guztira egindako gastuari buruz organo aginpidedunak emandako egiaztagiria.

b) KIUBa instalatu, eraberritu, zabaldu, hornitu edo lekualdatzeak eragindako gastuak ordaintzeko laguntza izan bada: egindako gastu osoari buruz organo aginpidedunak emandako egiaztagiria, bereganatutako ondasun higigarrien zerrendaren egiaztagiria; ondasun horiek, epe mugagabe baterako, kontsumitzaileak babesteko zerbitzurako erabiliko direla ziurtatu behar du. Eta egindako gastuaren faktura.

c) Diru laguntza ematen den urtean KIUBak egindako jardueren bukaerako txostena."

Bederatzigarren artikulua.– Kontsumitzaile eta erabiltzaileen eskubide eta interesak sustatu eta babestearren, toki erakundeei eta haiek sustatutako erakundeei diru laguntzak emateko programa arautzen duen Industria, Merkataritza eta Turismo sailburuaren 2000ko ekainaren 30eko aginduaren 16. artikuluan, a) eta c) idatz-zatiak aldatu dira, eta honela geratuko dira:

"a) Emandako diru laguntza onartzea. Hartara, diru laguntza eman zaiola jakinarazteko agiria jasotzen duenetik hamar egun igarotzean, onuradunek berariaz eta idatziz diru laguntzari uko egin ez badiote, diru laguntza onartu dutela ulertuko da".

c) Kontsumitzaileen informaziorako udal bulegoetan egiten diren kontsultak zein erreklamazioak Kontsumonet aplikazio informatikoaren bidez kudeatzea. Aplikazio horrek bere gain hartzen baititu Kontsumitzaileei argibideak eta arreta emateko guneen sarearen barruko gune guztien esku-hartzeak."

Hamargarren artikulua.– Kontsumitzaile eta erabiltzaileen eskubide eta interesak sustatu eta babestearren, toki erakundeei eta haiek sustatutako erakundeei diru laguntzak emateko programa arautzen duen Industria, Merkataritza eta Turismo sailburuaren 2000ko ekainaren 30eko aginduaren 17. artikulua berriro idatzi da, eta honela geratuko da:

"17. artikulua.– Ez betetzeak

Euskal Autonomia Erkidegoko Herri Ogasun Nagusiaren Antola Arauei buruzko Legearen eraberritutako idazkeran, eta abenduaren 17ko 69871991 Dekretuan xedatutako suposizioez aparte, onuradunak haren betebeharrak ez betetzea, gastuak behar bezala ez justifikatzea, eskabidean azaldu ez bezalako aplikazioa egitea, edo, oro har, agindu honetan ezarritako baldintzaren bat ez betetzea, diru laguntza jasotzeko eskubidea galtzea ekarriko du, eta jasotako dirua Euskal Autonomia Erkidegoko Diruzaintza Nagusiari itzuli behar izatea."

AZKEN XEDAPENAK

Lehenengoa.– Euskal Herriko Agintaritzaren Aldizkarian argitaratzen den egunaren biharamunean sartuko da indarrean agindu hau.

Bigarrena.– Agindu honen aurka, administrazioarekiko auzi errekurtsoa ezar daiteke Euskal Autonomia Erkidegoko Auzitegi Nagusian bi hilabeteko epean, Euskal Herriko Agintaritzaren Aldizkarian argitaratu eta hurrengo egunetik aurrera kontatzen hasita.

Vitoria-Gasteiz, 2003ko apirilaren 16a.

Industria, Merkataritza eta Turismo sailburua,

JOSU JON IMAZ SAN MIGUEL.

Azterketa dokumentala