Euskal Herriko Agintaritzaren Aldizkaria

72. zk., 2003ko apirilaren 10a, osteguna

Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da

Bestelako Xedapenak

Jaurlaritzaren Lehendakaritza

2192

EBAZPENA, 2003ko martxoaren 17koa, Lehendakaritzaren idazkari nagusiarena, 2003 urterako "Andrés de Irujo" sariaren deialdia egiteko dena.

Ekainaren 6ko 98/2000 Dekretuak "Andrés de Irujo" saria arautzen du, atzerriko euskal presentziari buruzko sortze edo ikerketa lanak saritzeko. Horren bitartez, kanpoan euskaldunek bizi izandako historia ezagutarazten laguntzen duten lanak saritu nahi dira, eta euskal etxe eta gizataldeetako kideei aukera eman nahi zaie beraien testigantza eta sortze lanaren bitartez historia hori berreskuratzen parte har dezaten. Dekretu horrek 1. artikuluan ezarritakoaren arabera, urtero egingo da sari horretara biltzeko deia dagokion Ebazpaneren bidez.

Beraz, egoki da 2003ko laguntzetara dei egitea, EAEko Administrazioko aurrekontu orokorraren pentzutan.

Ondorioz, hauxe,

EBATZI DUT:

Artikulu bakarra.– Deialdia.

XX. mendean Eukal Autonomia Erkidegoaz kanpoko euskal presentziari edota bizipenei buruzko sortze edo ikerketa lanak saritzeko, "Andrés de Irujo" sarira 2003. urtean biltzeko deia egitea, dekretu honen eranskinean onartu eta jaso diren oinarrien arabera.

AZKEN XEDAPENAK

Lehenengoa.– Ebazpen honetan aurreikusita ez dauden gaietan, Herri Administrazioen Araubide Juridikoaren eta Administrazio Prozedura Erkidearen azaroaren 26ko 30/1992 Legea aplikatuko da.

Bigarrena.– Ebazpen honek indarra hartuko du Euskal Herriko Agintaritzaren Aldizkarian argitaratzen den egunaren biharamunean.

Vitoria-Gasteiz, 2003ko martxoaren 17a.

Lehendakaritzaren idazkari nagusia,

JESUS PEÑA MARTINEZ.

ERANSKINA

"ANDRES DE IRUJO" SARIAREN 2003.

URTEKO DEIALDIAREN OINARRIAK

Lehenengoa.– Helburua.

XX. mendean Euskal Autonomia Erkidegoaz kanpoko euskal presentziari edota bizipenei buruzko sortze edo ikerketa lanak saritzeko, "Andrés de Irujo" sarira 2003. urtean biltzeko dei egitea da oinarri hauen helburua.

Bigarrena.– Saria.

2003. urteko "Andrés de Irujo" saria obra edo lana argitaratzea edo zabaltzea izango da.

Hirugarrena.– Kandidaturak aurkeztea.

1.– Kandidaturak Eusko Jaurlaritzako Lehendakaritzaren Kanpo Harremanetarako Idazkaritza nagusian aurkeztu beharko dira (Nafarroa kalea 2, 01007 Vitoria-Gasteiz, telefonoa 945-018127) 2003. urteko "Andrés de Irujo" sarirako dela argi adieraziz.

2.– Sarira aurkezten diren kandidatura bakoitzarekin batera lana egin duenaren berariazko baimena aurkeztu beharko da gutunazal itzi batean; horretarako, ebazpen honekin batera doan eskabide orria bete beharko dute parte hartu nahi dutenek.

Laugarrena.– Aurkezteko epea.

Hautagaiak aurkezteko epea 2003ko ekainaren 15ean bukatuko da.

........................................bizi denak, honako hau

Adierazten du:

Atzerriko euskal presentziari buruzko sortze edo ikerketa lanak saritzeko 2003. urterako "Andrés de Irujo" sariaren araubidearen arabera, hitz ematen duela..................... titulua duen eta

Euskal Autonomia Erkidegoko Administrazioari emango dizkiola komeni denean, ekainaren 6ko 98/2000 Dekretuaren 7. artikuluan ezarritako baldintzetan, Jabetza Intelektualaren Legearen testu bateratua onartzen duen apirilaren 12ko 1/1996 Legegintzazko Dekretuak emaileei ematen dizkien eskubideen kalterik gabe.

...................., 2003ko ............–aren.......–a.

(Sinadura)

KANPO HARREMANETARAKO

IDAZKARITZA NAGUSIA. LEHENDAKARITZA