Euskal Herriko Agintaritzaren Aldizkaria

53. zk., 2003ko martxoaren 14a, ostirala

Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da

Iragarpenak

Justizia, Lan eta Gizarte Segurantza Saila

1565

IRAGARKIA, Justizia, Lan eta Gizarte Segurantza Saileko Azterlanen eta Araubide Juridikoaren zuzendariarena, 392/2002 auzi-errekurtsoari dagokion 02.0368.20.02.01.02 administrazio-espedientea bidali eta interesatuta dauden beste guztiak epatzekoa.

Jon González Ortiz del Río jauna ezin izan dugu aurkitu administrazio-espedientean agertzen den helbidean (Larratxo hiribidea, 26 - 1.B). Beraz, jakinarazten zaio Donostiako Administrazioarekiko Auzietako 1 zenbakiko Epaitegiak espediente hori bidal dakion eskatu duela. Espedientea Montajes Eléctricos Hernani SL enpresak eskatuta bideratu da, Eusko Jaurlaritzako Justizia, Lan eta Gizarte Segurantza Sailaren ebazpen baten aurka. Ebazpen horrek, bestalde, 138/128/02 zenbakia duen espedientean jarritako gora jotzeko errekurtsoa ebatzi zuen (02.0368.20.02.01.02 errekurtsoa).

Administrazioarekiko Auzien Jurisdikzioa arautzen duen uztailaren 13ko 29/1998 Legearen 49. artikuluan agindutakoa betez, aipatutako prozedura judizialean agertu eta pertsonatu daitekeela jakinarazten zaio Jon González Ortiz del Río jaunari. Bederatzi egun izango ditu horretarako, iragarki hau argitaratu, eta biharamunetik aurrera.

Vitoria-Gasteiz, 2003ko otsailaren 12a.

Azterlanen eta Araubide Juridikoaren zuzendaria,

ABEL LOPEZ DE AGUILETA QUINTANA.