Euskal Herriko Agintaritzaren Aldizkaria

15. zk., 2003ko urtarrilaren 23a, osteguna

Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da

Justizi Administrazioa

Bilboko Lehen Auzialdiko 12 Zenbakiko Epaitegia

478

EDIKTUA, 412/02 desahuzioaren gaineko hitzezko judizioaren ondoriozkoa.

JAKINARAZPEN ZEDULA

Bilboko Lehen Auzialdiko 12 zenbakiko Epaitegian, PZLb 412/02 hitzezko judizioa bideratu da, ez ordaintzeagatiko desahuzio batengatik (N11), Pablo Bilbao Olabarrieta jaunak eskatuta, Aitz-Kabi EHA SA sozietatearen aurka. Judizio horren gainean epaia eman da. Idazpuruak eta epaitzak hau diote, hitzez hitz:

Epaiaren zk.:

Epaia eman duen epailea: Eugenia Fraile Sanchez andrea.

Lekua: Bilbao (Bizkaia).

Eguna: bi mila eta biko urriaren hamarra.

Demandatzailea: Pablo Bilbao Olabarrieta.

Abokatua: Javier Oscar Vela Ibarra.

Prokuradorea: Ignacio Hijon Gonzalez.

Demandatua: Aitz-Kabi EHA SA.

Judizioaren helburua: ez ordaintzeagatiko desahuzioa (N11).

AURREKARIAK

Lehenengoa.– Hijon prokuradoreak, Pablo Bilbao Olabarrietaren izenean eta ordezkaritzan, bi pabilioiren gaineko desahuzioari buruzko hitzezko judizioa egiteko demanda aurkeztu zuen. Pabilioiak Basaurin daude (San Miguel auzoa, Arteagoiti poligonoa, AL-1 sektorea, III zenbakiko industria lursaila, 7 eta 8 zenbakidun pabilioiak). Demanda hori aurkeztu zen 18.963 euroko zenbatekoari dagozkion errentak ez ordaintzeagatik.2002-05-16ko auto batez onartu zen demanda, eta bertan adierazi zen bista urriaren 7an egingo zela, 13:30etan, eta alde biei egin zitzaien bertaratzeko deia.

Bigarrena.– Bista egin zen egunean demandatua bertaratu zen eta demanda berresteaz gain, demanda besterik gabe onesteko eskatu zuen.

Demandatua ez zen agertu, nahiz eta ohartarazi zitzaion agertzen ez bazen desahuzioa egingo zela.

Hirugarrena.– Frogatuta dago Aitz-Kabi EHA SA sozietateak 18.963,16 euro zor dizkiola demandatzailea den Pablo Bilbao Olabarrietari. Zor horri lehen adierazi dugun finken alokairuari dagozkion 2001eko hilerokoak eta 2002ko urtarriletik maiatzera arteko hilerokoak ez ordaintzegatik sortu da.

ZUZENBIDEKO OINARRIAK

Lehenengoa.– Errentak ordaindu ez izanak edo maizterrak ordaindu beharreko zenbatekoak edo hari dagozkionak ordaindu ez izanak hiri-finka baten errentamendu-kontratua bukatzeko eskubidea ematen dio alokatzaileari, dena-delako finka etxebizitza erabilerakoa izan ala bestelako erabilerakoa izan (Hiri-errentamenduei buruzko azaroaren 24ko 29/1994 Legearen 27.2.a) artikulua eta 35. artikulua).

Bigarrena.– Bestalde, Prozedura zibileko (PZLb) 1/2000 Legeko 440.3 artikuluak xedatzen du errentak edo zor diren zenbatekoak ez ordaintzeagatik hiri-finka baten desahuzioa eskatzen duen demanda bat badago, epaimahaiak bistara bertaratzeko dei egiten dionean demandatuari, honako ohartarazpena egin behar diola: bistara agertu ezik, zuzenean egingo dela desahuzioa.

Kasu honetan, demandatuari bistara bertaratzeko dei egin ziotenean, behar bezala adierazi zitzaion zer gertatuko zen agertzen ez bazen. Hala ere, demandatua ez zen agertu eta agertzea galarazi zion gertakariren bat egon bazen ere, ez du halakorik alegatu. Beraz, ezinbestekoa da zuzenbideak adierazitakoa kontuan hartutako ebazpena egitea, hau da, demandan adierazi den zorra benetakotzat jotzea, demandatua ez delako agertu.

Hirugarrena.– Prozedura Zibileko Lege berriko 394. artikuluan aurreikusitakoarekin bat, demandatuari ezartzen zaizkion kostuak.

EPAITZA

1.– Hijon prokuradoreak, Pablo Bilbao Olabarrietaren izenean eta ordezkaritzan, Aitz-Kabi EHA SAren aurka aurkeztutako demanda onesten dut; beraz, ebazpen honen aurrekarietan aipatutako finken gaineko errentamendu-kontratua bukatuta dagoela deklaratzen dut eta demandatua kondenatzen dut finka uztera eta ohartarazten diot, legez jarritako epean uzten ez badu, finkatik botako dutela.

2.– Demandatuak ordaindu beharko ditu prozesu honetan sortutako kostuak.

Inpugnatzeko modua: apelazio-errekurtsoa, Bizkaiko Probintzia Auzitegian (Prozedura Zibileko Lege berria, 455. artikulua).

Errekurtsoa prestatzeko, idazki bat aurkeztu beharko da epaitegi honetan, bost egun balioduneko epean, jakinarazpena egin eta biharamunetik aurrera. Bertan, honako hauek baino ez dira adieraziko: apelatutako ebazpena, errekurtsoa jartzeko nahia eta inpugnatzen dituen erabakiak (Prozedura Zibileko Lege berria, 457.2 artikulua).

	Errekurtsoa prestatzeko idazkia ez da onartuko, baldin eta betetako errentak eta kontratuaren arabera ordainduta eduki behar direnak ordainduta daudela egiaztatzen ez bada (PZLb, 449.1 artikulua).

Epaia eman, agindu eta izenpetzen dut.

Demandatuari, hau da, Aitz-Kabi EHA SA sozietateari, legeetan jarritakoaren arabera jakinarazteko, ediktu hau egin dut, Bilbon (Bizkaia), bi mila eta biko abenduaren hogeita hiruan.

IDAZKARI JUDIZIALA.