Euskal Herriko Agintaritzaren Aldizkaria

246. zk., 2002ko abenduaren 26a, osteguna

Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da

Iragarpenak

Industria, Merkataritza eta Turismo Saila

7365

IRAGARKIA, 2002ko urriaren 31koa, Industria, Merkataritza eta Turismo Saileko Gipuzkoako Lurralde Bulegoko buruarena. Honen bidez jendaurreko informaziopean jartzen da Legazpiko udalerrian egin beharreko honako proiektu hau: 13,2 kVko lur azpiko linea elektrikoa, zirkuitu bakuna, Legazpia-Brinkola TEA linearen aldaketa eta Olaberria TZ eta Area 58-3 TZetara doan adarra izenekoa.

Energia elektrikoaren garraio, banaketa, merkataritza, horniketa jarduerak eta horiek instalatzeko baimenen prozedurak arautzen dituen abenduaren 1eko 1955/2000 Errege Dekretuaren (2000/12/27ko EAO) 125. artikuluan, testu bereko azken xedapenetatik lehenengoan finkatutakoarekin bat etorriz, segidan aipatzen den linea elektrikoa ezartzeko proiektua jendaurrean jartzen da, Administrazioaren baimena eskatzen baita.

Eskatzailea: Iberdrola, S.A.

Erreferentzia: RI.20/24051 - ATH. 99/02 - M.c.

Kokapena: Legazpia.

Lur azpiko linea zirkuitu bakunaren ezaugarriak:

Zerbitzu-tentsioa: 13,2 kV.

Eroaleak: 3 AL 150.

Luzera: 632 m.

Hasiera: Legazpia-Brinkola linearen 1. euskarria.

Amaiera: Legazpia-Brinkola linearen 43. euskarria.

Aurrekontua: 20.257,59 euro.

Beren burua kaltetutzat ikusten duten guztiek proiektua aztertu eta idatzizko alegazioak aurkezteko aukera izango dute. Alegazioen hiruna ale aurkeztu beharko dira Industria, Merkataritza eta Turismo Sailaren Gipuzkoako Lurralde Ordezkaritzaren Bulegoan, helbide honetan: Easo kalea, 10, Donostia. Alegazioak aurkezteko hogei eguneko epea izango da iragarki hau argitaratu eta hurrengo egunetik hasita.

Donostia-San Sebastián, 2002ko urriaren 31.

Lurralde Bulegoko burua,

JAVIER LOPEZ LARRINAGA.