Euskal Herriko Agintaritzaren Aldizkaria

142. zk., 2002ko uztailaren 29a, astelehena

Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da

Iragarpenak

Industria, Merkataritza eta Turismo Saila

4245

IRAGARKIA, Eusko Jaurlaritzaren Industria, Merkataritza eta Turismo Sailaren Arabako Lurralde Bulegoko buruarena; horren bidez jendaurrera jarri da Vitoria-Gasteiz udalerriko Uribarri Nagusia auzunean etxebizitza eta merkataritza erabilerako gas propano kanalizatuaren banaketa eta horniketarako instalazioaren proiektua.

Urriaren 7ko (98.10.08 EAO) 34/1998 Legeak, urriaren 26ko 2913/1973 Dekretuz onetsitako Gas Erregaien Zerbitzu Publikorako Arautegi Orokorrak, 1954ko abenduaren 16ko Jabetza nahitaez kentzeko Legeak eta Herri Administrazioen Araubide Juridikoaren eta Administrazio Prozedura Erkidearen azaroaren 26ko 30/1992 Legeak agintzen dutena betez, jendaurrera jarri da ondoko instalazioaren proiektua:

Eskatzailea: Repsol Butano, S.A.

Helbidea: Bilbao.– Alameda de Urquijo 80a

Eskariaren helburua: Vitoria-Gasteiz udalerriko Uribarri Nagusia auzunean etxebizitza eta merkataritza erabilerako gas propano kanalizatuaren banaketa eta horniketa.

Kokapena: Uribarri Nagusia, Vitoria-Gasteiz udalerrian.

Deskribapena: GPL biltzeko 19.070 l-ko aireko depositua, 100 kg orduko erregulatzeko ekipoarekin eta sutearen kontrako segurtasun- eta babes-tresnaz horniturik. B motako presio ertaineko banaketa-sarea, dentsitate ertaineko polietilenozko tutuerian, SDR-11 motakoa eta 40 mm-ko diametroduna; luzera 910 m eta 30 hartune dentsitate ertaineko polietilenozko tutueriarekin, SDR-11 motakoa eta 32 eta 20 mm-ko diametrodunak.

Aurrekontua: 44.882,95 EURO)

Eta honen bidez, aipatu proiektuak ukitzen dituen lurren jabe eta gainontzeko titularrek jakin dezaten, hau guztia jendaurrean jartzen da aipatu udalerrian, nahi duenak egitasmoa azter dezan eta egokitzat jo ditzakeen erreklamazioak aurkez ditzan. Egitasmoa ikusgai egongo da Vitoria-Gasteizko Samaniego kaleko 2an dagoen Lurralde Bulegoan. Erreklamazioak egiteko epea hogei egunekoa izango da iragarkia argitaratzen den egunaren biharamunetik hasita; erreklamazioak, bestalde, hiru aletan aurkeztu behar dira.

Vitoria-Gasteiz, 2002ko maiatzaren 28a.

Lurralde bulegoko burua,

SABIN ZUGADI BARRON.