Euskal Herriko Agintaritzaren Aldizkaria

106. zk., 2002ko ekainaren 6a, osteguna

Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da

Iragarpenak

Bilboko Udala

3318

IRAGARKIA, Bilboko Udalarena, 2000. urteko Udaleko lanpostu-zerrendaren aldaketari buruzkoa.

Bilboko Udalak, 2002ko apirilaren 25ean egindako batzarraldian, besteak beste, erabaki hau hartu zuen:

"Bat.– Apirilaren 2ko 7/1985 Legearen 90. artikuluan, abuztuaren 2ko 30/1984 Legearen 16. artikuluan, 781/1986 Errege Dekretuaren 127. eta 128. artikuluetan eta Euskal Funtzio Publikoari buruzko 6/1989 Legearen 13. artikuluan eta hurrengoetan ezarritakoaren arabera, Bilboko Udaleko langileen lanpostuen zerrendaren aldaketa onartu du udalbatzarrak. Lanpostuen zerrenda hori 2000ko urriaren 25eko batzarraldian onartu zuen Udalbatzarrak. Hauek dira aldaketak:

Hiritarren Segurtasun Zerbitzua

– 1665 lanpostua sortu da, Udaltzaingoaren Administrazio Ataleko burua; lanpostu-osagarria: 28. maila. Atal horren menpe egongo da Udaltzaingoaren Administrazio Unitatea. Lanpostua izendapen askearen bidez beteko da eta A taldeko funtzionarioa izan behar da, Udaltzaingoko agintarien eskalakoa.

– 3666 lanpostua sortu da, Bulego Orokorreko Taldeko burua; lanpostu-osagarria: 20.maila. Espediente eta Isunen Sekzioaren menpean egongo da. Lanpostua izendapen askearen bidez beteko da eta C taldeko funtzionarioa izan behar da.

– 3667 lanpostua sortu da, Telekomunikazioetako Taldeko burua; lanpostu-osagarria: 20. maila. Zerbitzu Teknikoetako Sailatalaren menpe egongo da. Lanpostua izendapen askearen bidez beteko da eta C taldeko funtzionarioa izan behar da.

– 3668 lanpostua sortu da, Plangintza eta Garapen Unitateko burua; lanpostu-osagarria: 20. maila. Plangintza Atalaren menpe egongo da. Lanpostua izendapen askearen bidez beteko da eta Udaltzaingoaren ofizial ondokoa edo sarjentua izan behar da.

– 3669 lanpostua sortu da, Ibilgailuen, Armen eta Tiro Unitateko burua; lanpostu-osagarria: 20. maila. Zuzendaritzaren menpe egongo da zuzenean. Lanpostua izendapen askearen bidez beteko da eta Udaltzaingoaren ofizial ondokoa edo sarjentua izan behar da.

– 1447 lanpostuaren izena aldatu da; lehen 1447-Plangintza eta Baliabideen zuzendariordea zen eta orain 1447- Kudeaketaren zuzendariordea izango da.

– 1446 lanpostuaren izena aldatu da; lehen 1446-Plangintza, Zerbitzu Tekniko eta TAO/OTA Sailataleko burua zen eta orain 1446-Zerbitzu Orokorretako Sailataleko burua izango da.

– 1436 lanpostuaren izena aldatu da; lehen 1436-Zerbitzu Orokorretako Sekzioko burua zen eta orain 1436-Espediente eta Isunen Sekzioko burua izango da.

– 1526 lanpostua aldatu da; lehen 1526-Plangintza eta Garapen Sekzioko burua zen eta orain 1526-Plangintza Ataleko burua (lanpostu-osagarria: 28. maila); Zerbitzuaren Zuzendaritzaren menpe egongo da zuzenean. Lanpostua izendapen askearen bidez beteko da eta A taldeko funtzionarioa izan behar da.

– 1527 lanpostua aldatu da; lehen 1527-Zerbitzu Teknikoetako Sekzioko burua zen eta orain 1527-Zerbitzu Teknikoetako Sailataleko burua (lanpostu-osagarria: 28. maila); Kudeaketaren Zuzendariordetzaren menpe egongo da. Lanpostua izendapen askearen bidez beteko da eta A taldeko funtzionarioa izan behar da.

– 1528 lanpostua aldatu da; lehen 1528-Zirkulazioko Azpiataleko burua zen eta orain 1528-Zirkulazioko Ataleko burua (lanpostu-osagarria: 28. maila); Udaltzaingoaren Buruzagitzaren menpe egongo da eta beraren menpe egongo dira Zirkulazio Argiketen Unitatea eta Zirkulazioaren Erregulazio eta Antolaketako Unitatea. Lanpostua izendapen askearen bidez beteko da eta A taldeko funtzionarioa izan behar da, Udaltzaingoko agintarien eskalakoa.

– 1529 lanpostua aldatu da; lehen 1529-Zerbitzu Berezietako Ataleko burua (lanpostu-osagarria: 28. maila); Udaltzaingoaren Buruzagitzaren menpe egongo da eta beraren menpe egongo dira Eginbideen Unitatea, Udaltzaingoaren Unitate Zientifikoa, Lege-Hausteen Ikerketako Unitatea, Droga Unitatea, Segurtasun eta Zaintzaren Unitatea eta Agintarien Segurtasuneko Unitatea. Lanpostua izendapen askearen bidez beteko da eta A taldeko funtzionarioa izan behar da, Udaltzaingoko agintarien eskalakoa.

– 1382 lanpostua aldatu da; lehen 1382-Babes Publikoaren Azpiataleko burua zen eta orain 1382-Babes Publikoaren Ataleko burua (lanpostu-osagarria: 28. maila); Udaltzaingoaren Buruzagitzaren menpe egongo da eta beraren menpe egongo dira Laguntzarako Unitate Higikorra eta auzoetako lau komisariak. Lanpostua izendapen askearen bidez beteko da eta A taldeko funtzionarioa izan behar da, Udaltzaingoko agintarien eskalakoa.

– 3473-Ekintzen Koordinazio Zentroko burua, dauden bederatzi lanpostuetatik bat aldatu da; orain 3670-Zirkulazioaren Koordinazioko Unitateko burua izango da (lanpostu-osagarria: 21. maila). Lanpostua izendapen askearen bidez beteko da eta Udaltzaingoko ofizialaren ondokoa edo sarjentua izan behar da. Gainerako zortziak Udaltzaingoko Buruzagitzaren menpe egongo dira.

– 3397 lanpostua aldatu da; lehen 3397-Udaltzaingoaren Oinarrizko Unitateko burua zen eta orain 3397-Azterlan eta Analisien Unitateko burua. Plangintza Atalaren menpe egongo da. Lanpostua izendapen askearen bidez beteko da eta Udaltzaingoko ofizialaren ondokoa edo sarjentua izan behar da.

– 3546 lanpostuaren izena aldatu da; lehen 3546-Atxilotuen Zaintza eta Lekualdaketen Unitateko burua zen eta orain 3546-Segurtasun eta Zaintzaren unitateko burua izango da.

– 1429 lanpostua kendu da, Hautaketa, Ebaluapen eta Kudeaketa Sekzioko burua. Lanpostu hori Saileko Zuzendariordetzari atxikita zegoen.

– 1600 lanpostua kendu da, Zirkulazio eta Zerbitzu Berezietako buruaren ondokoa. Lanpostu hori Udaltzaingoaren Buruzagitzari atxikita zegoen.

– 1420 lanpostua kendu da, Polizia Judizialeko Taldeko burua. Lanpostu hori Zerbitzu Berezietako Atalari atxikita zegoen.

– 3435 lanpostua kendu da, Zerbitzu Orokorretako sarjentu arduraduna. Lanpostu hori Zerbitzu Orokorretako Sekzioari atxikita zegoen.

– 3441 lanpostua kendu da, Zerbitzu Teknikoetako sarjentua. Lanpostu hori Zerbitzu Teknikoetako Azpiatalari atxikita zegoen.

Bi.– Sortu diren lanpostuen balorazioa behin behinekoa izango da, harik eta lanpostu bakoitzari dagozkion zereginak zehatz-mehatz definitu eta Balorazioko Batzorde Teknikoak haiek aztertu arte.

Hiru.– Alkatetzari ahalmena eman zaio lanpostu berriak zerbitzu-eginkizunetan behin behinean betetzeko, lanpostuak betetzeko deialdiak egin bitartean.

Lau.– Erabaki hau betetzeko, Alkatetza-Udalburutzari ahalmena eman zaio erabaki honetako 1. puntuan adierazitako lanpostuak sortzeak dakartzan obligazio ekonomikoak bete ahal izateko kreditu gehigarria habilitatzeko."

Bilboko Udaletxeak, 2002ko maiatzaren 8a.

IDAZKARI NAGUSIA.