78. zk., 2002ko apirilaren 25a, osteguna
- Bestelako formatuak:
- Testu elebiduna
Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da
Justizi Administrazioa
Irungo Lehen Auzialdiko 4 Zenbakiko Epaitegia
2478
EDIKTUA, 316/01 hitzezko judizioari dagokiona.
Irungo Lehen Auzialdiko 4 zenbakiko Epaitegia
Judizioa: 316/01 hitzezko judizioa; desahuzioa, PZLb
Demanda-egilea: Maria Milagros Sánchez Celigueta
Abokatua: Aguirreche Ruiz, Eva
Prokuradorea: Guadalupe Amunarriz Agueda
Demandatua: Ainara Viñas Martínez
Gaia: errentak ez ordaintzeagatiko desahuzioa.
Judizio horren gainean epaia eman da. Hau dio epaitzak:
EPAITZA
Oso-osorik onartu dut Milagros Sánchez Celigueta andrearen izenean eta ordez Guadalupe Amunarriz Águeda andreak aurkeztutako demanda, Ainara Viñas Martínez andrearen aurkakoa. Beraz, hitzartutako errentak ez ordaintzeagatik, alderdi bien artean zegoen errentamendu-kontratuaren amaiera adierazten dut (etxebizitza: Cipriano Larrañaga kalea, 22, 1. ezkerra, Irun). Ondorioz, demandatuak etxea utzi beharko du, eta ohartarazten zaio, legez jarritako epean etxea uzten ez badu, bota egingo dela etxetik. Kostuak demandatuari ezartzen dizkiot.
Epaia eman, agindu eta sinatzen dut.
Eta demandatua, Ainara Viñas Martínez, egun non bizi den ez dakigunez, ebazpena Euskal Herriko Agintaritzaren Aldizkarian argitaratutako ediktu baten bidez jakinaraztea erabaki da, Prozedura Zibilaren 1/2000 Legearen 49.2 artikuluan agindutakoarekin bat (PZLb).
Ebazpen horren aurka demandatu auzi-iheslariak apelazio-errekurtsoa aurkez dezake, Gipuzkoako Probintzia Auzitegian.
Errekurtsoa prestatzeko, idazki bat aurkeztuko da epaitegi honetan, bost egun balioduneko epean, jakinarazpena egin eta biharamunetik aurrera. Bertan honako hauek baino ez dira adieraziko: apelatutako ebazpena, errekurtsoa jartzeko nahia eta inpungatzen dituen erabakiak (Prozedura Zibileko Lege berria, 457.2 artikulua).
Jakinarazten den ebazpenaren testu osoa interesatuaren eskura egongo da epaitegi honetako idazkaritzan.
Irunen (Gizpuzkoa), bi mila eta biko apirilaren zortzian.
IDAZKARI JUDIZIALA.