RSS
75. zk., 2002ko apirilaren 22a, astelehena
- Bestelako formatuak:
- Testu elebiduna
Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da
Iragarpenak
Ogasun eta Herri Administrazio Saila
2375
LEHIAKETA, Arabako uren zerbitzupean dauden isurialde mediterraneoko ibaietan hondakin-urak isurtzen diren tokiak, toki horien kokalekua eta ezaugarriak biltzen dituen inbentarioa euskarri informatikoan egiteko kontratua esleitzeko dena (KBN, C02/15/2002 esp.).
1.– Entitate esleitzailea.
a) Erakundea: Lurralde Antolamendu eta Ingurumen Saila.
b) Espedientea izapidetzen duen bulegoa: Kontratazio Batzorde Nagusia (Ondare eta Kontratazio Zuzendaritza).
c) Espediente-zenbakia: C02/15/2002.
2.– Kontratuaren ezaugarriak.
a) Helburua: Arabako uren zerbitzupean dauden isurialde mediterraneoko ibaietan hondakin-urak isurtzen diren tokiak, toki horien kokalekua eta ezaugarriak biltzen dituen inbentarioa egitea euskarri informatikoan.
b) Loteak: ez.
c) Burutzeko lekua: Euskal Autonomia Erkidegoa, Arabako Lurralde Historikoa.
d) Burutzeko epea: Lurralde Antolamendu eta Ingurumen Sailak hasteko agindua ematean hasiko da, betiere kontratua formalizatu ondoren, eta 16 hilabetekoa izango da.
3.– Izapideak, prozedura eta esleitzeko era.
a) Izapideak: Arruntak.
b) Prozedura. Irekia.
c) Era: Lehiaketa.
4.– Lizitaziorako oinarrizko aurrekontua: 480.809,68 euro.
5.– Fidantzak: lizitatzaileek, behin-behineko fidantza gisa, 9.616,19 euro.
6.– Agiriak eta argibideak eskuratzea.
a) Entitatea: Kontratazio Batzorde Nagusia (Ondare eta Kontratazio Zuzendaritza). Web orria: www.ej-gv.net.
b) Helbidea: Donostia kalea, 1 (beheko solairua, Lakua II).
c) Herria eta posta kodea: 01010 Vitoria-Gasteiz.
d) Telefonoa: 945 01 89 31.
e) Faxa: 945 01 90 18.
f) Agiriak eta argibideak jasotzeko azken eguna: 2002ko maiatzaren 30a.
7.– Kontratistaren betebeharrak.
a) Sailkapena: ez.
b) Bestelako betebeharrak: lizitatzaileek euren kaudimen ekonomikoa eta finantzarioa baita gaitasun teknikoa edo profesionala ere frogatu beharko dituzte, "B" kartazalean, honako agiri hauen bidez:
– Azken hiru ekitaldiotan enpresak burututako negozio guztiei eta obra, hornidura, zerbitzu edo lanei buruzko aitorpena.
– Enpresaburuen eta enpresaren zuzendaritzako titulazio akademikoak eta profesionalak; eta, batik bat, kontratua burutzeko ardura duen pertsonalarena.
– Azken hiru urteotan burututako zerbitzurik edo lanik garrantzitsuenen zerrenda, horien zenbatekoa, egunak eta onuradun publiko edo pribatuak jasoko dituena.
– Kontratuan diharduten talde teknikoaren eta unitate teknikoen zehaztapena, kalitate kontrolaren ardura dutenena batez ere; berdin dio enpresarekin zerikusi zuzena dutenentz.
– Kontratua gauzatzeko enpresaburuak dituen materialaren, instalakuntzen eta ekipo teknikoaren aitorpena.
– Kalitatea kontrolatzeko enpresaburuek hartutako neurrien eta azterlan- eta ikerlan-baliabideen aitorpena.
8.– Eskaintzak edo parte hartzeko eskabideak aurkeztea.
a) Aurkezteko azken eguna: 2002ko maiatzaren 31ko 10:00ak aurretik.
b) Aurkeztu beharreko agiriak: berariazko klausula administratiboen pleguan jasotakoa.
c) Aurkezteko lekua:
1. Entitatea: Kontratazio Batzorde Nagusia (Ondare eta Kontratazio Zuzendaritza).
2. Helbidea: Donostia kalea, 1 (beheko solairua, Lakua II).
3.– Herria eta posta kodea: 01010 Vitoria-Gasteiz.
d) Lizitatzaileak eskaintzari eutsi behar dioneko epea (lehiaketa): hiru hilabete, eskaintzak irekitzen direnetik kontatzen hasita.
e) Aldaerak (lehiaketa): ez.
f) Eskaintzak egiteko gonbita egingo zaien enpresa kopuru gutxi gorabeherakoa, edo gutxienezko edo gehienezko kopurua (prozedura mugatua): ez.
9.– Eskaintzak irekitzea.
a) Entitatea: Kontratazio Batzorde Nagusia (Ondare eta Kontratazio Zuzendaritza).
b) Helbidea: Donostia kalea, 1 (beheko solairua, Lakua II).
c) Herria: 01010 Vitoria-Gasteiz.
d) Eguna: 2002ko maiatzaren 31.
e) Ordua: 12:00.
10.– Bestelako argibideak:
Kontratuaren prezioa eurotan finkatuko da; beraz, lizitatzaileak eskaintza eurotan aurkeztu beharko du.
11.– Iragarkiaren gastuak: esleipendunak ordainduko ditu.
12.– Iragarkia Europako Batasunaren Aldizkari Ofizialera bidali den eguna (hala badagokio): 2002ko apirilaren 9a.
Vitoria-Gasteiz, 2002ko apirilaren 9a.
Ondare eta Kontratazio zuzendaria,
JAIME DOMÍNGUEZ-MACAYA LAURNAGA.
