Euskal Herriko Agintaritzaren Aldizkaria

49. zk., 2002ko martxoaren 11, astelehena

Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da

Bestelako Xedapenak

Eusko Legebiltzarra

1547

IRAGARKIA, 302/02-2 zenbakia duen administrazioarekiko auzi-errekurtsoaren administrazio-espedientea bidaltzeari eta gainerako interesatuei dei egiteari buruzkoa.

Aditzera ematen zaie interesatu guztiei María Izaskun Bilbao Barandicak 302/02-2 zenbakia duen administrazioarekiko auzi-errekurtsoa jarri duela EAEko Auzitegi Nagusiko Administrazioarekiko Auzietako Salan, Eusko Legebiltzarreko Mahaiak hartutako erabaki baten kontra eta Kortezubiko Udalak emandako dekretu baten kontra. Hain zuzen, Legebiltzarreko Mahaiak, 2001eko azaroaren 27an, erabaki zuen ez onartzea 2001eko urtarrilaren 30ean hartua zuen erabaki baten aurka (hirurtekoak ordaintzeko eskaera ez onartzearen aurka) jarritako berraztertze-errekurtsoa. Bestetik, Kortezubiko Udalak, 2002ko urtarrilaren 22an, erabaki zuen ez onartzea hirurtekoak ordaintzeko eskaera.

Administrazioarekiko Auzien Jurisdikzioa arautzen duen uztailaren 13ko 29/1998 Legeak 49.1 artikuluan dioena betez, dei egiten zaie interesatu guztiei bederatzi eguneko epean auzitegira joan eta auto horietan azaldu daitezen.

Vitoria-Gasteiz, 2002ko otsailaren 20a.

Eusko Legebiltzarreko lehendakaria,

JUAN M.ª ATUTXA MENDIOLA.