RSS
48. zk., 2002ko martxoaren 8a, ostirala
- Bestelako formatuak:
- Testu elebiduna
Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da
Bestelako Xedapenak
Hezkuntza, Unibertsitate eta Ikerketa Saila
1504
AGINDUA, 2002ko otsailaren 11koa, Hezkuntza, Unibertsitate eta Ikerketa sailburuarena, Bilboko (Bizkaia) "Martinez Aznar" Bigarren Hezkuntzako ikastetxe pribatuari Lanbide Heziketako prestakuntza-zikloak irakasteko baimena emateko dena.
Lanbide Heziketako prestakuntza-zikloak irakasteko baimena eskatuz Bilboko (Bizkaia) "Martinez Aznar" ikastetxe pribatuaren titularrak hasarazitako espedientea aztertu da.
Espediente horri Hezkuntzako Bizkaiko Lurralde Ordezkaritzak egin dizkio izapideak, indarreko arauek agindutako agiriak erantsi zaizkio eta gai horretan eskuduntza duten erakundeek eman diote informea.
Unibertsitateaz kanpoko araubide orokorreko irakaskuntzak eskaintzeko baimenak ikastetxe pribatuei emateari buruzko apirilaren 3ko 332/1992 Errege Dekretua (9ko EAO), unibertsitateaz kanpoko araubide orokorreko irakaskuntzak ematen dituzten ikastetxeen gutxieneko baldintzak ezartzen dituen ekainaren 14ko 1004/1991 Errege Dekretua (26ko EAO), Lanbide Heziketako irakaskuntzak arautzen dituen apirilaren 29ko 97/1997 Dekretua (maiatzaren 7ko EHAA), hezkuntza-sistemaren barruan lanbide heziketaren antolaketako alderdi jakin batzuk garatzen dituen apirilaren 30eko 777/1998 Errege Dekretua (maiatzaren 8ko EAO) eta indarrean dauden eta gai horretan erabilgarriak diren gainerako xedapenak ikusi ondoren, hau
EBATZI DUT:
1. artikulua.– 2001/2002 ikasturtetik aurrera Lanbide Heziketako prestakuntza-zikloak irakasteko baimena ematen zaio honen jarraian zehazten den ikastetxe pribatuari:
– Kode-zenbakia: 48003370
– Lurralde Historikoa: Bizkaia.
– Udalerria: Bilbao
– Izen generikoa: Bigarren Hezkuntzako ikastetxe pribatua
– Izen espezifikoa: "Martinez Aznar".
– Titularra: Adolfo Martinez Aznar.
– Helbidea: Egaña, 17 eta Nicolás Alcorta, 2.
– Baimena: Gizarte- eta Kultur-Sustapeneko Goi Mailako Prestakuntza Zikloa. Edukiera: ziklo 1, 20 ikaspostu.
– Gizarteratzeari buruzko Goi Mailako Prestakuntza Zikloa. Edukiera: ziklo 1. 20 ikaspostu.
Merkataritza-kudeaketako eta Marketing-eko Goi Mailako Prestakuntza Zikloa. Edukiera: ziklo 1, 20 ikaspostu.
Ikastetxearen osaera:
– Lanbide-heziketa:
(Familia: Administrazioa:
– Administrazio Kudeaketako Erdi Mailako Prestakuntza Zikloa.
Edukiera: ziklo 1.
– Administrazio eta Finantzen Goi Mailako Prestakuntza Zikloa.
Edukiera 2 ziklo.
– Idazkaritzako Goi Mailako Prestakuntza Zikloa.
Edukiera: 2 ziklo.
(Familia: Merkataritza eta Marketing-a:
– Merkataritzako Erdi Mailako Prestakuntza Zikloa.
Edukiera: ziklo 1.
– Merkataritza Kudeaketako eta Marketing-eko Goi Mailako Prestakuntza Zikloa.
Edukiera: ziklo 1.
(Familia: Gizarte- eta kultur-zerbitzuak eta komunitateari eskaintzekoak:
– Gizarte- eta Kultur-Sustapeneko Goi Mailako Prestakuntza Zikloa.
Edukiera: ziklo 1.
– Gizarteratzeari buruzko Goi Mailako Prestakuntza Zikloa.
Edukiera: ziklo 1.
– Helduen Oinarrizko Prestakuntzako Irakaskuntzak:
Edukiera: 2 talde.
2. artikulua.– Ikaspostu kopuruari, eskola-unitate bakoitzeko irakasle/ikasle gehieneko erlazioari eta irakasleriaren titulazio eta espezializazioari dagokienez, indarrean dauden eta erabiltzekoak diren xedapenetan ezarritakoari egokitu beharko zaio ikastetxea.
3. artikulua.– Ikastetxeak NBE CPI/96 Eraikuntzako Oinarrizko Araua bete beharko du, suteen aurka babesteko eraikinek bete beharreko baldintzei buruzkoa (urriaren 4ko 2177/1996 Errege Dekretuak onartua), bai eta indarreko legeriak ezartzen dituen higiene, akustika, bizigarritasun eta segurtasun baldintzak ere.
AZKEN XEDAPENAK
Lehenengoa.– Agindu honetan dagoen baimen-emate honek ez dauka bere baitan, inola ere, hezkuntza-itunen araubidearen bitartezko laguntzak lortzea.
Bigarrena.– Agindu honen kontra aukerako berraztertzeko errekurtsoa aurkeztu ahal zaio Hezkuntza, Unibertsitate eta Ikerketa sailburuari, agindua Euskal Herriko Agintaritzaren Aldizkarian argitaratu eta biharamunean kontatzen hasita, hilabeteko epean; bestela, administrazioarekiko auzi-errekurtsoa aurkeztu ahal da Euskal Autonomia Erkidegoko Auzitegi Nagusian, agindua Euskal Herriko Agintaritzaren Aldizkarian argitaratzen den egunaren biharamunetik aurrera, bi hilabeteko epearen barruan.
Vitoria-Gasteiz, 2002ko otsailaren 11.
Hezkuntza, Unibertsitate eta Ikerketa sailburua,
ANJELES IZTUETA AZKUE.