Euskal Herriko Agintaritzaren Aldizkaria

225. zk., 2001eko azaroaren 21a, asteazkena

Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da

Bestelako Xedapenak

Herri-Kontuen Euskal Epaitegia

6472

ERABAKIA, Herri-Kontuen Euskal Epaitegiaren Osokoak 2001eko irailaren 28an hartutakoa, "2001eko maiatzaren 13ko Eusko Legebiltzarrerako Hauteskundeen Hautes-Kontabilitatea" espedientearen fiskalizazio txostena behin betirako onesten duena.

Herri-Kontuen Euskal Epaitegiaren Osokoak 2001eko irailaren 28an egindako bilkuran,

ERABAKI DU:

"2001eko maiatzaren 13ko Eusko Legebiltzarrerako Hauteskundeen Hautes-Kontabilitatea" espedientearen fiskalizazio txostena, Erabaki honen Eranskin gisa ageri dena, behin betirako onestea.

Txostenaren ondorioak, HKEEren 1/1988 Legearen 13.2 artikuluan aurreikusitakoari jarraituz, Euskal Herriko Agintaritzaren Aldizkari Ofizialean argitaratzeko xedatzea.

Vitoria-Gasteiz, 2001eko irailaren 28a.

HKEEren lehendakaria,

RAFAEL ITURRIAGA NIEVA.

ERANSKINA

2001EKO MAIATZAREN 13KO EUSKO

LEGEBILTZARRERAKO HAUTESKUNDEEN

HAUTES-KONTABILITATEAREN FISKALIZAZIO TXOSTENA

I.– SARRERA

I.1.– LANAREN HELBURUAK ETA ZABALA

Eusko Legebiltzarrerako Hauteskundeen 5/1990 Legeari jarraiki, 15/1998 Legeak aldatzen duena (aurrerantzean ELHL), Herri-Kontuen Euskal Epaitegiak (HKEE) 2001eko maiatzaren 13an Eusko Legebiltzarrerako hauteskundeetan aulkia eskuratu zuten edo hautes-dirulaguntza aurreratzeko eskaria egin zuten kandidaturen sarrera eta gastuen kontabilitatea fiskalizatu du.

Indarreko arautegiaren arabera, fiskalizazio lanak ondotik adieraziko ditugunak egiaztatu ditu:

1.– ELHLren 140. artikuluak hautes-sarrera eta –gastuen kontabilitatea aurkezteko moldeari buruz finkatzen dituen baldintzak betetzea.

2.– Kandidaturek ireki edo gaitutako kontuak, hauteskunde batzordeari jakinarazitakoak, fondoak eskuratu eta hautes-gastuak ordaintzeko erabili direla egiaztatzea, ELHLren 141 eta 142.1 eta 2. artikuluek ezartzen dituzten zehaztapenak betez.

3.– Aurrez sortutako hautes-gastuak ordaintzeko irekitako kontuetako saldoen erabilera, botazio egunaz hurrengotik aurrera kontatuta 90 eguneko epearen barruan (ELHLren 142.3 artikulua).

4.– Norbanakoek egiten dituzten ekarpenetan, diru-ezarpena egiteko unean izen, helbide eta nortasun agiri nazionalaren edo pasaportearen egiaztagiria (ELHLren 143.1 artikulua) eta ekarpen horien banakako gehiengo muga betetzen dela egiaztatzea, 145.4 artikuluak zehazten duena eta 2001eko martxoaren 22ko Aginduan 1.515.000 pezetan gaurkotua dagoena.

5.– Alderdiek hautes-prozesuari aurre egiteko erabilitako diru-baliabideen jatorria (ELHLren 143.3 artikulua).

6.– Hautes-kontuetara ondotik zehaztuko ditugunetatik ekarpenak egiteko debekua betetzen dela egiaztatu: zeinahi administrazio edo korporazio publikotatik; erakunde autonomo edo estatuaren meneko erakundeetatik; Estatuaren, autonomia erkidegoen, probintzien edo udalerrien jabetzako diren sektore publikoko enpresetatik; ekonomia mistoa duten enpresetatik; eta indarreko kontratu bitartez, administrazio publikoetakoren batentzat zerbitzuak eman edo horniketa zein obrak egiten dituzten enpresetatik (ELHLren 145.1 artikulua).

7.– Atzerriko erakunde edo pertsonengandik, edo Autonomia Erkidegoaz kanpo bizilekua dutenengandik edo legez kanpoko jardueretatik etorritako ekarpenak hartzeko debekua bete dela egiaztatzea (ELHLren 145.2 eta 3 artikuluak).

8.– Eusko Legebiltzarrerako azken hauteskundeetan ordezkariak eskuratu zituzten kandidaturei Eusko Jaurlaritzak emandako hautes-dirulaguntzen aurrerakinetan gehieneko muga errespetatu dela egiaztatzea. Aurreratutako kopuruak ezin gaindituko du kandidatura horrek berak Eusko Legebiltzarrerako azken hauteskundeetan eskuratutako dirulaguntzaren ehuneko hogeita hamarra (ELHLren 144.2 artikulua).

9.– Kandidaturek eskuratu dituzten emaitzen arabera dagokien bigarren aurrerakinaren zenbatekoa, dirulaguntzen zenbatekoaren %90aren pareko dena; kasua denean, aurreko ataleko aurrerakina murriztuz (ELHLren 144.7 artikulua).

10.– Hautes-gastuak egiaz hauteskundeak deitzen diren datatik hautagaiak izendatzen direnera arte egin direla egiaztatzea, ELHLren 146. artikuluak agindutakoaren arabera.

11.– ELHLren 147. artikuluak agintzen du inongo alderdi, federakunde, koalizio edo kandidaturak ezingo dituela ezarritako mugak gaindituko dituzten hautes-gastuak egin. Barne Sailburuaren 2001eko martxoaren 27ko Aginduak kopuru hori 188.640.884 pezetan finkatzen du, Euskal Autonomia Erkidegoaren hiru hautes-barrutietan batean aurkezten diren haientzat. Honez gain, hautesleei propaganda, gutunazal eta papeleta edo hautes-publizitateko bestelako zeinahi elementuren igorpen zuzen eta pertsonalak eragindako hautes-gastuak subentzionatzen dira, hautesle bakoitzeko hogeita zazpi pezeta ordainduz, dena delako kandidaturak zerrenda aurkeztu eta aulkia eskuratu duen hautes-barruti bakoitzean. Diruz lagundutako kopurua ez da ELHLren 147. artikuluan aurreikusten den mugaren barruan barne hartua egongo, beti ere atal honek erreferentziagai duen jarduera egiaz gauzatu izana justifikatzen bada (ELHLren 151.2 artikulua).

12.– Egindako gastuak justifikatu, kontularitza, merkataritza eta fiskalaritzako printzipio eta arauek finkatzen dituzten gutxieneko betekizunak osatuko dituzten agiri bitartez.

I.2.– XEDAPEN EZARGARRIAK

* 5/1990 Legea, ekainaren 15ekoa, Eusko Legebiltzarrerako Hauteskundeei buruzkoa.

* 15/1998 Legea, ekainaren 19koa, 5/1990 Legea aldarazten duena, ekainaren 15ekoa, Eusko Legebiltzarrerako Hauteskundeei buruzkoa.

* 6/2000 Legea, urriaren 4koa, 5/1990 Legea aldarazten duena, ekainaren 15ekoa, Eusko Legebiltzarrerako Hauteskundeei buruzkoa.

* 2/2001 Dekretua, martxoaren 19koa, Lehendakariarena, Eusko Legebiltzarra desegin eta hauteskundeak deitzen dituena.

* 2001eko martxoaren 22ko Agindua, Ogasun eta Herri Administrazioko Sailburuarena, 5/1990 Legean bildutako kopuruak gaurkotzen dituena.

* 2001eko martxoaren 27ko Agindua, Barne Sailburuarena, 2001eko Eusko Legebiltzarrerako Hauteskundeetan hautes-gastuak mugatzeko ezarritako kopuruak finkatzen dituena.

* 2001eko maiatzaren 29ko Akordioa, Autonomia Erkidegoaren Hauteskunde Batzordearena (AEHB), 2001eko maiatzaren 13an egindako Eusko Legebiltzarrerako Hauteskundeen boto kontaketa orokorrari dagozkion emaitzak argitara ematea xedatzen duena.

I.3.– HAUTESKUNDE-EMAITZAK

Alderdi bakoitzak eskuratu behar dituen dirulaguntza publikoak zehazteko boto eta aulki zenbagarrien kopurua honako hau da:

EUSKAL

ARABA GIPUZKOA BIZKAIA AUTONOMIA ERKIDEGOA

KANDIDATURA BOTOAK AULKIAK BOTOAK AULKIAK BOTOAK AULKIAK BOTOAK AULKIAK

EAJ-PNV / EA 64.832 9 - - 335.945 12 400.777 21

PP 62.737 9 82.792 4 181.404 6 326.933 19

PSE-EE / PSOE 39.469 5 74.042 4 139.684 4 253.195 13

EAJ-PNV / EA / EA-NV - - 203.445 12 - - 203.445 12

EH 11.836 1 69.409 4 61.894 2 143.139 7

EB / IU 11.430 1 23.731 1 43.701 1 78.862 3

Gainerako taldeak 1.232 - 1.831 - 4.855 - 7.918 -

GUZTIRA 191.536 25 455.250 25 767.483 25 1.414.269 75

Hauteskunde Erroldaren Bulegoaren arabera, hautesle-errolda honako hau izan da:

LURRALDE EUSKAL HERRIKO ATZERRIKO ERROLDA

HISTORIKOA BIZTANLEAK BIZTANLEAK GUZTIRA

ARABA 243.203 2.600 245.803

GIPUZKOA 573.953 11.796 585.749

BIZKAIA 963.342 18.462 981.804

GUZTIRA 1.780.498 32.858 (*) 1.813.356

(*) Hautes-zuzenketarako aldiaz ondoko 151 berariazko errolda egiaztagiri barne hartzen ditu.

I.4.– GASTUETARAKO GEHIENEKO MUGA

Hauteskunde-barruti bakoitzaren araberako hautes-gastuek ezingo dituzte honako kopuru hauek gainditu:

Pezetak

ARABA 40.906.788

GIPUZKOA 61.667.507

BIZKAIA 86.066.589

Euskal Autonomia Erkidegoaren hiru hauteskunde-barrutien multzoan aurkezten diren alderdi, federakunde, koalizio edo kandidaturei dagokienez, hauteskunde gastuen muga 188.640.884 pezetakoa izango da.

Iritziari buruzko sailean egiten diren atal argigarrien gaineko aipamenak, Herri Kontuen Euskal Epaitegiaren Txostenaren argitaraldi osotuan kaleratu diren ondorioen eraskinetan barne-hartutako informazio gehigarriari dagozkio.

II.– ONDORIOAK

II.1.– IRITZIA

* Alderdi politikoen kontabilitatea fiskalizatzea ez da HKEEren egitekoa, Kontuen Epaitegiarena baizik (Estatukoa). Hau dela eta, HKEEk ez du egiaztatu aurkeztutako kontabilitateetan erregistratu gabeko hautes-gasturik ote dagoen; ezta, alderdi politikoen kontabilitatearen bitartez legezko debeku edo mugak urratzen dituzten dirusarrerak bideratu ote diren.

* Ezin egiaztatu izan dugu gauzazko ekarpenik egin ote den.

* ELHLren 142.3 artikuluak xedatzen du hauteskunde gastu guztiak hauteskunde ondoko 90 egunen barruan ordaindu beharko direla. Kontabilitateak aurkezteko epea 60 egunekoa denez gero, HKEEk ez du ondoko 30 egunetan egindako ordainketei buruzko informaziorik eskuratu.

* Orobat, ezin egiaztatu izan dugu kontabilitateak aurkeztu diren datan zorretan zeuden ordaintzekoei aurre egiteko beharrezko izan diren dirufondoen jatorria.

Epaitegi honen iritzia da, aurreko lerroarteetan aipatutako lanaren zabalak izan dituen mugetatik erator zitezkeen ondorioak alde batera utzita, kandidaturek aurkeztutako hautes-kontuek zuzentasunez islatzen dituztela aitortutako sarrera eta gastuak eta I.2 atalean zerrendaratutako legezko xedapen ezargarriak bete dituztela.

Euskal Autonomia Erkidegoaren Hauteskunde Batzordeari proposatzen zaio behin-betikotzat hartzea III.2 atalean kalkulatutako dirulaguntza publikoen gehieneko mugak eta honenbestez, behin-betikotzat hartzeko II.3 atalean balioetsitako jasotzeko dauden dirulaguntza publikoak.

II.2.– DIRULAGUNTZA PUBLIKOA

Hautes-gastuen dirulaguntza Euskal Autonomia Erkidegoak ELHLren 151.1 artikuluari jarraiki egiten du, 2001eko martxoaren 22ko Agindu bitartez aldatutakoa.

a.– Hiru milioi berrehun eta berrogeita hiru mila pezeta (3.243.000) Eusko Legebiltzarrean eskuratutako aulki bakoitzagatik.

b.– Ehun eta zortzi pezeta (108 pezeta) kandidatura bakoitzak eskuratutako boto bakoitzagatik, beti ere, gutxienez kide batek dagokion hautes-barrutian aulkia eskuratu badu.

c.– Bost milioi laurehun eta bost mila pezeta (5.405.000 pezeta) hauteskunde barruti bakoitzeko, gutxienez aulki bat eskuratzen dutenei hauteskunde barruti bakoitzeko.

Aurreko dirulaguntzez gain, hautesleei propaganda, gutunazal eta papeleta edo hautes-publizitateko bestelako zeinahi elementuren igorpen zuzen eta pertsonalak eragindako hautes-gastuak subentzionatuko dira, hautesle bakoitzeko hogeita zazpi pezeta (27 pezeta) ordainduz, dena delako kandidaturak zerrenda aurkeztu eta aulkia eskuratu duen hautes-barruti bakoitzean. Diruz lagundutako kopurua ez da ELHLren 147. artikuluan aurreikusten den mugaren barruan barne hartua egongo, beti ere atal honek erreferentziagai duen jarduera egiaz gauzatu izana justifikatzen bada.

Talde politiko bakoitzari dagozkion hautes-dirulaguntzen zenbatekoak ezin gaindituko du HKEEk justifikatutzat aitortutako hautes-gastuen kopurua (ELHLren 151.4 artikulua).

Hauteskunde gastuetarako dirulaguntza

Aurrez adierazitako arauak aipatu ditugun hautes-emaitzetara egokitzearen ondorioz, dirulaguntza publikoen gehiengo mugak era honetara banatu dira:

HAUTESKUNDE GASTUEN DIRULAGUNTZA Pezetak

KANDIDATURA AULKIAK BOTOAK ORDEZKARITZA GUZTIRA

EAJ-PNV / EA 68.103.000 43.283.916 10.810.000 122.196.916

PP 61.617.000 35.308.764 16.215.000 113.140.764

PSE-EE 42.159.000 27.345.060 16.215.000 85.719.060

EAJ-PNV / EA / EA-NV 38.916.000 21.972.060 5.405.000 66.293.060

EH 22.701.000 15.459.012 16.215.000 54.375.012

EB-IU 9.729.000 8.517.096 16.215.000 34.461.096

GUZTIRA 243.225.000 151.885.908 81.075.000 476.185.908

Arauaren aplikazioaz zera aipatu behar da:

a) Aurreko taulan jaso diren kandidatura guztiak, EAJ-PNV / EA eta EAJ-PNV / EA / EA-NV izan ezik, hiru Lurralde Historikoetan aurkeztu dira.

b) Kandidatura guztiek aitortu dituzten hauteskunde gastuek gehiengo dirulaguntzaren guztizko muga gainditzen dute, EAJ-PNV / EA / EA-NVrenak izan ezik.

Hautesleei igorpen zuzen eta pertsonala egiteagatik dirulaguntza

Aurrez aipatu dugun 151.2 artikuluaren interpretazioa, Euskal Autonomia Erkidegoaren Hauteskunde Batzordeak aztertu zuen 1998ko irailaren 11n egindako bileran; hona hemen hartutako akordioa:

"Eusko Legebiltzarrerako Hauteskundeen 5/1990 Legearen 151.2 artikuluak, ekainaren 19ko 15/1998 Erreforma Legeak emandako erredakzioari jarraiki, zalantzarik gabe LOREGaren 175.3 eta 193.3 artikuluak ditu oinarri, zeinen gainean Hauteskunde Batzorde Nagusia hainbatetan aritu den. HBNren iritziaren arabera:

* Hautesle bakoitzeko ematen den dirulaguntza ulertu behar da, hauteskunde propaganda igorri zaion hautesle bakoitzeko.

* Hauteskunde propaganda eta publizitatearen igorpen zuzen eta pertsonala postaz nahiz beste bide batez egin daiteke, beti ere igorpena Zuzenbidean behar hainbateko den zeinahi bidez gauzatu dela egiazta badaiteke. Justifikazioari dagokionez, kontratatzen diren enpresa edo enpresen ordainagiria(k) aurkeztu beharko dira, bai Posta Zerbitzuarena, bai Zuzenbidean behar hainbateko den beste edozein agiri bidezko baliabide ere, jarduera hauek egin direla jasoko duena, beti gauzatutako igorpen kopurua adiraziz.

* Orobat, igorpena egin dela egiaztatzeko Zuzenbidean behar hainbateko den agiri bidezko baliabide modura baliagarri da talde politiko bateko antolakuntza eta finantza Idazkariek jaulkitako egiaztagiria; bertan azaldu beharko da dagokion barrutiko edo barrutietako hautesleei egiaz egindako igorpen kopurua, igorpena entitate politikoaren beraren baliabideekin egin denean."

Aurreko akordio horiek ezarri direla egiaztatu du HKEEk alderdiek aurkeztutako jakinarazpenen bitartez; hauek gastuaren justifikantearekin edota antolakuntza eta finantza Idazkariek jaulkitako egiaztagiriarekin –igorpena talde politikoaren beraren baliabideak erabilita egin den kasuetan- alderatu dira.

Kandidatura bakoitzak gutxienez aulki bat eskuratu duten barrutietan egindako igorpen zuzenen kopurua eta eman dakiekeen gehieneko dirulaguntza honako hau izan da:

IGORPEN ZUZENARI EMANDAKO DIRULAGUNTZA

IGORPEN DIRULAG.

KANDIDATURA KOPURUA EZARGARRIA

EAJ-PNV / EA 1.227.518 33.142.986

PP 1.813.205 48.956.535

PSE-EE 1.780.336 48.069.072

EAJ-PNV / EA / EA-NV 585.687 15.813.549

EH 1.780.336 48.069.072

EB-IU 1.813.205 48.956.535

GUZTIRA 243.007.749

Dirulaguntza guztira

Kandidatura bakoitzari dagokio:

DIRULAGUNTZA GUZTIRA Pezetak

GASTUETARAKO IGORPEN ZU- DIRULAGUNTZA

KANDIDATURA DIRULAGUNTZA ZEN. DIRULAG. GUZTIRA

EAJ-PNV / EA 122.196.916 33.142.986 155.339.902

PP 113.140.764 48.956.535 162.097.299

PSE-EE 85.719.060 48.069.072 133.788.132

EAJ-PNV / EA / EA-NV 57.728.764 15.813.549 73.542.313

EH 54.375.012 48.069.072 102.444.084

EB-IU 34.461.096 48.956.535 83.417.631

GUZTIRA 467.621.612 243.007.749 710.629.361

II.3.– DIRULAGUNTZEN AURRERAKINAK ETA JASOTZEKO DAUDEN DIRULAGUNTZAK

Eusko Legebiltzarrerako Legearen 144. artikuluaren 2. atalak xedatzen du "Eusko Jaurlaritzak hautes-dirulaguntzen aurrerakinak emango dizkiela Eusko Legebiltzarrerako azken hauteskundeetan ordezkariak eskuratu dituzten alderdi politiko, federakunde, koalizio edo kandidaturei. Aurreratutako kopuruak ezin gaindituko du talde poitiko, federakunde, koalizio edo kandidatura horrek berak Eusko Legebiltzarrerako azken hauteskundeetan eskuratutako dirulaguntzaren ehuneko hogeita hamarra".

144. artikuluaren 7. atalak esaten du hauteskundeak egin ondoren eta hamabost eguneko epean, Autonomia Erkidegoaren Hauteskunde Batzordearen aurrean hautes-kontabilitatea aurkezteko aldia amaitzen denetik aurrera kontatuta, Ogasunaren ardura duen Departamentuak administratzaile orokorrei emango diela bigarren aurrerakin modura kandidaturei eskuratutako hauteskunde emaitzen arabera dagozkien dirulaguntzen zenbatekoaren %90aren baliokidea, kasua balitz, aurreko lerroarteak aipagai duen aurrerakina murriztuz.

Hona hemen 2001eko maiatzaren 13ko hauteskundeetan ordezkaritza eskuratu zuten alderdi politiko eta hautes-koalizio bakoitzari dagokionez dirulaguntza publikoaren gehieneko muga, dirulaguntzen aurrerakinak eta jasotzeko dituzten dirulaguntza publikoak:

DIRULAGUNTZA Pezetak

DIRULAGUNTZ. LEHENENGO BIGARREN JASOTZEKO

KANDIDATURA MUGA AURRERAKINA AURRERAKINA (*) DIRULAGUN.

EAJ-PNV / EA 155.339.902 49.093.895 90.714.155 15.531.852

PP 162.097.299 40.113.210 105.778.028 16.206.061

PSE-EE 133.788.132 37.359.585 82.829.257 13.599.290

EAJ-PNV / EA / EA-NV 73.542.313 25.098.693 44.901.307 3.542.313

EH 102.444.084 37.282.988 55.719.074 9.442.022

EB-IU 83.417.631 15.505.845 59.573.692 8.338.094

GUZTIRA 710.629.361 204.454.216 439.515.513 66.659.632

(*) Hautes-kontabilitateetan jaso gabea, hauek igorri ondorengoa izateagatik.

III.– GOMENDIOAK

III.1.– ZUZENEKO IGORPENAK ERAGINDAKO GASTUAK

151.2 atalak adierazten du "horrez gain, hautesleei propaganda, gutunazal eta papeletak edo hautes-publizitateko bestelako elementuak zuzenean eta pertsonalki igortzeak eragindako hautes-gastuak ere diruz lagunduko dira; halaxe, erreferentziagai den kandidaturak zerrenda aurkeztu eta aulkia eskuratu duen barrutietako bakoitzean, hautesle bakoitzeko hogeita zazpi pezeta ordainduko dira. Diruz lagundutako kopurua ez da ELHLren 147. atalak aurreikusten duen muga barruan jasoa egongo".

Atal honen interpretazioa Autonomia Erkidegoko Hauteskunde Batzordeak (AEHB) 1998ko irailaren 11n egindako bileran aztertu zuen; hortik eratorritako akordioak II.2 atalean azaldu ditugu.

Hartutako akordioan azaltzen bada ere zer den hautesleko dirulaguntza eta nola justifikatu behar diren gastu horiek, ez da behar hainbat deskribatzen zein gastu egotzi behar diren, batik bat, gastua berezko baliabideekin egiten bada, esate baterako:

* Beharrezko dieta eta bidai gastuak.

* Bazkariak.

* Zuzeneko igorpenetarako langileria.

* Publizitaterako zirriborroak sortzea.

* Hautagaiei argazkiak, e.a.

Kontzeptu honek biltzen dituen gastuak, berariazko dirulaguntza bati atxikiak daudenak, zehatzago arautu behar dira, egungo zehazgabetasuna gaindituz.

III.2.– GASTUEN GEHIENEKO MUGA

ELHLren 147. atalak hautes-gastuen gehieneko muga arautzen du eta hauteskunde bakoitzean Barne Sailburuak emandako agindu bitartez eguneratu egiten da; 1998 eta 2001ean egin ziren hauteskundeetarako gehieneko muga, hurrenez hurren, 174.046.595 eta 188.640.884 pezetakoa izan zen; honek %8ko igoera egiten du. Hala eta guztiz ere, ELHLri eman zaion idazketa berriaren arabera, 151.2 atalak agintzen du igorpen zuzen eta pertsonalak eragindako gastuak ez direla muga honen eraginpean egongo.

Kandidaturek egin behar dituzten gastu guztiak hauteskunde bakoitzerako Barne Sailburuak finkatzen dituen mugetara biltzea gomendatzen dugu, zein kontzeptutarako erabiltzen den alde batera utzita.

ERANSKINA

E.1.– HAUTESKUNDE KONTUAK

Ondotik erakutsiko ditugun hautes-kontabilitateak kandidaturek igorritakoak dira; euren kontuetan publizitatearen igorpen zuzen eta pertsonalak eragindako gastuak bereizirik azaldu ez dituzten kandidaturetan, banatu egin ditugu. Orobat, kontzeptu ezberdinen arteko gastuen banaketa ez dutela modu berean egiten adierazi behar dugu.

E.1.1.– EAJ-PNV / EA KOALIZIOA

2001eko uztailaren 9an hautes-kontabilitatea honako hau da:

Pezetak

Igorp. zuzen eta perts. gast. (mail.) 50.137.061 Dirulaguntzaren aurrerakina 49.093.895

Publizitatea etapropaganda 74.110.781 Alderdien ekarpena 31.445.675

Aretoen alokairua 1.601.520

Langileei ordainsariak 3.231.000

Garraio eta desplazamenduak 3.037.605

Finantza gastuak 148.034

Askotariko gastuak 28.377.698

GASTUAK 160.643.699 SARRERAK 80.539.570

Diruzaintza 485.081 Hartzekodunak 80.589.210

161.128.780 161.128.780

E.1.2.– ALDERDI POPULARRA (PP)

2001eko uztailaren 11n hautes-kontabilitatea honako hau da:

Pezetak

Igorp. zuzen eta perts. gast. (mail.) 49.728.423 Dirulaguntzaren aurrerakina 40.113.210

Publizitatea eta propaganda 112.433.694 Jasotzeko dagoen aurrerakina 121.988.166

Garraio eta desplazamenduak 1.430.677 Alderdiaren ekarpena 46.585.080

Finantza gastuak 4.379.230 Epe motzera banku kredituak 149.891.260

Askotariko gastuak 66.309.186

GASTUAK 234.281.210 SARRERAK 358.577.716

Diruzaintza 4.645.840 Interesengatiko hartzekodunak 2.337.500

Zordunak 121.988.166

360.915.216 360.915.216

E.1.3.– EUSKADIKO ALDERDI SOZIALISTA-EUSKADIKO EZKERRA (PSE-EE)

Igorpen zuzen eta pertsonalerako (mailing) kontabilitate bat aurkezten du eta beste bat gainerako gastuetarako. 2001eko uztailaren 11n horien baterakuntza honako hau da:

Pesetas

Igorp. zuzen eta perts. gast. (mail.) 48.399.745 Dirulaguntzaren aurrerakina 37.359.583

Publizitatea eta propaganda 96.519.251 Jasotzeko dagoen aurrerakina 96.182.731

Aretoen alokairua 1.188.089 Alderdiaren ekarpena 37.500.000

Garraio eta desplazamenduak 15.444.121 Epe motzera banku kredituak 95.000.000

Finantza gastuak 1.330.648

Askotariko gastuak 21.073.420

GASTUAK 183.955.274 SARRERAK 266.042.314

Diruzaintza 1.979.583 Hartzekodunak 16.075.274

Zordunak 96.182.731

282.117.588 282.117.588

E.1.4.– EUSKO ALDERDI JELTZALEA / EUSKO ALKARTASUNA / EUSKO ABERTZALEAK KOALIZIOA (EAJ-PNV/ EA / EA-NV)

2001eko uztailaren 9an hautes-kontabilitatea honako hau da:

Pesetas

Igorp. zuzen eta perts. gast. (mail.) 28.163.019 Dirulaguntzaren aurrerakina 25.098.693

Publizitatea eta propaganda 33.422.215 Alderdien ekarpena 9.500.000

Aretoen alokairua 126.000

Langileei ordainsariak 2.070.000

Garraio eta desplazamenduak 1.402.566

Finantza gastuak 83.349

Askotariko gastuak 8.275.164

GASTUAK 73.542.313 SARRERAK 34.598.693

Diruzaintza 23.120 Hartzekodunak 38.966.740

73.565.433 73.565.433

E.1.5.– EUSKAL HERRITARROK (EH)

2001eko uztailaren 6an hautes-kontabilitatea honako hau da:

Pesetas

Igorp. zuzen eta perts. gast. (mail.) 51.042.555 Dirulaguntzaren aurrerakina 37.282.988

Publizitatea eta propaganda 33.991.269 Alderdien ekarpena 25.000.000

Aretoen alokairua 2.088.967 Epe motzera banku maileguak 19.962.231

Langileei ordainsariak 941.136 Finantza sarrerak: interesak 6.087

Garraio eta desplazamenduak 2.389.112

Finantza gastuak 139.975

Askotariko gastuak 21.258.169

GASTUAK 111.851.183 SARRERAK 82.251.306

Diruzaintza 8.716.970 Hartzekodunak 38.322.547

Fidantzak 5.700

120.573.853 120.573.853

E.1.6.– IZQUIERDA UNIDA-EZKER BATUA (EB-IU)

2001eko uztailaren 11n hautes-kontabilitatea honako hau da:

Pesetas

Igorp. zuzen eta perts. gast. (mailing) 49.296.550 Dirulaguntzaren aurrerakina 15.505.845

Publizitatea eta propaganda 37.106.946 Jasotzeko dagoen aurrerakina 67.915.863

Garraio eta desplazamenduak 980.426 Alderdien ekarpena 42.912.928

Finantza gastuak 797.381 Epe motzera banku kredituak 33.958.474

Askotariko gastuak 3.971.520 Bestelako sarrerak 2.000

GASTUAK 92.152.823 SARRERAK 160.295.110

Diruzaintza 637.665 Hartzekodunak 36.000

Zordunak 67.915.863 Interesengatiko hartzekodunak 375.241

160.706.351 160.706.351

Azterketa dokumentala