RSS
188. zk., 2001eko irailaren 27a, osteguna
- Bestelako formatuak:
- Testu elebiduna
Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da
Iragarpenak
Lurralde Antolamendu eta Ingurumen Saila
5311
LEHIAKETA. Iragarkia, Bilboko Barne Eraldaketarako Plan Bereziaren "Miribilla-Bilbo Zaharra" banatze aldea (2B fasea, hiriketa ez atxikia) hiritzeko lanen zuzendaritza eta ikuskaritza eta hiriketa lan horietako segurtasun eta osasunaren koordinazioa egiteko aholkularitza eta sorospen kontratua esleitzeko (Espedientea: 20t/01).
1.– Entitate esleitzailea:
a) Erakundea: Lurralde Antolamendu, Etxebizitza eta Ingurugiro Saileko Lurraldearen Antolamendurako Zuzendaritza.
b) Espedientea izapidetzen duen bulegoa: Kontratazio Zerbitzua (Lurralde Antolamendu, Etxebizitza eta Ingurugiro Saila).
c) Espediente zenbakia: 20T-01.
2.– Kontratuaren ezaugarriak.
a) Helburua: Bilboko Barne Eraldaketarako Plan Bereziaren "Miribilla-Bilbo Zaharra" banatze aldea (2B fasea, hiriketa ez atxikia) hiritzeko lanen zuzendaritza eta ikuskaritza eta hiriketa lan horietako segurtasun eta osasunaren koordinazioa.
b) Loteak eta kopurua: ez.
c) Gauzatzeko lekua: Euskal Autonomia Erkidegoa.
d) Gauzatzeko epea eta entregatzeko azken eguna (hilabeteak): Hasieran 6 hilabetekoa izango da, kontratuari dagozkion lanen zuinketa agiria egiten denetik. Hala ere, azkenean, kontratuaren enpresa esleipendunak finkatutako epe berbera izango da.
3.– Izapideak, prozedura eta esleipen era.
a) Izapideak: ohikoak.
b) Prozedura: irekia.
c) Esleipen era: lehiaketa.
4.– Lizitaziorako oinarrizko aurrekontua.
Guztira: gehienenezko aurrekontua sei milioi laurehun eta hogeita bost mila (6.425.000) pezetakoa da (38.615,03 euro).
5.– Fidantzak:
Behin-behinekoa: ez da eskatzen oraingoan.
Behin-betikoa: esleipenaren aurrekontuaren %4.
6.– Agiriak eta argibideak:
a) Entitatea: Lurralde Antolamendu, Etxebizitza eta Ingurugiro Saila. Lurraldearen Antolamendurako Zuzendaritza.
b) Helbidea: Donostia kalea-1, 2. solairua.
c) Herria eta posta kodea: Vitoria-Gasteiz, 01010.
d) Telefonoa: 945 01 98 26.
e) Faxa: 945 01 98 56.
f) Agiriak eta argibideak jasotzeko azken eguna: 2001eko urriaren 16a.
7.– Kontratistaren betebeharrak:.
a) Sailkapena: ez da eskatzen oraingoan.
b) Bestelako betebeharrak: ez.
8.– Eskaintzak edo parte hartzeko eskabideak aurkeztea:
a) Aurkezteko azken eguna: 2001eko urriaren 16ko 13:30ak baino lehen.
b) Aurkeztu beharreko agiriak: A, B eta C gutun-azalak aurkeztu beharko dira, berariazko klausula administratiboen pleguan adierazitakoa barruan daramatela.
c) Aurkezteko lekua:
1.– Entitatea: Zerbitzu Zuzendaritza (Lurralde Antolamendu, Etxebizitza eta Ingurugiro Saila).
2.– Helbidea: Donostia kalea-1, 2. solairua.
3.– Herria eta posta kodea: Vitoria-Gasteiz, 01010.
d) Lizitatzaileak eskaintzari (enkantea) noiz arte eutsi behar dion: 3 hilabete.
e) Aldaerak (enkantea): ez da aldaerarik onartuko.
f) Eskaintzak aurkezteko gonbita egin nahi zaien enpresen kopurua, gutxi gorabehera, edo gutxienezko eta gehienezko kopurua (prozedura mugatua): ez.
9.– Eskaintzak irekitzea.
a) Entitatea: Lurralde Antolamendu, Etxebizitza eta Ingurugiro Saileko Kontratazio Zerbitzua.
b) Helbidea: Donostia kalea 1, beheko solairua, 1 aretoa.
c) Herria: Vitoria-Gasteiz.
d) Eguna: 2001eko urriaren 17a.
e) Ordua: 11:00.
10.– Bestelako argibideak: Kontratuaren prezioa pezetatan finkatuko da; lizitatzaileak, beraz, kontu unitate horretan aurkeztu beharko du eskaintza. Pezetatan eta eurotan aurkezten badu, pezetatan zehaztutakoa baino ez da kontuan hartuko. Eurotan bakarrik aurkezten badu, pezeta bihurtu ahal izango ditu Administrazioak bidezko baderitzo.
11.– Iragarki gastuak: esleipendunak ordainduko ditu.
12.– Iragarkia Europako Batasunaren Aldizkari Ofizialera noiz bidali den (hala gertatuz gero): ez.
Vitoria-Gasteiz, 2001eko irailaren 12a.
Lurraldearen Antolamendurako zuzendaria,
MARTIN ARREGI SAN MIGUEL.
