Euskal Herriko Agintaritzaren Aldizkaria

Egoitza elektronikoa

Kontsulta

Kontsulta erraza

Zerbitzuak

Azken aldizkaria RSS

Euskal Herriko Agintaritzaren Aldizkaria

43. zk., 2001eko martxoaren 1a, osteguna

Laburpenara joan

PDF
Testu elebiduna

Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da

Bestelako Xedapenak

Herri-Kontuen Euskal Epaitegia

1117

ERABAKIA, Herri-Kontuen Euskal Epaitegiaren Osokoak 2000ko uztailaren 26ko bilkuran hartua, Bizkaiko Lurralde Historikoaren Erakunde Autonomoen eta Foru Baltzu Publikoen Kontu Orokorren gaineko Fiskalizazio Txostena 1998rako behin-betiko onirizten duena.

Herri-Kontuen Euskal Epaitegiaren Osokoak 2000ko uztailaren 26an egindako bilkuran.

ERABAKI DU:

Bizkaiko Lurralde Historikoaren Erakunde Autonomoen eta Foru Baltzu Publikoen Kontu Orokorren Fiskalizazio Txostena 1998rako behin-betiko oniriztea, Akordio honen Eranskin modura ageri dena.

HKEEren 1/1988 Legearen 13.2 artikuluak aurreikusten duena betez, txostenaren ondorioak Eukal Herriko Agintaritzaren Aldizkarian eta Bizkaiko Lurralde Historikoaren Aldizkari Ofizialean argitaratzeko xedatzea.

Vitoria-Gasteiz, 2000ko uztailaren 26a.

HKEEren lehendakaria,

RAFAEL ITURRIAGA NIEVA.

ERANSKINA

BIZKAKO LURRALDE HISTORIKOAREN

ERAKUNDE AUTONOMOEN ETA FORU BALTZU PUBLIKOEN KONTU OROKORREN FISKALIZAZIO TXOSTENA 1998RAKO

SARRERA

Honako txosten honek erakunde hauen 1998ko kontuak izan ditu aztergai, Erakunde Autonomo Adminsitratiboenak: Gizarte Laguntzarako Foru Erakundea (GLFE) eta Bizkaiko Lurralde Azterlanen Institutua, "ONLAE" Estatuko Loteria eta Apostuetarako Erakunde nazionalaren Bizkaiko Ordezkaritza eta BFDren foru sozietate publikoen kontuak; txostena Herri-Kontuen Euskal Epaitegiaren -aurrerantzean HKEE- 1/1988 Legeari jarraiki mamitu da eta HKEEk 1999ko apirila - 2000ko martxoa bitarterako egindako Lan Programan barne hartua dago.

Fiskalizazioak honako alderdi hauek besarkatu ditu:

– Legezkoak:

GLFE eta BLAIren kasuan ezargarria den arautegia betetzen dela egiaztatu da honako alor hauetan: aurrekontua, zorpidetza, finantza eragiketak, langileria, obra eta zerbitzuen kontratazioa, dirulaguntzak eta laguntza publikoen emakida eta zuzenbide publikoko sarrerak.

ONLAE eta foru sozietate publikoen kasuan, aurrekontuaren legezkotasuna eta ezargarria den APKL eta 99/1996 FD kontrataziorako arautegia betetzeari buruzko txostenak aztertu ditugu, 1998an egindako erosketa eta inbertsio nagusienak hautatzeko.

– Kontularitzakoak:

GLFE eta BLAIren kasuan, Kontu Orokorra ezargarri diren kontularitzako printzipioen arabera egiten den aztertu da.

ONLAE eta foru sozietate publikoen kasuan, auditoretza txostenak aztertu ditugu eta egoki iritzitako bestelako zeinahi prozedura aplikatu dugu.

Ez da gastu publikoaren arrazionaltasuna aztertu, osotasunean hartuta, ekonomia eta eraginkortasun irizpideetan oinarritzen dena, baina lanean zehar azaleratu zaizkigun atal honetako alderdi aipagarriak txostenaren IV. idatz-zatian erakutsi ditugu.

BFDren erakundeen administrazioa ondoko erakunde eta sozietateek osatzen dute:

– GLFE, BFDren jabetzakoak diren gizarte laguntzarako zentroen kudeaketaz arduratzen den erakundea da.

– BLAI, erakunde autonomoa da; egiteko nagusia azterlanak gauzatu eta lurralde antolakuntza, hiri-plangintza eta abarretan aholku ematea da.

– ONLAE Merkataritzako Erakunde Autonomoa da, Estatuko Loteria eta Apostuetarako Erakunde Nazionalaren Bizkaiko Ordezkaritzaz arduratzen dena.

– Hona hemen BFDren sozietate publikoak, hau da, bertako kapital sozialean diputazioaren partaidetza %50etik gorakoa duena (parentesi artean zehaztu dugu BFDk duen partaidetzaren ehunekoa):

. Bikakobo-Aparcabisa, AB (%79,09): kamioen disuasio-aparkalekua.

. Azpiegitura, SA (%100): enpresa zentroak sortu eta kudeatu.

. Basalan, AB (%100): basalanak eta natura zaintzekoak.

. BEAZ, SA (%66,25): enpresa jarduera berritzaileak prestatu eta garatzeko zerbitzuak ematea.

. Bizkaiko Bideak, SA (%100): bide azpiegiturak proiektatu, eraiki, zaindu eta ustiatu.

. Boroa, Kudeaketarako Sozietatea, SA (%100): industri poligono bateko lursailetan hirigintzako jarduerak kudeatzea.

. Industri Diseinurako Zentroa, SA (%100): industri diseinuaren esparruan enpresei zerbitzu ematea.

. Euskalduna Jauregia, SA (%100): Musika eta kontresu jauregi bat eraiki eta kudeatzea.

. Garbiker, AB (%100): hondakin solidoen tratamendua.

. Abandoko Geltoki Intermodala, Egitasmoaren Kudeaketa, SA (%66,67).

. Lantik, SA (%100): foru administrazioaren informatikako zerbitzuak.

. SEED Bizkaiko Kapitala, SA (%50,62): ondare eta arrisku-kapitaleko fondoen kudeaketa.

. Rekalde Erakusketa Aretoa, SL (%100).

Aipatutako sozietate hauetan ezezik, BFDk gehiengo partaidetza du Boroa-16, SAn; honen finantza egoerak ez ditugu azaldu likidazio prozesuan dagoelako.

ONDORIOAK

I.– ERAKUNDE AUTONOMOEI BURUZKO IRITZIA

I.1.– GIZARTE LAGUNTZARAKO FORU ERAKUNDEA (GLFE)

I.1.1.– LEGEA BETETZEARI BURUZKO IRITZIA

Epaitegi honen ustetan, GLFEk 1998ko urtealdian ekonomia-finantza jarduera indarreko araudiari jarraiki mamitu du, ondotik azalduko ditugun legehausteak salbuetsita:

1.– Langileria (ikus A.5).

– GLFEko langileen ordainsariek KPI gehi %1eko osagarria egin zuten gora 1998ko uztailaren 1etik aurrera, foru eta toki administrazioetako zerbitzura dagoen langileriaren enplegu baldintzak arautzen dituen Akordioan erabakitakoaren arabera (ARCEPAFE). Igoera honek urratu egiten du langile publikoentzako soldata igoeraren gehieneko muga, Estatuko Aurrekontu Orokorrei buruzko Legeak 1998ko urtealdirako ezarritakoa.

2.– Kontratazioa (ikus A.10).

Kontratu mota bakoitzari ezargarriak zaizkion legezko prozedurak egiaztatu ditugu; horretarako, 12 espedienteko lagina hautatu dugu, 536 milioi pezetako esleipenei zegokiena eta honako huts hauek azaleratu zaizkigu:

– Aholkularitza juridikoko zerbitzuaren kontratua esleitzeko espedientean, 7 milioi pezetakoa, eskaintzak balioztatzeko bi txosten tekniko daude, izan ere, pleguen irekiera egin ondoren hasiera batean atzera bota zen eskaintza bat onartu baitzen, kanpoan uztea bidezkoa ez izateagatik. Bi txostenen artean, justifikatu gabeko aldaketa bat dago, azken batean esleitua izan zen eskaintzaren balioztaketan (12. esp.).

I.1.2.– KONTUEI BURUZKO IRITZIA

1.– 1998an sarrera modura aitortu dira tasa kontzeptuan kobratzeko zeuden zenbatekoak, aurreko urtealdiei zegozkienak eta 51 milioi pezeta egiten zutenak. Kopuru honentzat ez da gaudimengabezietarako inongo hornidurarik kalkulatu eta honenbestez, 98.12.31ko Diruzaintza Gerakina 40 milioi pezeta inguru gutxitu behar litzateke.

2.– Informatikako programaren huts baten ondorioz, urtealdian zehar higiezindu materialeko Amortizazio Fondotik 18 milioi pezetako kopuruari baja eman zaio, Emaitzen Kontuko "Higiezindu materialak eragindako irabaziak" idazpuruan abonoa eginez. Honen ondorioz, 1998ko abenduaren 31n egoera balantzeko "Pilatutako Amortizazioa" eta emaitzen kontuko "higiezindu materialak eragindako irabaziak" idazpuruetako saldoa, hurrenez hurren, murriztu eta gehitu egin beharko litzateke kopuru horretan.

Epaitegi honen ustetan, 1. eta 2. idatz-zatietan azaldutako salbuespenen eragina alde batera, GLFEren urteko kontuek alderdi esanguratsu guztietan 1998ko aurrekontu-urtealdiaren jarduera ekonomikoa, ondarearen irudi zehatza eta urtealdi amaierako finantza egoera erakusten dute.

I.2.– BIZKAIKO LURRALDE AZTERLANEN INSTITUTUA (BLAI/IETB)

I.2.1.– LEGEA BETETZEARI BURUZKO IRITZIA

Epaitegi honen ustetan, BLAIk 1998ko urtealdian ekonomia-finantza jarduera indarreko araudiari jarraiki mamitu du, ondotik zehaztuko dugun langileen alorreko legehaustea salbuetsita.

1.– Langileria.

BLAIko langileen ordainsariek KPI gehi %1eko osagarria egin zuten gora 1998ko uztailaren 1etik aurrera, foru eta toki administrazioetako zerbitzura dagoen langileriaren enplegu baldintzak arautzen dituen Akordioan erabakitakoaren arabera (ARCEPAFE). Igoera honek urratu egiten du langile publikoentzako soldata igoeraren gehieneko muga, Estatuko Aurrekontu Orokorrei buruzko Legeak 1998ko urtealdirako ezarritakoa.

2.– Kontratazioa (ikus B.1).

1998an esleitu zen kontratu bakarrari, 22 milioi pezetakoa, eta 1997an 73 milioi pezetan esleitutako beste bati, 1998an exekutatu zenari, ezargarriak zaizkien legezko prozedurak aztertu ditugu eta ez dugu legehauste aipagarririk aurkitu.

I.2.2.– KONTUEI BURUZKO IRITZIA

Epaitegi honen ustetan, BLAIren urteko kontuek alderdi esanguratsu guztietan 1998ko aurrekontu-urtealdiaren jarduera ekonomikoa, ondarearen irudi zehatza eta urtealdi amaierako finantza egoera erakusten dute.

I.3.– ERAKUNDE AUTONOMO ADMINISTRATIBOEN KONTUAK

I.3.1.– GIZARTE LAGUNTZARAKO FORU ERAKUNDEA (GLFE)

1998ko Aurrekontu likidazioa Milioi pta.

HASIER. B.-BET. ESKUB./

AURREK. AURREK. OBLIG.

3.– Tasa eta prezio publikoak 400 400 462

4.– Transf. eta dirulag. arruntak 5.033 5.033 4.745

5.– Ondare sarrerak 46 46 17

6.– Inbertsioak besterentzea - - -

7.– Kapital transf. eta dirulag. 75 75 75

8.– Finantza aktiboen aldaketa 50 50 49

9.– Finantza pasiboen aldaketa - - -

ESKUBIDE LIKIDATUAK 5.604 5.604 5.348

1.– Langile gastuak 4.400 4.250 4.179

2.– Gastu arruntak 1.075 1.083 950

3.– Finantza gastuak - - -

4.– Transf.eta dirulag. arruntak 4 4 4

6.– Inbertsio errealak 75 232 162

7.– Kapital transf. eta dirulag - - -

8.– Finantza aktiboen aldaketa 50 50 22

9.– Finantza pasiboen aldaketa - - -

OBLIGAZIO AITORTUAK 5.604 5.619 5.317

98.01.1-EKO DIRUZAINTZA GAINDIKINA 383

URTEALDI ITXIEN ALDAKETA - - -

98.12.31N DIRUZAINTZA GAINDIKINA 414

Egoera balantzea Milioi pta.. Galdu-Irabazien kontua Milioi pta.

98 97 98 97

Guzien erabilerarako higiezindua - - Salmentak - -

Higiezindu ezmateriala - - Zerbitzu emanaldiak 447 353

Higiezindu materiala 4.115 3.171 Bestelako ustiaketa sarrerak 16 13

Finantza higiezindua - - BFDren dirulaguntza arruntak 4.745 4.532

Aurrekontuzko zordunak 587 363 BFDren kapital dirulaguntzak 75 75

Aurrek. kanpoko zordunak. - - Bestelako dirulaguntzak - -

Finantza inbertsioak 85 112 Finantza sarrerak 17 23

Diruzaintza 398 656 Bestelako sarrerak 440 23

AKTIBOA 5.185 4.302 SARRERAK 5.740 5.019

Ondarea+emaitz. Lagatako ondar. 2.582 2.115 Erosketak - -

Lagapenean dagoen ondarea 2.052 1.569 Langile gastuak 4.183 3.994

Lagatako ondarea (36) (35) Kanpok zerbitzuak eta zergak 947 900

Kapital dirulag. - - Emandako dirulaguntzak 4 4

Guzien erabilerar. emandako ond. - - Finantza gastuak - -

Jasotako fidantza eta 3 8 Amortizazioari hornidura 140 121

Erakunde publiko hartzekodunak 141 146 Gaudimengabez. hornidura aldaketa - -

Aurrekontuzko hartzekodunak 442 498 Bestelako gastuak - 239

Aurrekontuz kanpoko hartzekod. 1 1 GASTUAK 5.274 5.258

PASIBOA 5.185 4.302 EMAITZA 466 (239)

I.3.2.– BIZKAIKO LURRALDE AZTERLANEN

INSTITUTUA (BLAI)

1998ko Aurrekontu likidazioa Milioi pta.

HASIER. B.-BET. ESKUB./

AURREK. AURREK. OBLIG.

3.– Tasa eta prezio publikoak - - -

4.– Transf. eta dirulag. Arruntak 158 158 163

5.– Ondare sarrerak 1 1 2

6.– Inbertsioak besterentzea - - -

7.– Kapital transf. eta dirulag. 7 7 7

8.– Finantza aktiboen aldaketa 2 2 2

9.– Finantza pasiboen aldaketa - - -

OBLIGAZIO AITORTUAK 168 168 174

1.– Langile gastuak 81 81 75

2.– Gastu arruntak 77 82 79

3.– Finantza gastuak - - -

4.– Transf.eta dirulag. arruntak - - -

6.– Inbertsio errealak 8 8 8

7.– Kapital transf. eta dirulag - - -

8.– Finantza aktiboen aldaketa 2 2 1

9.– Finantza pasiboen aldaketa - - -

OBLIGAZIO AITORTUAK 168 173 163

98.01.1-EKO DIRUZAINTZA GAINDIKINA 9

URTEALDI ITXIEN ALDAKETA - - -

98.12.31N DIRUZAINTZA GAINDIKINA 21

Egoera balantzea Milioi pta. Galdu-Irabazien kontua Milioi pta.

98 97 98 97

Guzien erabilerarako higiezindua - - Salmentak - -

Higiezindu ezmateriala - - Zerbitzu emanaldiak - -

Higiezindu materiala 7 3 Bestelako ustiaketa sarrerak - -

Finantza higiezindua - - BFDren dirulaguntza arruntak 163 153

Aurrekontuzko zordunak - - BFDren kapital dirulaguntzak 7 1

Aurrek. kanpoko zordunak. - - Bestelako dirulaguntzak - -

Gaudimengabez. hornidura - - Finantza sarrerak 2 2

Finantza inbertsioak 1 2 Bestelako sarrerak - -

Diruzaintza 48 33 SARRERAK 72 156

AKTIBOA 56 38 Erosketak - -

Ondarea+emaitz. Lagatako ondar. 29 14 Langile gastuak 75 68

Lagapenean dagoen ondarea - - Kanpok zerbitzuak eta zergak 79 76

Lagatako ondarea - - Emandako dirulaguntzak - -

Kapital dirulag. - - Finantza gastuak - -

Guzien erabiler. emandako ond. - - Amortizazioari hornidura 3 2

Jasotako fidantza eta gordailuak - - Gaudimengab. hornidura aldaketa - -

Erakunde publiko hartzekodunak 4 4 Bestelako gastuak - -

Aurrekontuzko hartzekodunak 23 20 GASTUAK 157 146

Aurrekontuz kanpoko hartzekod - - EMAITZA 15 10

PASIBOA 56 38

II.– FORU SOZIETATE PUBLIKOEI ETA ONLAE MERKATARITZAKO ERAKUNDE AUTONOMOARI BURUZKO IRITZIA

II.1.– LEGEA BETETZEARI BURUZKO IRITZIA

Epaitegi honen ustetan, foru sozietate publikoek eta ONLAE merkataritzako erakunde autonomoak 1998ko urtealdian ekonomia-finantza jarduera indarreko araudiari jarraiki mamitu dute, ondotik azalduko ditugun legehausteak salbuetsita.

AZPIEGITURA, SA

Elkartegietako karteldegi gastua (argibideak emateko seinaleztaketa-kartelak), 10 milioi pezetakoa, publizitaterik gabe esleitu da (ikus C.4).

BASALAN, AB

"Atsedenlekuetan landaredia garbitzeko" lanak eta "Ibilgailu astunen alokairua", hurrenez hurren, 30 eta 6 milioi pezetakoak, publizitaterik egin gabe kontratatu dira, nahiz eta lehenengoan 4 eskaintza egiteko eskariak luzatu ziren (ikus C.4).

BEAZ, SA

Sozietateak zuzenean kontratatu ditu "Informatika ekipoen alokairu eta mantenimendua" eta "Atzerritarrekiko harremanetarako laguntza" zerbitzuak, hurrenez hurren, 5 eta 4 milioi pezetako zenbatekoan. Orobat, "Pabiloiak zaharberritzeko lanak" eta horietan egin beharreko pintaketa lanak publizitaterik gabe kontratatu dira, 8 eta 5 milioi pezetan hurrenez hurren; hauetan, ordea, 3 eskaintza eskatu dira eta "Kalitatea ziurtatzeko sistema ezartzeko laguntza teknikoa, ISO 9.000 arauen arabera", 4 milioi pezetakoan, 5 eskaintza eskatu ziren (ikus C.4).

BIKAKOBO-APARCABISA, SA

1998an zehar, sarbide automatizaturako kontrol sistema baten ezarpena zuzenean kontratatu da, 14 milioi pezetakoa, ez publizitaterik, ez lehiaketarik ere egin gabe (ikus C.4).

BOROA KUDEAKETARAKO SOZIETATEA, SA

Sozietateak 1998an Boroa Industrial UI-13 Sektorearen hirigintza kudeaketan laguntza juridikoa emateko kontratua 46 milioi pezetan esleitu zuen, batere publizitate eta lehiaketarik bideratu gabe. (ikus C.4).

INDUSTRI DISEINURAKO ZENTROA, SA

Sozietateak publizitate eta lehiaketarik bideratu gabe, eta 99/1996 FD urratuz, honako kontratu hauek egin ditu: "Garraio ekipoak", 5 milioi pezeta egiten dutenak; "Ferroforma azokan erakusketa-jarduerak" antolatu, koordinatu eta kontrolatzea, 4 milioi pezetan; eta 3 milioi pezetako "Bainugelarako gurpil-aulkien egitasmoa". Orobat, Sozietateak zuzenean kontratatu du 4 milioi pezetan "Bulegoen garbiketa" kontratua, baina oraingoan, aurrez, 4 eskaintza aurkezteko eskatu ondoren (ikus C.4).

ABANDOKO GELTOKI INTERMODALA

Sozietateak hainbat gastu egin ditu 99/1996 FDk agintzen duen publizitate eta lehiaketa printzipioak gorde gabe, hala nola, Zainketa zerbitzuak, Azokan standa diseinatu eta ezartzea eta Informatikako ekipoen hornidura (hurrenez hurren, 4, 3 eta 3 milioi pezetakoak).

GARBIKER

Sozietateak 1998an publizitaterik gabe, trinkotze makina bat eta kamioi zisterna bat erosi zituen, hurrenez hurren, 35 eta 30 milioi pezetan. Erosketa hauek egiteko 4 eta 3 eskaintza eskatu ziren. "Edukinontzi horia ezartzeko azterlana" 8 milioi pezetan esleitu zen, publizitaterik egin gabe eta 3 eskaintza aurkezteko eskatuz (ikus C.4).

REKALDE ERAKUSKETA ARETOA

Urtealdian zehar enpresa batekin erakusketak muntatu eta desmuntatzeko lanak 5 milioi pezetan kontratatu dira, publizitate eta lehiaketarik bideratu gabe (ikus C.4).

II.2.– KONTUEI BURUZKO IRITZIA

Aurrerago xehekatuko diren salbuespenen eraginengatik eta deskribatutako zalantzak zertan amaitzen diren ezagutuz gero beharko litzatekeen edozein doikuntzaren eraginengatik salbu, Foru Sozietate Publikoen eta ONLAE Merakataritza erakunde autonomoaren urteko kontuek beren ondarearen, 1998ko abenduaren 31n duten finantza-egoeraren, eta data horretan amaitutako urteko ekitaldian zehar lortu eta aplikatutako emaitzen irudi zehatza erakusten dute alderdi guztietan, eta horiek modu egokian interpretatu eta ulertzeko beharrezkoa eta nahikoa den informazioa barne hartzen dute, oro har onartuta dauden kontabilitate printzipio eta irizpideekin bat etorriz, aurreko urtealdian ezarritakoekin bat datozenak.

AZPIEGITURA, SA

1.– 1998ko abenduaren 31ko egoera balantzeak 5 milioi pezetako kobratzeko saldoa erakusten du, 1997ko urtealdiko itzultzeko BEZ kontzeptuan. Nolanahi ere, BFDren Ogasun sailak behin-behineko likidazio bat egin du eta 19 milioi pezeta ordaintzeko emaitza eskuratu du, izan ere, ustiaketarako dirulaguntzak autokontsumotzat hartu baitira zerga honen ondorioetarako. Sozietateak errekurritu egin du likidazioa Euskal Herriko Auzitegi Nagusiaren eta TEAFen aurrean, eta gaur egun ebazpena jaso zain dago.

Honez gain, sozietateak 1998. urtealdiari dagokion likidazioa aurkeztu du, itzultzeko 10 milioi pezetako zenbatekoa erakusten duena, aurreko urtealdietan erabilitako irizpide berberei jarraiki.

Ezin jakin dezakegu sozietatearentzat pasiborik erator ote daitekeen 1997ko urtealdiko likidazioari dagokionez aurkeztu duen errekurtsoaren azken ebazpenetik, baita 1998ko urtealdiari dagokionez, indarreko arautegi fiskalaren interpretazio ezberdinetatik ere.

2.– Higiezindu materialak 1.891 milioi pezeta barne hartzen ditu, BFDren lursailetan kokatutako eraikin baten eraikuntza kostuaren 1997ko abenduaren 31n kontularitzako balore garbiari dagozkionak.; eraikin hori, 1995az geroztik beste foru sozietate batek erabiltzen du, batere alokairu kontraturik egin gabe, eta erabiltzeagatik alokairurik fakturatu gabe. Ezin jakin dezakegu urteko kontuetan zein eragin izango duen eraikinaren azken norakoak.

3.– Txosten hau idatzi dugun datan ebazteko dago Sozietateak aurkeztutako errekurtsoa eraikin bat eraikitzeko obra zuzendaritzaren enpresa adjudikatariari absoluzioa aitortzen zion epaiaren aurka, eta ezin jakin dezakegu horrek sozietatearen urteko kontuen gainean izan dezakeen eragina.

INDUSTRI DISEINURAKO ZENTROA, SA

1.– Sozietateak bere ustiaketa defizita finantzatzeko BFDtik eskuratzen dituen dirulaguntzak emaitzen kontuan sarrera arrunt modura kontuetaratzen ditu, Fondo propioen idazpuruko "Galerak berdintzeko bazkideen ekarpenak" atalean erregistratu beharrean. 1998an erregistratutako zenbatekoa 30 milioi pezetakoa izan da.

ABANDOKO GELTOKI INTERMODALA, PROIEKTUAREN KUDEAKETA, SA

1.– 1998ko abenduaren 31ko egoera balantzeak 9 milioi pezetako kobratzeko saldoa erakusten du, 1998ko urtealdiko itzultzeko BEZ kontzeptuan, Sozietateak aurkeztutako likidazioaren arabera. Ezin jakin dezakegu sozietatearentzat pasiborik erator ote daitekeen 1998ko urtealdiari dagokionez, indarreko arautegi fiskalaren interpretazio ezberdinetatik.

2.– Sozietatearen Administrazio Batzordeak, 1999ko abenduaren 10ean egindako bilkuran enpresa likidatu eta desegiteko izapideei ekiteko erabakia hartu zuen, euren estatutuetako 2. artikuluan zehaztutako helburu soziala betetzat eman zutelako.

EUSKALDUNA JAUREGIA, SA

1.– Musika eta Kongresuen Jauregia Bilboko udalaren jabetzako ziren lursailetan eraiki da; lursail horiek dohainik laga dizkio Bilboko Udalak BFDri, 2000ko urtarrilaren 26an egindako bilkuran.

GARBIKER, AB

1.– 1998ko abenduaren 31ko egoera balantzeak 4 milioi pezetako kobratzeko saldoa erakusten du, 1996ko urtealdiko itzultzeko BEZ kontzeptuan, BFDren Ogasun eta Finantza sailak aipatutako urtealdiari dagokionez behin-behineko likidazio gehigarria egin ondoren, izan ere, ustiaketarako dirulaguntzak autokontsumotzat hartu baitira zerga honen ondorioetarako. Nolanahi ere, Sozietateak errekurritu egin ditu likidazio hauek TEAFen aurrean, irizpide horrekin bat ez etortzeagatik, eta errekurtso hori gaur egun ebazpena jaso zain dago.

Ezin jakin dezakegu 96ko likidazioari dagokionez aurkeztutako errekurtsoaren azken ebazpenetik ez ote den berreskuratuko "Administrazio publiko zordunak" delakoan erregistratutako kopurua; ez eta, indargabetu gabe dauden urtealdiei dagokienez, indarreko arautegi fiskalaren interpretazio ezberdinetatik, sozietatearentzat pasiboren bat erator ote daitekeen.

2.– Sozietateak %40an parte hartzen du Bizkaiko Zabor Berziklategia, SLn, 90 milioi pezetako inbertsioa erregistratu duela. Ezin egiaztatu ahal izan dugu inbertsio honen zuzentasuna, ez baititugu sozietate honen 1998. urtealdiko urteko kontuak.

LANTIK, SA

1.– Sozietatea ez da bere jardunerako erabiltzen duen eraikinaren jabe. Urteko kontuak egin ditugunean eraikina Lantikera atxikitzea eta erabilera-eskubidearen erregulazioa gauzatu gabe daude eta honenbestez, kontu orokorrean bildutako finantza egoerek ez dute gertakari ekonomiko horri buruzko inolako baliorik erakusten.

SEED BIZKAIKO KAPITALA, SA

1.– 1998ko abenduaren 31ko egoera balantzeak 2 milioi pezetako kobratzeko saldoa erakusten du, 1997ko urtealdiko itzultzeko BEZ kontzeptuan. Nolanahi ere, BFDren Ogasun sailak behin-behineko likidazio bat egin du eta 8 milioi pezeta ordaintzeko emaitza eskuratu du, izan ere, ustiaketarako dirulaguntzak autokontsumotzat hartu baitira zerga honen ondorioetarako. Sozietateak errekurritu egin du likidazio hau TEAFen aurrean, eta gaur egun ebazpena jaso zain dago.

Ezin jakin dezakegu 97ko urtealdiko likidazioa dela eta, aurkeztu den errekurtsoaren azken ebazpenetik sozietatearentzat pasiborik erator ote litekeen.

2.– Sozietateak galera operatiboak izan ditu, BFDren dirulaguntza bitartez berdindu direnak. Galeren kopurua ikusita, dirulaguntza horiek ezinbesteko dira sozietateak aurrera egin ahal izateko.

REKALDE ERAKUSKETA ARETOA

Urtean zehar gehitu egin da Rekalde Erakusketa Aretoa, SL sozietatean zuen partaidetza, orain arte %50ekoa zena. Akzio berriak erosi zaizkio sozietatearen beste akziodun den Eusko Jaurlaritzari eta horren ondorioz, oraingo partaidetza %100ekoa izatera aldatu da. BFDk, HKEE honek ez bestelako iritziari eutsiz, ez du foru sozietate modura jasotzen 1998ko abenduaren 31ko Kontu Orokorrean.

II.3.– SOZIETATE PUBLIKOEN ETA ONLAEREN KONTUAK

BALTZU PUBLIKOAK ETA ONLAE 98 Milioi pta.

Egoera balantzea Bizkaiko Industri disein.

Aparcabisa Azpiegitura Basalan BEAZ Bideak Boroa, SA zentroa

Hainbat urteald. banatzeko gastuak 7 - - 0 37 - -

Higiezindu ezmateriala - - - 99 - - -

Higiezindu materiala 4.241 6.778 11 16 16 - 17

Finantza higiezindua - 19 - 18 - - 4

Zordunak 68 327 150 144 16 57 62

Izakinak (lursailak/bestelakoak) - - 29 - - 3.138 -

Finantza higiezinduak - 111 - - - 73 -

Diruzaintza 24 569 6 5 57 12 26

Aldizkakotzeagatiko doiketak 2 1 1 - 6 - -

AKTIBOA 4.342 7.805 197 282 132 3.280 109

Harpidetutako kapit.+erretserbak 5.315 9.625 95 80 200 3.287 56

Urtealdiaren emaitzak + lehenag. (1.709) (2.194) - (37) (95) (44) (18)

Kapital dirulaguntzak - - - 124 - - 17

Arrisku eta gastuetarako hornidura - 6 - - - - -

Epe luzeko zorrak 33 19 - - - - -

Kreditu erakundeekiko zorrak 659 - - 34 - - -

Merkataritzako hartzekodunak 35 74 40 64 24 14 19

Epe motzeko bestelako hartzek 9 275 62 17 3 23 30

Aldizkakotzeagatik doiketak - - - - - - 5

PASIBOA 4.342 7.805 197 282 132 3.280 109

BALTZU PUBLIKOAK ETA ONLAE 98 Milioi pta.

Egoera balantzea Euskalduna Seed Rekalde

Jauregia Garbiker Intermodal Lantik kapitala ONLAE Aretoa GUZTIRA

Hainbat urteald. banatzeko gastuak - - - 9 - - - 53

Higiezindu ezmateriala - - 1.200 375 - - 196 1.870

Higiezindu materiala 9.384 229 - 662 3 6 5 21.368

Finantza higiezindua - 91 1 - 1 - - 134

Zordunak 2.921 106 25 629 14 16 13 4.548

Izakinak (lursailak/bestelakoak) - - - 16 - - - 3.183

Finantza higiezinduak 600 - - 2 28 62 - 876

Diruzaintza 367 161 28 192 10 72 6 1.535

Aldizkakotzeagatiko doiketak - 5 1 9 - - 1 26

AKTIBOA 13.272 592 1.255 1.894 56 156 221 33.593

Harpidetutako kapit.+erretserbak 4.723 45 60 226 55 50 1 23.818

Urtealdiaren emaitzak + lehenag. (67) 127 (44) - (6) 12 - (4.075)

Kapital dirulaguntzak 5.151 275 1.200 895 - - 202 7.864

Arrisku eta gastuetarako hornidura 25 - - - - - 5 36

Epe luzeko zorrak - - - 117 - - - 169

Kreditu erakundeekiko zorrak - - - - - - - 693

Merkataritzako hartzekodunak 6 75 12 189 3 34 9 598

Epe motzeko bestelako hartzek. 3.434 70 27 467 4 60 4 4.485

Aldizkakotzeagatik doiketak - - - - - - - 5

PASIBOA 13.272 592 1.255 1.894 56 156 221 33.593

BALTZU PUBLIKOAK ETA ONLAE 97 Milioi pta.

Galdu-irabazien kontua Bizkaiko Industri disein.

Aparcabisa Azpiegitura Basalan BEAZ Bideak Boroa, SA zentroa

Salmenta eta alogerak - 531 64 - - 42 -

Zerbitzu emanaldiak 318 63 308 102 1 - 59

Bestelako ustiaketa sarrerak - - - - 3 - -

Dirulaguntza arruntak, BFD - - - - - - 30

Kapital dirulaguntzak, BFD - - - 6 - - 7

Finantza sarrerak 3 28 1 1 5 2 1

Bestelako sarrerak 1 4 - 5 - 18 1

SARRERAK 322 626 373 114 9 62 98

Langile gastuak 140 295 225 148 38 - 133

Hornidurak - - 112 - 3 37 2

Kanpo zerbitzuak eta tributuak 122 243 31 158 47 33 121

Izakinen aldak - 448 - - - (42) -

Trafiko horniduraga. aldaketak (4) - - - - - -

Beste urtealdi batzuet. galerak - 8 1 4 - - -

Amortizaziorako zuzkidura 143 330 4 14 5 - 7

Higiezinduaren horniketan aldak - (231) - - - - -

Finantza gastuak 65 - - 2 - - -

Bestelako ustiaketa gastuak - 2 - - 2 - -

GASTUAK 466 1.095 373 326 95 28 263

EMAITZA (144) (469) 0 (212) (86) 34 (165)

BALTZU PUBLIKOAK ETA ONLAE 97 Milioi pta.

Galdu-irabazien kontua Euskalduna Seed Rekalde

Jauregia Garbiker Intermodal Lantik Capital ONLAE Aretoa GUZTIRA

Salmenta eta alogerak - 5 - - - - 1 643

Zerbitzu emanaldiak - 660 - 2.708 3 136 - 4.358

Bestelako ustiaketa sarrerak - 4 - 13 - - 5 25

Dirulaguntza arruntak, BFD - - - - - - - 30

Kapital dirulaguntzak, BFD - 23 12 794 - 3 845

Finantza sarrerak 35 4 - 12 3 6 - 101

Bestelako sarrerak - 2 - 1 70 1 5 108

SARRERAK 35 698 12 3.528 76 143 14 6.110

Langile gastuak 40 316 36 1.577 46 115 29 3.138

Hornidurak - 5 - 585 - - 12 756

Kanpo zerbitzuak eta tributuak 56 238 45 612 13 14 19 1.752

Izakinen aldak. - - - - - - - 406

Trafiko horniduraga. aldaketak 2 - - - - - 5 3

Beste urtealdi batzuet. Galerak - 4 14 8 - - 1 40

Amortizaziorako zuzkidura 4 26 12 719 1 2 8 1.275

Higiezinduaren horniketan aldak. - - - 17 - - - (214)

Finantza gastuak - - - 10 - - - 77

Bestelako ustiaketa gastuak - 6 - - - - - 10

GASTUAK 102 595 107 3.528 60 131 74 7.243

EMAITZA (67) 103 (95) 0 16 12 (60) (1.133)

III.– BARNE KONTROLERAKO SISTEMAREN ETA KUDEAKETA PROZEDUREN GAINEKO IRIZPENAK

III.1.– ERAKUNDE AUTONOMO ADMINISTRATIBOEN BARNE KONTROLERAKO SISTEMEN ETA KUDEAKETA PROZEDUREN GAINEKO IRIZPENAK

III.1.1.– GIZARTE LAGUNTZARAKO FORU ERAKUNDEA (GLFE)

III.1.1.1.– KONTRATAZIOA

– GLFEk laneko janzkiari dagozkion 3 milioi pezetako gastuak exekutatu ditu inongo publizitate eta lehiaketarik bideratu gabe eta administrazio kontratazioaren prozeduretara meneratu gabe. Erosketa hauek hainbat hirugarrenekin gauzatu dira, gehienetan lehenagoko lehiaketen esleipen hartzaileekin (9. esp.).

– 2. atalburuan aztertu ditugun espedienteetatik sei aurrez tramitatzekoak dira, hau da, 1997an esleitzen dira 1998an egiteratzeko. Kontratu mota honetarako ezargarria den araudiak eskatzen du Administrazio Baldintzen Pleguetan baliogabetze-baldintza bat barne hartzeko, dagokion urtealdian kontratuaren obligazioak finantzatzeko kreditu egokia dagoelako beharrizanean oinarrituko dena. Aztertu ditugun espedienteetatik batek ere ez du pleguetan betekizun hori jasotzen, nahiz eta adierazi behar den hori zuzendu egin dela 1999an esleitutako kontratuetan (6, 7, 8, 10, 11 eta 12. esp.).

– Aztertu ditugun espedienteetatik 5etan ez da ageri esleipen hartzaileek agintaritzaren aldizkarietako lehiaketa-iragarkien kostua ordaindu dutenik, pleguetan agintzen den moduan (1, 2, 6, 7, eta 8. esp.).

– 2. atalburuan aztertutako kontratuen ezaugarriei buruzko taulan urtebeteko berme epea finkatzen da. Nolanahi ere, fidantzaren itzulera horniketa amaitu ondoren gauzatu da, aipatutako epea amaitu gabe (6, 7, 8, 10, 11 eta 12. esp.).

Kontratuaren xedeak duen izaera ikusita, fidantza itzultzea ez da inongo arriskua eta honenbestez, komeni da Plegua aldatzea, hori bete gabe ez uzteko.

III.1.1.2.– BESTELAKO HUTSAK

– Ogasun eta Finantzen Foru Diputatuak aurrez ez erabilgarritzat izendatu dituen kredituak baliogabetzeagatiko bajak ez dira Foru Agindu bitartez egin, 10/1997 FAren 70. art.ak agintzen duen moduan, baizik eta Gobernu Batzordeko Lehendakariak onirizten ditu.

– Lanpostuen zerrendak ez du lanpostua betetzeko eskatutako titulazioa, ezta kategoria ere zehazten, Euskal Funtzio Publikoari buruzko 6/1989 Legearen 15.1.d) artikuluak agintzen duen moduan.

–Finantzetxeek GLFEri egiten dizkioten interesen likidazioak Kapital Errenten gaineko Zergatik (KEZ) garbi daude; Sozietateen gaineko Zerga arautzen duen 3/1996 FAren 133.4 a) artikuluaren arabera, ordea, ez da bidezkoa atxikipen hori egitea. Honek GLFEri kontzeptu honen izenean 6 milioi pezeta gutxiagoko dirusarrera izatea eragin dio eta BFDrentzat dirubilketa handiagoa oker atxikitako zergaren ondorioz.

– GLFEk diruzaintza saldo modura, oker, 1998ko 4. hiruhilekoan zorpetutako kontu baten interesak barne hartu ditu, 1999an kobratu direnak.

Kontuetan eragin handirik ez badu ere, kobratzeko dauden zorpetutako interesak kobratzeko kontuetan erregistratzea gomendatzen dugu.

– GLFEk 24 banku-kontu ditu zentro ezberdinetako gastuetarako eta horien funtzionamendua justifikatu beharreko aurrerakinena da, aurrekontuz kanpo fondo finkoaren zenbatekoarekin ageri direnak. 1998ko abenduaren 31n diruzaintzako saldoak ez zuen kontu horien egiazko saldoa data horretan erakusten, 8 milioi pezeta egiten zituena. Baimendutako pertsonek fondoen erabilera bereizi gabe egiten dute, ez amankomunean.

GLFEk egoki diren aginduak eman behar lituzke baimendutako kontuak GLFEren diruzaintzaren atal modura jasotzeko eta fondoen erabilera ere sinadura amankomunatuen bitartez egiteko, ahalik eta gutxienera murriztuz ikastetxeari aurrerakinak ematea.

– 1998ko abenduaren 31n egoera balantzearen Ondare Kontuaren lagatako onibarren saldoa eta "Onibarrak" eta "Lagatako ondarea" kontuen saldoa 12 milioi pezetan gutxietsiak daude.

– 1998ko abenduaren 31n baloratzeko dago Gizarte Segurantzaren Diruzaintza Orokorrak lagatako higiezin bat.

– Ondasun zerrendak ez ditu barne hartzen aurreko urtealdietan Santurtziko etxe funtzionalerako erositako 3 onibarretatik 2, 16 milioi pezetako zenbatekoa egiten zutenak.

– Prezio publikoen likidazioa dela eta, zera azpimarratu behar dugu:

. Nahiz eta abenduaren 26ko 156/1990 Foru Dekretuak Erakundeari bere gizarte- eta laguntza- zerbitzuak biltzeko ahalmena ematen dion, 108/1993 FDk, berriz, 13. artikuluan agintzen du onuradunak zuzenean ordainduko diola Bizkaiko Foru Diputazioaren Ogasun eta Finantzen Saileko Diruzaintza Zerbitzuari dagokion zenbatekoa.

. Ordaindu gabe dauden ordainagirientzat ez dago bilketa-prozedura eraginkorrik. Honela, Ogasun eta Finantzetako diputatuaren maiatzaren 29ko 1684/1991 Foru Aginduak Erakundeari Bilketa-Organo izaera ematen badio ere, beronen administrazio-egitura ez da nahikoa premiamendu prozedura kudeatu ahal izateko.

. Egoiliar berrien sarrera baimentzen duten foru aginduen jaulkipena atzerapenez egiteak eragin du 1998ko abenduaren 31n 27 egoiliar egotea urtean alta eman eta urtealdi amaieran oraindik fakturatu gabeak. Kontzeptu honegatik 1998ko abenduaren 31n aitortzeko dauden sarrerak 3 milioi pezetakoak izan dira.

III.1.2.– LURRALDE AZTERLANEN INSTITUTUA (BLAI)

III.1.2.1.– KONTRATAZIOA

– 1998an "Bizkaiko Ibaiak" lanaren separatak prentsan banatzeko inprimaketa lanen esleipen-espedientean, 22 milioi pezeta egin zituenean, honako huts hauek aurkitu ditugu:

. Materiala bildu ahal izateko kontratuaren prezioaren gainean %30 ordaintzea aurreikusi zen eta halaxe egin ere, APKLren 100.3 art.ak emanaldi hauen gainean eskatzen duen bermea aurkeztu gabe.

. Espedientearen onarpena eta azterlanaren zuzendariaren izendapena BLAIren Zuzendari Nagusiak egiten du, kontratazio organoa batzorde delegatua den bitartean.

. Pleguan urtebeteko berme aldia finkatzen da; fidantza, ordea, bi hilabeteren buruan itzuli da, separaten emanaldian behin amaitu ondoren.

Kontratu honek duen izaera gogoan hartuta, ez da beharrezkoa fidantzaren itzulera luzatzea eta horregatik, atal hau Plegutik ezabatzea gomendatzen dugu, bete gabe uztea ekiditearren.

III.2.– FORU SOZIETATE PUBLIKOEN BARNE KONTROLERAKO SISTEMEN ETA KUDEAKETA PROZEDUREN GAINEKO IRIZPENAK

III.2.1.– KONTRATAZIOA

AZPIEGITURA, SA

Azpiegiturak Elkartegietako Jabeen Elkarteen kontura esleitzen ditu zerbitzuak, publizitaterik gauzatu gabe. Mota honetako kontratuek 1998an 86 milioi pezeta egin dituzte eta gastua jabe guztiek proportzionalki euskarritzen dute.

Nahiz eta ez den gastu propioa, gomendagarria da Azpiegiturak publizitate eta lehiaketa printzipioak betetzea bere jarduera guztietan.

Sozietateak iturgintza lanen eta aseguru polizen kontzeptuko gastuak egin ditu, hurrenez hurren, 7 eta 6 milioi pezetakoak.

Lan mota ezberdinak barne hartu eta ordainagiriek 2 milioi pezetak gainditzen ez badituzte ere, egindako lanak homogeneoak direnez gero, iturgintza lanen kasuan, emandako zerbitzu mota ezberdinei dagokienez, orduko bakarkako prezioen araberako lehiaketa egitea gomendatzen dugu.

BASALAN, AB

1998an zehar ondotik adieraziko ditugun gastu hauek egin dira batere publizitate eta lehiaketarik bideratu gabe: egurra garraiatzeko lanak, 8 milioi pezetan ohiko 3 hornitzaileek eginak; egur-txikitze lanak, 8 milioi pezetan 2 hornitzailek eginak; eta erregaiaren kontsumoa, 5 milioi pezetan bi hornitzailek egina.

BIZKAIKO BIDEAK, SA

Hiru espediente elseitzeko bideratu diren lehiaketetan, 9.162 milioi pezetakoak, kontratariaren gaitasun eta gaudimenari buruzko alderdiak balioztatu dira, APKLren 87. artikuluak adierazitakoa urratuz (BB1, BB2 eta BB4 espedienteak).

GARBIKER

Konponketa gastuak, guztira, 36 milioi pezeta egin ditu 1998an eta publizitate eta lehiaketarik gabe, ohiko hiru hornitzailerekin egin da kontratua, batik bat, hurbiltasun arrazoiak direla eta. Esan beharra dago ibilgailu berrien mantenimendua kontzesionario ofizialetan egin ohi dela.

Idazpuru honetan zerbitzu ezberdin ugari barne har badaitezke ere, eginkizun ohikoenen bakarkako kostua, orduko kostua esate baterako, eskainiko duen lehiaketa bideratu behar dela uste dugu, besteak beste, erantzuteko denbora baloratuko duena.

1998an gasoleoak urtealdian 39 milioi pezetako gastua eragin zuen eta ohiko hornitzaileari erosten zitzaion, erosketaren espedienterik ez zegoela, eta ez publizitate, ez lehiaketarik batere bideratu gabe. Orobat, pneumatikoen horniketa eta konponketak 1998an 5 milioi pezetako gastua eragin zuen eta publizitate eta lehiaketarik gabe gauzatu zen. Dena dela, 1999an bi kontratuak esleitzeko lehiaketa egin zen, eskaintzarik merkeenari eman zitzaiola.

REKALDE ERAKUSKETA ARETOA

Sozietateak hainbat gastu egin ditu publizitate eta lehiaketa printzipioetara meneratu gabe, katalogoen garraio eta inprimaketa esate baterako (hurrenez hurren 4 eta 3 milioi pezetako gastua eragin dutenak).

ABANDOKO GELTOKI INTERMODALA

1998an publizitaterik bideratu gabe, enpresa batekin hainbat lan kontratatu dira, guztira 7 milioi pezetako zenbatekoarekin.

Kontratatu diren lanak kontzeptu ezberdinekin egin eta ordainagiriek 2 milioi pezetak gainditzen ez badituzte ere, egindako lanak homogeneoak direnez gero (proiektua prestatu eta aurkezteko laguntza teknikoa, dokumentazioa atondu eta Ministerioan, Udalean bilerak egitea, azoketara joatea, e.a.) emandako zerbitzu mota ezberdinei dagokienez, orduko bakarkako prezioen araberako lehiaketa egitea gomendatzen dugu.

III.2.2.– BESTELAKO ALDERDIAK

AZPIEGITURA

Sozietatearen jabetzako ez diren lursailetan kokatutako hainbat eraikuntza, kontuetan higiezindu modura jaso direnak, Jabetza-erregistroan izena eman gabe daude, lursailaren jabeak emandako eraikitzeko eskubidea justifikatzen duen dokumentaziorik ez izateagatik.

Nahiz eta gaur egun egoera hauek zuzentzen ari diren, Sozietateari gogorarazten diogu ahalik eta azkarren egoera hau egokitu behar duela.

Sozietatearen hainbat eraikinek inbertsioaren balioa berreskuratzeko arazoak dituzte gaur egun fakturatzen ari diren alokairuen bitartez, izan ere, alokairuak oso txikiak edo inoiz hutsaren pareko baitira (Zamudioko Teknologia Parkearen eraikinak eta Lantiken eraikina).

Berebat, beharrezkoa da dagozkion neurri zuzentzaileak aztertzea eraikinen alokairutik eratorritako sarrera mailak, horietan egindako inbertsioaren balioa berreskuratzea bideratuko badu.

BIKAKOBO-APARCABISA

Erabilera publikoa duten lursailen erabilera-aldaketarako espediente baten ondorioz, Sozietateak erositako lursailen atal handi bat, higiezindu materialaren atal dena, izen emateko dago Jabetza-erregistroan.

BIZKAIKO BIDEAK, SA

Sozietateak gauzatu dituen azpiegiturak eraikitzeko kontratuen hitzarmenetan azaltzen da kontratariari kudeaketa gastuen kontzeptuan kontratuaren zenbatekoaren %6 fakturatuko diola, fianantza gastuak eta BEZ alde batera utzita. Honek Sozietatearen ustiaketa gastuen kapitalizazioa dakar, etorkizunean BFDk obra hauek ordaintzen dituenean.

LANTIK

Lantik, SA sozietateak 1994. urteaz geroztik bere jardunerako erabiltzen duen eraikinaren jabea BFD da, AZPIEGITURA, SA sozietate publikoaren bitartez. Hala eta guztiz ere, txosten hau idatzi den datan, sozietateari egin beharrezko eraikinaren atxikipena eta erabilera-eskubidearen erregulazioa ere ez dira gauzatu, eta beraz, sozietatean 1998ko abenduaren 31ko finantzen egoera-orriek ez dute adierazi den gertakari ekonomiko horri buruzko inolako baliorik islatzen.

Lantik, SAri egindako eraikinaren atribuzioa erregulatu egin beharko litzatekeela uste dugu, erabilera, mantenimendu, konponketa eta abarren ondoriozko gastuen egokitzapena bezalako gaiak legitimatuz.

ALEGAZIOAK

ONDORIOAK

II. FORU SOZIETATE PUBLIKOEI ETA ONLAE-RI (Estatuko Loteria eta Apustuetarako Erakunde Nazionala) BURUZKO IRITZIA.

II.1.– LEGEA BETETZEARI BURUZKO IRITZIA

AZPIEGITURA, SA

Elkartegietako karteldegi gastua (argibideak emateko seinalizazio-kartelak), 10 milioi pezetakoa, publizitaterik gabe esleitu da (ikus C.4).

ALEGAZIOA

1997 urtean, elkartegietako seinaleak berraztertu ziren, Centro de Diseño DZ sozietate publikoaren laguntzarekin. Trapagarango elkartegia hartu zen erreferentziako zentrotzat, eta DZ sozietateak seinalizazioan espezializatutako hiru enpresari eskatu zien aurrekontua. Eskaintzarik merkeena Bidico, S.L. enpresak egin zuen eta, beraz, horri esleitu zitzaion lana.

Honekin batera igortzen da erabilitako prozedurari buruzko txostena.

BIKAKOBO-APARCABISA, S.A.

1998an zehar, sarbide automatizaturako kontrol sistema baten ezarpena zuzenean kontratatu da, 14 milioi pezetakoa, ez publizitaterik, ez lehiaketarik ere egin gabe (ikus C.4).

ALEGAZIOA

Kontratazioa enpresa jakin batekin egin zen zuzenean. Izan ere, BIKAKOBO-APARCABISA "Asociación de Centros de Transporte de España" elkarteko kide denez, aparkalekuak kontrolatzeko horrek onartutako sistema erabili behar du, eta sistema hori enpresa horrek baino ezin du jarri.

II.2.– KONTUEI BURUZKO IRITZIA

AZPIEGITURA, S.A.

ALEGAZIOA

Auzitegi gorenak 1997ko abenduaren 20an emandako epaiak onetsi egiten du Azpiegitura, S.A. sozietateak jarritako errekurtsoa eta kausa itzultzeko eta ahozko epaiketa hasteko agintzen du. Beraz sozietatearen hasierako planteamenduak baliozkoak dira.

Honekin batera igortzen da Auzitegi Gorenak kasazio errekurtsoari buruz emandako epaia.

ABANDOKO GELTOKI INTERMODALA

2.– Sozietatearen Administrazio Batzordeak, 2000ko maiatzaren 25ean egindako bilkuran, enpresa likidatu eta desegiteko izapideei ekiteko erabakia hartu zuen, euren estatutuetako 2. artikuluan zehaztutako helburu soziala betetzat eman zutelako.

ALEGAZIOA

Gaur egun, likidatzaileak izendatuta daude, enpresa likidatzeko eta desegiteko izapideak egiteko.

REKALDE ERAKUSKETA ARETOA

ALEGAZIOA

Egoera hori zuzendu egin da 1999ko ekitaldian.

III.– BARNE KONTROLERAKO SISTEMAREN ETA KUDEAKETA PROZEDUREN GAINEKO IRIZPENAK.

III.1.– ERAKUNDE AUTONOMO ADMINISTRATIBOEN BARNE KONTROLERAKO SISTEMEN ETA KUDEAKETA PROZEDUREN GAINEKO IRIZPENAK

III.1.1.– GIZARTE LAGUNTZARAKO FORU ERAKUNDEA (GLFE)

III.1.1.1.– KONTRATAZIOA

ALEGAZIOA

GLFEren hogeita bederatzi gastu-zentroek partida bana dute jantziak erosteko, bai langileenak bai erabiltzaileenak.

Bi urtetik behin, langileen jantzien lizitazio publikoa egiten da. Horren zenbatekoa, oro har, 10.000.000 pezetatik gorakoa izaten da, gutxienez.

Aztertutako ekitaldian ez zen lizitazio publikoa egin behar. Dena den, zentro guztietan langileentzat eta erabiltzaileentzat erositako askotariko jantziengatik 3.000.000 pezeta ordaindu dira, zentro guztietako kontzeptu guztiak batuta.

Ezin da aurretik jakin erabiltzaileek zenbat jantzi edo nolakoak beharko dituzten, izan ere, ez du zentroak erabakitzen zein pertsona sartuko diren. Erabiltzaileak, beraz, ezezagunak dira. Zentro guztietako horrelako jantziak eta langileenak batuz gero, 2.000.000 pezetatik gorako zenbatekoa agertzen da aurreikusi ezin dena.

III.1.1.2.– BESTELAKO HUTSAK

– Lanpostuen zerrendak ez du lanpostua betetzeko eskatutako titulazioa, ezta kategoria ere, zehazten, Euskal Funtzio Publikoari buruzko 6/1989 Legearen 15.1.d) artikuluak agintzen duen moduan.

15.1 artikuluak (6. eranskina) hauxe dio:

"Lanpostu-zerrendek honako hauek adieraziko dituzte nahitaez horietako bakoitzeko:

a) izena,

b) atxikita dagoeneko Saila edo Zuzendaritza,

c) dedikazio-erregimena,

d) hori betetzeko eskatutako baldintzak, horien artean, derrigorrez, hizkuntz eskakizuna eta derrigortasun data, eta

e) bakoitzean beharrezko izan dadin zein Talde, Kidego edo Eskala edo lan-kategoriatan sartuta dagoen. Lanpostuak Talde bati baino gehiagori aukeran eman ahal izango zaizkie, beti ere horietako maila-artekoan sartutakoak balira behintzat."

Institutuak behar bezala betetzen du artikulua, izan ere, 1., 2., 3., 4. eta 5. taldeak ezarri ditu, lanpostuen zerrendetan agertzen den bezala.

III.2.– FORU SOZIETATE PUBLIKOEN BARNE KONTROLERAKO SISTEMEN ETA KUDEAKETA PROZEDUREN GAINEKO IRIZPENAK

III.2.1.– KONTRATAZIOA

AZPIEGITURA, SA

Nahiz eta ez den gastu propioa, gomendagarria da Azpiegiturak publizitate eta lehiaketa printzipioak betetzea bere jarduera guztietan.

ALEGAZIOA

Azpiegitura-k ez du zerbitzurik esleitzen. Elkartegietan dauden jabekideen erkidegoak administratzea da sozietatearen zeregina. Jabekideen erkidego horiek moduluen jabe diren enpresa guztiek osatzen dituzte eta denek dituzte eskubide berberak. Azpiegitura jabe horietako bat baino ez da. Zerbitzuen esleipena eta aurrekontuen eta gastuen onarpena Elkartegietako jabekideen erkidegoetan erabakitzen dira, organo horrek bakarrik baitu horrelako erabakiak hartzeko eskumena.

Sozietateak iturgintza lanen eta aseguru polizen kontzeptuko gastuak egin ditu, hurrenez hurren, 7 eta 6 milioi pezetakoak.

ALEGAZIOA

Iturgintza lanetatik %90 gora, jabekideen erkidegoak mantentzeko egin dira. Beraz, elkartegi bakoitzeko jabekideen batzordeak arduratzen dira gastu horiek esleitzeaz eta onartzeaz.

Aseguru polizen esleipenari dagokionez, kontratatutako polizak amaitzen ziren heinean egin zen. Horretarako, hainbat artekaritzari eskatu zitzaion eskaintzak egiteko, honekin batera doazen agirietan ikus daitekeenez.

Sozietatearen ondarea eta jardueraren ondoriozko erantzukizun zibila aseguratzeko polizari dagokionez, bost enpresari eskatu zitzaien eskaintzak egiteko.

Sozietateko langileentzako bizitza asegurua egiteko, bost enpresari eskatu zitzaien eskaintzak egiteko.

Aholkularien eta Zuzendaritzako kideen erantzukizun zibileko poliza egiteko, bi enpresari eskatu zitzaien eskaintzak egiteko.

BASALAN, AB

ALEGAZIOA

Makinak eta ibilgailuak erregaiez hornitzeko, enpresaren lanak eta jarduerak egiten diren lekuetatik hurbilen dauden hornitegietara jotzen da (6 gasolindegi), eraginkortasun eta efizientzia arrazoiak tarteko.

Egun-garraioa dela-eta, mendi bakoitzeko "kontratu" bat egiten da, merkatuko prezioen araberakoa eta 2.000.000 pezetatik beherakoa. Beraz, kasu honetan ezin da eskatu publizitatea eta norgehiagoka. Egurra mozteko kontratuei dagokienez, horiek ere 2.000.000 pezetatik beherakoak dira.

BIZKAIKO BIDEAK, SA

Hiru espediente esleitzeko bideratu diren lehiaketetan, 9.162 milioi pezetakoak, kontratariaren gaitasun eta gaudimenari buruzko alderdiak balioztatu dira, APKLren 87. artikuluak adierazitakoa urratuz (BB1, BB2 eta BB4 espedienteak).

ALEGAZIOA

Irizpide horiek Banco Eropeo de Inversiones bankuaren Aholkularitza Juridikoak ikuskatu zituen, eta Batasuneko legeak buztiz betetzen dituztela adierazi zuen.

Batasuneko erakundeen kontu-hartzailetzako eta fiskalizazioko berezko organoei gordetako funtzioak hartzen ditu aholkularitza juridiko horrek BEI-ren barruan. Hizpide dugun kasuan, hauxe izan zen, hain zuzen ere, bere zeregina: Bideak erabili beharreko pleguek eta, ondorioz, esleipen-irizpideek, Batasuneko zuzentarauetan kontratazio publikoei buruz xedatutakoa betetzen zuten eta duten begiratzea eta zaintzea.

Batasunak kontratazio publikoari buruz emandako zuzentarauak betetzeko konpromisoa zalantzarik gabe sendetsi zuen Bideak-ek BEI-rekin sinatutako kontratu baten bitartez; izan ere, bertan, zuzentarau horiek betetzeko konpromisoa adierazi zuen.

III.2.2.– BESTELAKO ALDERDIAK

AZPIEGITURA

Nahiz eta gaur egun egoera hauek zuzentzen ari diren, Sozietateari gogorarazten diogu ahalik eta azkarren egoera hau egokitu behar duela.

ALEGAZIOA

Lehenengo eraikina, Lantik-en egoitza dena, BFAri itzuli zaio kapital-murrizketa baten bitartez, eraikuntza-eskubidea inskribatu ondoren.

Honekin batera doakizue Batzar Orokorraren erabakiaren kopia.

Berebat, beharrezkoa da dagozkion neurri zuzentzaileak aztertzea eraikinen alokairutik eratorritako sarrera mailak, horietan egindako inbertsioaren balioa berreskuratzea bideratuko badu.

ALEGAZIOA

Bigarren eraikina sozietatearen izenean dago inskribatuta. 1999ko ekitaldian, eraikinaren kokaleku den lursaila eskuratu da.

Honekin batera doakizue lursailaren emaitza-eskritura eta Zamudioko udalaren egiaztagiria, obra berriaren deklarazioa egiteko.

BIKAKOBO-APARCABISA

ALEGAZIOA

Une honetan desjabetzea behin betikoa da. Beraz, inskripzioa egingo da Jabetza Erregistroan.

BIZKAIKO BIDEAK, S.A.

Sozietateak gauzatu dituen azpiegiturak eraikitzeko kontratuen hitzarmenetan azaltzen da kontratariari kudeaketa gastuen kontzeptuan kontratuaren zenbatekoaren %6 fakturatuko diola, finantza gastuak eta BEZ alde batera utzita. Honek Sozietatearen ustiaketa gastuen kapitalizazioa dakar, etorkizunean BFAk obra hauek ordaintzen dituenean.

ALEGAZIOA

Departamenduaren iritziz, ezin dira lotu kudeaketa-gastuengatik esleipendunari fakturatutako %6a eta Bideak hartutako konpromisoei aurre egiteko BFAak urte anitzeko gastuetarako jarritako partidaren handiketa, gertatu ez dena.

Gaizki-ulertua argitzeko, zera esan behar da, esleipenaren zenbatekoa Bideak-eko plan ekonomiko finantzarioetan agertzen dela, eta hori dela BFAren urte anitzeko konpromisoak finkatzeko erabiltzen den oinarria.

%6 hori, beraz, esleipendunari baino ez zaio egozten, inola ere ez BFAari. Ezinezkoa da, beraz, ustiaketa-gastuak BFAaren aurrekontuetan kapitalizatzea, salbu eta HKEEak eta departamendu honek kapitalizazioaren kontzeptuaz egiten ditugun interpretazioak bat ez badator.

Azterketa dokumentala