RSS
157. zk., 2000eko abuztuaren 17a, osteguna
- Bestelako formatuak:
- Testu elebiduna
Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da
Iragarpenak
Bilboko Udala
3630
IRAGARKIA, Bilboko Hiri-Antolaketarako Egitamu Orokorraren Aldaketa bati buruzkoa. Aldaketa hori 602 banaketa-eremuan, 183 eta 185 etxadietan, Kaputxinoen Komentuko orubea "irabazi asmoko ekipamendu" bezala kalifikatzeko da.
Bilboko Udalbatzak 2000-06-28an egindako batzarraldian erabaki hau hartu zuen, besteak beste (esp. 00 1034 000028):
Bat.– Hasieran onartzea Bilboko Hiri-Antolaketarako Egitamu Orokorraren Aldaketa 602 banaketa-eremuan, 183 eta 185 etxadietan, Kaputxinoen Komentuko orubea "irabazi asmoko ekipamendu" bezala kalifikatzeko, Udalaren Zerbitzu Teknikoek egindako proiektuaren arabera.
Bi.– Herritarrei horren berri emateko HILABETEKO aldia hastea, dagozkion iragarkiak iragarki-oholean, Estatuko Boletin Ofizialean, Bizkaiko Aldizkari Ofizialean eta Bizkaiko egunkaririk zabalduenetako batean argitaratuz, eraginpekotzat daudenek euren alde egoki deritzeten arrazoibideak aurkez ditzaten. Administrazio-espedientea eta dagozkion agiri teknikoak euren eskueran daude Hirigintza Saileko Planeamendu Sailataleko bulegoetan. (Udaletxearen alboko eraikineko 4. solairuan).
Hiru.– Eraginpeko aldean baimenak baliogabetzea Egitamu Orokorren Egokitzapenari buruzko urriaren 16ko 16/1981 Erregearen Lege-Dekretuaren 8. artikuluan adierazitakoaren arabera.
Lau.– Proiektu hau behin-behinekoz onartutzat ematea, baldin eta arrazoibiderik aurkeztu ez bada horretarako jarritako epean; eta administrazio-espedientearen fotokopia eta agiri teknikoen behar bezala eginbideturiko bost kopia Bizkaiko Foru Aldundiko Hirigintza Sailera bidaltzea, behin-betiko onartu dezan hala balegokio.
Bost.– Erabaki hau 6. Barruti-kontseilura bidaltzea eta egiaztagiria egitea eragina izan dezan Lizentziak, Kudeaketa eta Eraikuntza-Erregimen Sailataletan."
Bilbao, 2000ko ekainaren 30a.
IDAZKARIORDE NAGUSIA.
(91-09-17ko eskuordetzaz)
