RSS
131. zk., 1999ko uztailaren 12a, astelehena
- Bestelako formatuak:
- Testu elebiduna
Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da
Bestelako Xedapenak
Lurralde Antolamendu, Etxebizitza eta Ingurugiro Saila
3065
AGINDUA, 1999ko ekainaren 23koa, Lurralde Antolamendu, Etxebizitza eta Ingurugiro sailburuarena, Gernika-Lumoko Santa Lucía eremuan Ekone, S.A.-Construcciones Urrutia, S.A. enpresen aldi baterako batasunak sustatutako 12 gizarte-etxebizitza eta babes ofizialeko 74 etxebizitza esleitzeko prozedura finkatzen duena.
GERTATUTAKOAK
1.– Lurralde Antolamendu, Etxebizitza eta Ingurugiro Saileko Finantza Plangintza eta Kudeaketarako zuzendariaren 1998ko irailaren 29ko Ebazpenaren bidez, Gernika-Lumoko udalerriko Santa Lucía eremuan 12 gizarte-etxebizitza eta babes ofizialeko 74 etxebizitzaren itunpeko sustapenaren onurak Ekone, S.A. eta Construcciones Urrutia, S.A. enpresen aldi baterako batasunari esleitu zitzaizkion.
2.– Ebazpen horretako 5. idatz-zatia ezarritakoaren arabera, Lurralde Antolamendu, Etxebizitza eta Ingurugiro sailburuaren agindu baten bidez finkatuko dira lehenengo eskualdaketako etxebizitzen erosleek bete beharreko baldintzak eta beroiek aukeratzeko prozedura.
3.– 1999ko martxoaren 30ean eta maiatzaren 5ean, hurrenez hurren, gizarte-etxebizitzen eta babespeko etxebizitzen behin-behineko kalifikazioa eman zitzaien itunpeko sustapen horretako etxebizitzei.
ZUZENBIDEKO OINARRIAK
1.– Organo honek du eskumena prozedura hau finkatzeko, Lurralde Antolamendu, Etxebizitza eta Ingurugiro Sailaren egitura organikoa ezartzen duen otsailaren 28ko 176/1995 Dekretuak eta babes ofizialeko itunpeko sustapenei buruzko maiatzaren 6ko 104/1997 Dekretuaren 3. artikuluak ezarritakoaren indarrez; aipatu artikuluak itunpeko sustapeneko babes ofizialeko etxebizitzen erosleek bete beharreko baldintzak ezarri zituen, eta Lurralde Antolamendu, Etxebizitza eta Ingurugiro sailburuaren agindu baten bidez baldintza gehigarriak ezartzeko aukera ere aipatzen zuen.
2.– Gizarte-etxebizitzei buruzko finantza-neurriak eta araubide juridikoa finkatzen dituen uztailaren 30eko 212/1996 Dekretuaren 24. artikuluan ezartzen denez, onuradunak aukeratzeko eta gizarte-etxebizitzak esleitzeko prozedurak Dekretu bereko 19. artikuluan zehaztutako baldintzak bete beharko ditu.
Aipatutako lege-manuak eta oro har gai honetan erabilgarri diren gainerakoak ikusi ostean, honakoa
XEDATU DUT:
Gernika-Lumoko udalerriko Santa Lucía eremuan 12 gizarte-etxebizitza eta babes ofizialeko 74 etxebizitza esleitzeko prozedura eta, halaber, etxebizitza horien erosleek bete behar dituzten gutxienezko eskakizunak ere onartzea, etxebizitzen erosleak aukeratzeko baldintzen pleguen arabera (eranskinak).
Agindu honen aurka badago berraztertzeko errekurtsoa aurkezteko aukera, Lurralde Antolamendu, Etxebizitza eta Ingurugiro sailburuari zuzenduta; horretaz gain, artez aurkez daiteke administrazioarekiko auzi-errekurtsoa, Euskal Herriko Auzitegi Nagusiko Administrazioarekiko Auzitarako Salaren aurrean. Bietarako epea Euskal Herriko Agintaritzaren Aldizkarian argitaratzen den egunaren biharamunean hasiko da eta hilabetekoa izango da lehenengoarentzat eta bi hilabetekoa bigarrenarentzat.
Vitoria-Gasteiz, 1999ko ekainaren 23a.
Lurralde Antolamendu, Etxebizitza eta Ingurugiro sailburua,
FRANCISCO JOSÉ ORMAZABAL ZAMAKONA.
I. ERANSKINA
GERNIKA-LUMOKO UDALERRIKO
SANTA LUCÍA EREMUAN 12
GIZARTE-ETXEBIZITZAREN
ITUNPEKO SUSTAPENAREN EROSLEAK
ONARTZEKO BALDINTZEN PLEGUA.
Lehenengoa.– Baldintzak.
Ondoren aipatzen diren pertsona naturalek eskatu ahal izango dituzte etxebizitzak, bai bakarka bai jadanik egon dauden edo geroko batean egongo diren elkarbizitza-unitateetan, baldin eta ondoren azaltzen diren baldintzak betetzen badituzte:
1.– Etxebizitzarik eza.
Etxebizitza eskatzen duen elkarbizitza-unitateko kide guztiei dagokienez, agindu hau argitaratzen den egunaren aurre-aurreko bi urteetan jabetzapean, azalera eskubidepean edo gozamenpean etxebizitzarik ez dutela izan egiaztatu beharko dute eskatzaileek, eta egoera horretan egon beharko dute etxebizitza hauen esleipena eratu artean.
2.– Diru-sarrerak
1997. urteko lanbidearteko gutxieneko lansaria (932.820 PTA) halako 1,7 eta 3,5en artean egongo dira 1997. urtean irabazitako urteko diru-sarrera haztatuak.
3.– Egoitza.
Gernika-Lumoko udalerrian urtebeteko epean gutxienez bizi izana. Epe hori plegua onartzen duen agindua argitaratzen denean hasiko da.
4.– Etxebizitza baten esleipenduna eta finantza neurrien onuraduna ez izatea.
Agindu hau argitaratzen den egunaren aurre-aurreko hamar urteetan, jabetzapean zein azalera eskubidepean, gizarte-etxebizitzaren edo itunpeko sustapeneko etxebizitzaren onuraduna ez dela izan egiaztatu beharko da bai eta Eusko Jaurlaritzako Lurralde Antolamendu, Etxebizitza eta Ingurugiro Sailak etxebizitza eskuratzeko eskaintzen dituen neurrien onuraduna ez dela izan ere.
Bigarrena.– Eskabideak.
Lurralde Antolamendu, Etxebizitza eta Ingurugiro Sailak etxebizitza-eskabideak jasotzeko duen Erroldan eskabidea aurkeztu ez dutenek hilabeteko epean eskatu beharko dute Erroldan sartzea. Agindu hau Euskal Herriko Agintaritzaren Aldizkarian argitaratzen den egunaren biharamunean hasiko da epe hori.
Lurralde Antolamendu, Etxebizitza eta Ingurugiro Sailean eskura daitekeen eredu ofizialari jarraituz beteko dira eskabideak eta Saileko Bizkaiko Lurralde Ordezkaritzan aurkeztuko, beti ere Plegu honetan eskatutako betekizunak egiaztatzen dituzten agiriekin batera.
Eske-idazkiak aurkezteko epea amaitu eta hiru hilabete geroago berariazko ebazpenik eman ez bada, eskabidea ezetsi egin dela ulertuko da.
Hirugarrena.– Gordetzekoak.
Esleitu beharreko etxebizitzetatik honako hauek gordeko dira:
– 7 etxebizitza, 35 urtetik beherako bizikideak dituzten elkarbizitza unitateentzat.
– Etxebizitza 1, adin txikiko umeak ardurapean dituzten emakumeentzat edo guraso bakarreko unitateentzat.
Laugarrena.– Onartutako eta baztertutakoen zerrendak.
1.– Eskabideetan agertutako inguruabarrak benetakoak direla egiaztatu ostean, Lurralde Antolamendu, Etxebizitza eta Ingurugiro Saileko Bizkaiko lurralde ordezkariak ebazpen baten bidez finkatuko ditu onartutako eta baztertutako eskatzaileen zerrendak.
Zerrendak Bizkaiko Lurralde Ordezkaritzako iragarki oholean jarriko dira jendaurrean, hamabost eguneko epean. Eskatzaileek, zerrendak jendaurrean jartzeko epea amaitzen den egunaren biharamunetik hasita, hilabeteko epea izango dute zerrendak onartzen dituen ebazpenaren aurka gora jotzeko errekurtsoa aurkezteko, betiere Lurralde Antolamendu, Etxebizitza eta Ingurugiro sailburuari zuzenduta.
Agindu hau argitaratu eta hiru hilabete geroago berariazko ebazpenik eman ez bada, errekurtsoa ezetsi egin dela ulertuko da.
2.– Aurkeztutako errekurtsoak ebatzi ostean, lurralde ordezkariak prozeduran onartutakoen eta bertatik baztertutakoen zerrendak gauzatuko ditu. Zerrenda hauek irmoak izango dira administrazio bidean, eta beren aurka ezin izango da administrazio errekurtsorik aurkeztu. Zerrenda hauek aurreko paragrafoan adierazitako modu berean jarriko dira jendaurrean.
Bosgarrena.– Esleipena.
Etxebizitzen esleipendunak aukeratzeko modua zozketa izango da, notario baten aurrean. Horretarako eguna eta tokia Lurralde Antolamendu, Etxebizitza eta Ingurugiro Sailak zehaztuko ditu, Euskal Autonomia Erkidegoko Administrazioaren jabetzako gizarte etxebizitzak esleitzeari buruzko Eusko Jaurlaritzako Lurralde Antolamendu, Etxebizitza eta Ingurugiro sailburuaren 1997ko azaroaren 12ko Aginduaren 11. artikuluko 2. eta 3. idatz-zatietan adierazitakoaren arabera.
Aukeratutakoen zerrenda eta zain gelditzen direnen zerrenda onartzen dituen ebazpena aurreko klausulan adierazitako modu berean argitaratuko da eta, bere aurka, berraztertzeko errekurtsoa aurkeztu ahal izango da, lurralde ordezkariari zuzenduta.
Seigarrena.– Eskabiderik ez badago.
Eskabiderik ez badago edo etxebizitza guztiak esleitu barik itxaron-zerrenda amaitzen bada, Lurralde Antolamendu, Etxebizitza eta Ingurugiro Sailean erroldatuta dauden eskatzaileen artean aukeratuko dira etxebizitzen erosleak, baldin eta eskabideek Plegu honetan araututako baldintza guztiak betetzen badituzte. Horretarako, etxebizitzak hutsik daudela jakinarazi besterik ez du egin behar, eta Plegu honetan ezarritako eskakizunak betetzen dituzten eskabideak aurkeztu ahala esleituko dira.
Nolanahi ere, etxebizitzarik ez dagoela jendaurrean jarri baino lehen, eskabiderik ez dagoela edo sustapen honetarako sortutako zerrenda agortu egin dela egiaztatu beharko da Finantza Plangintza eta Kudeaketarako Zuzendaritzaren aurrean.
Zazpigarrena.– Ordezko arauak.
Plegu honetan aurreikusten ez diren guztietarako honakoak erabiliko dira: uztailaren 30eko 212/1996 Dekretua, Gizarte-etxebizitzei buruzko finantza-neurriak eta araubide juridikoa finkatzen dituena, eta Lurralde Antolamendu, Etxebizitza eta Ingurugiro sailburuaren 1997ko azaroaren 12ko Agindua, Euskal Autonomia Erkidegoko Administrazioaren jabetzako gizarte etxebizitzak esleitzeko modua finkatzen duena.
II. ERANSKINA
GERNIKA-LUMOKO UDALERRIKO
SANTA LUCÍA EREMUAN BABES
OFIZIALEKO 76 ETXEBIZITZAREN ITUNPEKO SUSTAPENAREN EROSLEAK ONARTZEKO
BALDINTZEN PLEGUA.
Lehenengoa.– Baldintzak.
Ondoren aipatzen diren pertsona naturalek eskatu ahal izango dituzte etxebizitzak, bai bakarka bai jadanik egon dauden edo geroko batean egongo diren elkarbizitza-unitateetan, baldin eta ondoren azaltzen diren baldintzak betetzen badituzte:
1.– Etxebizitzarik eza.
Etxebizitza eskatzen duen elkarbizitza-unitateko kide guztiei dagokienez, agindu hau argitaratzen den egunaren aurre-aurreko bi urteetan jabetzapean, azalera eskubidepean edo gozamenpean etxebizitzarik ez dutela izan egiaztatu beharko dute eskatzaileek, eta egoera horretan egon beharko dute etxebizitza hauen esleipena eratu artean.
2.– Diru-sarrerak
1997. urteko lanbidearteko gutxieneko lansaria (932.820 PTA) halako 5,5etik beherakoak izango dira 1997. urtean irabazitako urteko diru-sarrera haztatuak.
3.– Egoitza.
Espedientean interesdun diren udalerrietako batean eten barik urtebetean gutxienez bizi izan direla egiaztatu beharko dute interesdunek. Epe hori agindu hau argitaratzen denean hasiko da.
Espediente honetan interesdun diren udalerriak honakoak dira:
Bermeo
Gernika-Lumo
Lekeitio
Markina-Xemein
Ondarroa
Ajangiz
Amoroto
Arratzu
Aulesti
Berriatua
Busturia
Ea
Elantxobe
Ereño
Errigoiti
Etxebarria
Forua
Gautegiz Arteaga
Gizaburuaga
Ibarrangelu
Ispaster
Kortezubi
Mendata
Mendexa
Morga
Mundaka
Munitibar-Arbatzegi Gerrikaitz-
Murueta
Muxika
Nabarniz
Sukarrieta
4.– Etxebizitza baten esleipenduna eta finantza neurrien onuraduna ez izatea.
Agindu hau argitaratzen den egunaren aurre-aurreko hamar urteetan, jabetzapean zein azalera eskubidepean, gizarte-etxebizitzaren edo itunpeko sustapeneko etxebizitzaren onuraduna ez dela izan egiaztatu beharko da bai eta Eusko Jaurlaritzako Lurralde Antolamendu, Etxebizitza eta Ingurugiro Sailak etxebizitza eskuratzeko eskaintzen dituen neurrien onuraduna ez dela izan ere.
Bigarrena.– Eskabideak.
Lurralde Antolamendu, Etxebizitza eta Ingurugiro Sailak etxebizitza-eskabideak jasotzeko duen Erroldan eskabidea aurkeztu ez dutenek hilabeteko epean eskatu beharko dute Erroldan sartzea. Euskal Herriko Agintaritzaren Aldizkarian agindu hau argitaratzen den egunaren biharamunean hasiko da epe hori.
Lurralde Antolamendu, Etxebizitza eta Ingurugiro Sailean eskura daitekeen eredu ofizialari jarraituz beteko dira eskabideak eta Saileko Bizkaiko Lurralde Ordezkaritzan aurkeztuko, beti ere Plegu honetan eskatutako betekizunak egiaztatzen dituzten agiriekin batera.
Eske-idazkiak aurkezteko epea amaitu eta hiru hilabete geroago berariazko ebazpenik eman ez bada, eskabidea ezetsi egin dela ulertuko da.
Hirugarrena.– Gordetzekoak.
Esleitu beharreko etxebizitzetatik honako hauek gordeko dira:
– 3 etxebizitza, grpil-aulkia behar duten elbarrientzat egokituak.
– 3 etxebizitza, adin txikiko umeak ardurapean dituzten emakumeentzat edo guraso bakarreko unitateentzat.
– 46 etxebizitza, 35 urtetik beherako bizikideak dituzten elkarbizitza unitateentzat.
Laugarrena.– Onartutako eta baztertutakoen zerrendak.
1.– Eskabideetan agertutako inguruabarrak benetakoak direla egiaztatu ostean, Lurralde Antolamendu, Etxebizitza eta Ingurugiro Saileko Bizkaiko lurralde ordezkariak ebazpen baten bidez finkatuko ditu onartutako eta baztertutako eskatzaileen zerrendak.
Zerrendak Bizkaiko Lurralde Ordezkaritzako iragarki oholean jarriko dira jendaurrean, hamabost eguneko epean. Eskatzaileek, zerrendak jendaurrean jartzeko epea amaitzen den egunaren biharamunetik hasita, hilabeteko epea izango dute zerrendak onartzen dituen ebazpenaren aurka gora jotzeko errekurtsoa aurkezteko, betiere Lurralde Antolamendu, Etxebizitza eta Ingurugiro sailburuari zuzenduta.
Agindu hau argitaratu eta hiru hilabete geroago berariazko ebazpenik eman ez bada, errekurtsoa ezetsi egin dela ulertuko da.
2.– Aurkeztutako errekurtsoak ebatzi ostean, lurralde ordezkariak prozeduran onartutakoen eta bertatik baztertutakoen zerrendak gauzatuko ditu. Zerrenda hauek irmoak izango dira administrazio bidean, eta beren aurka ezin izango da administrazio errekurtsorik aurkeztu. Zerrenda hauek aurreko paragrafoan adierazitako modu berean jarriko dira jendaurrean.
Bosgarrena.– Esleipena.
Etxebizitzen esleipendunak aukeratzeko modua zozketa izango da, notario baten aurrean. Horretarako eguna eta tokia Lurralde Antolamendu, Etxebizitza eta Ingurugiro Sailak zehaztuko ditu, Euskal Autonomia Erkidegoko Administrazioaren jabetzako gizarte etxebizitzak esleitzeari buruzko Eusko Jaurlaritzako Lurralde Antolamendu, Etxebizitza eta Ingurugiro sailburuaren 1997ko azaroaren 12ko Aginduaren 11. artikuluko 2. eta 3. idatz-zatietan adierazitakoaren arabera.
Aukeratutakoen zerrenda eta zain gelditzen direnen zerrenda onartzen dituen ebazpena aurreko klausulan adierazitako modu berean argitaratuko da eta, bere aurka, berraztertzeko errekurtsoa aurkeztu ahal izango da, lurralde ordezkariari zuzenduta.
Seigarrena.– Eskabiderik ez badago.
Eskabiderik ez badago edo etxebizitza guztiak esleitu barik itxaron-zerrenda amaitzen bada, Lurralde Antolamendu, Etxebizitza eta Ingurugiro Sailean erroldatuta dauden eskatzaileen artean aukeratuko dira etxebizitzen erosleak, baldin eta eskabideek Plegu honetan araututako baldintza guztiak betetzen badituzte. Horretarako, etxebizitzak hutsik daudela jakinarazi besterik ez du egin behar, eta Plegu honetan ezarritako eskakizunak betetzen dituzten eskabideak aurkeztu ahala esleituko dira.
Nolanahi ere, etxebizitzarik ez dagoela jendaurrean jarri baino lehen, eskabiderik ez dagoela edo sustapen honetarako sortutako zerrenda agortu egin dela egiaztatu beharko da Finantza Plangintza eta Kudeaketarako Zuzendaritzaren aurrean.
Zazpigarrena.– Ordezko arauak.
Plegu honetan aurreikusten ez diren guztietarako honakoak erabiliko dira: uztailaren 30eko 212/1996 Dekretua, Gizarte-etxebizitzei buruzko finantza-neurriak eta araubide juridikoa finkatzen dituena, eta Lurralde Antolamendu, Etxebizitza eta Ingurugiro sailburuaren 1997ko azaroaren 12ko Agindua, Euskal Autonomia Erkidegoko Administrazioaren jabetzako gizarte etxebizitzak esleitzeko modua finkatzen duena.