Euskal Herriko Agintaritzaren Aldizkaria

12. zk., 1999ko urtarrilaren 19a, asteartea

Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da

Iragarpenak

Arabako Foru Aldundia

250

IRAGARPENA, 1998ko azaroaren 18ko 839 zenbakiko Foru Aginduarena. Iruña Okako udalerriko Plangintzako Arau Subsidiarioen berrikuskaketa espedienteari dagokio Foru Agindua.

Hirigintza, Arkitektura eta Ingurugiro Saileko foru diputatuak Foru Agindua eman du, horren agintze zatia jarraian argitaratzen da:

«Lehenengoa.– Iruña Okako Arau Subsidiarioei berrikuskaketa espedientea behin betiko onestea ondorengo baldintzekin:

I.– SISTEMA OROKORRAK

A) Zaballako komunitate ekipamendu orokorraren sistema orokorra deskalifikatzea, lur horiek dagozkien zoru eta urbanizagarriaren guneetan sartuz.

B) Agiri idatzitan eta grafikoetan lokalen sistema orokorrak zehatz-mehatz, zehaztasunez bereiztea, lehenengoetan udal komunitate osoari zerbitzua emango dizkioten haiek bakarrik sartuz.

II.– ZUZENEKO ANTOLAMENDUKO ETXEBIZITZA HIRI ZORUA.

A) Espazio libreen sistema lokal bezala kontsiderazio hori izateko beharrezko baldintzak bere ezaugarriegatik betetzen dituzten lurrak bakarrik kalifikatzea.

B) R1-LN zonaren erregulazioa osatzea:

* Berari atxikitako lurrak zehaztasunez mugatuz.

* 213.1 atalean lursail eraikigarri txikieneko parametroa sartuz.

C) 213.1 (Zona R1-LN); 213.2 (Zona R2 Nanclares); 214.1 (Zona R1 Villodas); 214.2 (Zona R2 Villodas); 215.1 (Zona R1 Trespuentes); 216.1 (Zona R1 Montevite); 217.1 (Ollávarreko Zona R1) atalak zuzentzea:

1.– Etxebizitza bakoitzeko (edo mota eraikigarri bakoitzeko) lursailaren, eta eraikuntzaren alboko eta hondoko mugetarako aldearen neurri-parametroak erantsiz.

2.– Lursailkaketa unitate txikienari dagokion atalaren hirugarren paragrafoa kenduz.

3.– «Lerrokapenak» dagokion atalean, planoetan jartzen den eraikuntzarena ez dela finkoa, handiena baizik zehaztuz.

4.– «Eraikigarritasuna» dagokion atalaren sotoen, erdisotoen eta estalkitarteen hedadura eraikigarria kontatzeko modua kenduz.

5.– «Lursail eraikigarri txikiena» izeneko atalean azken bi paragrafoetan araututako salbuespena, bere neurri eskasagatik, izaera orokorrez jarritako mugetarako aldeak errespetatzea ezinezko den lursail haietan izango dela bakarrik aplikagarri zehaztuz.

D) 213.22, 214.8, 215.1, 216.3 eta 217.5 ataletan (gaur egun hiri zoruan dauden abeltzaintza instalazioei dagozkienak) azaltzen diren abeltzaintza jardueren (orokorra eta autokontsumokoa) definizioak kentzea eta gainerako aginduak aipatutako instalazioetan kokatzen diren hiri gune haien atal berezietara aldatzea.

III.– BIDALITAKO PLANGINTZAKO ETXEBIZITZA HIRI ZORUA.

A) Nanclaresko R3 zonari dagokion 213.3 atalean:

1.– Populazio dentsitateari (etxebizitza kopurua) dagokion parametroa sartzea.

2.– Lerrokapenen eta lagapenen eta urbanizatze parametroak kentzea.

B) Nanclaresko R1-LS zona zehatz-mehatz kalifikatzen duen NO7 planoan, egiterapen zenbait azpizona eta unitateen mugak xehetasunez definitzea.

C) 213.3 (Nanclaresko Zona E3) 213.10 (UA N1), 214.3 (Zona UA-V1), 214.4 (Zona UA-VBAR) atalen «Eraikigarritasuna» parametroari dagokion atalean, sotoen, erdisotoen eta estalkitarteen hedadura eraikigarria kontatzeko modua kentzea.

D) Behin betirako onestutako xehetasunezko estudioan dagoen UA-N1 Zonaren antolamendu zehatza eranstea.

E) 214.3 (Zona UA-U1), 214.4 (Zona UA-VGAR) eta 216.2 (Zona UAM1) ataletan:

1.– «Xehetasunezko estudioa» dioen lekuan, «barne berrikuntzako plan berezia» esan beharko du.

2.– Barne berrikuntzako plan bereziak prestatzeko epea jartzea, epe hori ezin izango da 8 urtetik gorakoa oraingo Arau hauek behin betiko onesten direnetik kontatzen hasita.

IV.– ZORU URBANIZAGARRIAK

A) 213.19 (SAU N1), 213.20 (SAU N2), 213.21 (SAU N3), 214.5 (SAU U1), 215.2 (SAU T1), 217.2 (SAU O1) y 217.3 (SAU O2) atalen «Eraikigarritasuna» parametroari dagozkion ataletan sotoen, erdisotoen eta estalkitarteen hedadura eraikigarria kontatzeko modua kentzea.

B) Aurreko ataletan plan partzialak prestatzeko epe handiena jartzea, epe hori ezin izango da zortzi urtetik gorakoa Arau hauek behin betirako onesten direnetik hasita kontatuta.

C) Subillabide industria sektoreari dagokion 214.6 atalean:

1.– 214.6.1 atalean bigarren paragrafoa kentzea.

2.– Zadorra Ibaiaren, eraikuntzara 30 metroko eta urbanizaziora 15 metroko, bi babespen zirrinda jartzea, Urbanizatzeko Zoru Egokiaren mugetan.

V.– ZORU EZ URBANIZAGARRIA.

A) Nafarroa Txikia errepidearen eremua Zoru ez urbanizagarriaren zona berezia bezala jasotzea.

B) Arauteriari Arabako Lurralde Historikoko Plangintzako Arau Subsidiarioen 22 atala eta 21 atalaren parametroak eranstea.

VI.– BIDE KOMUNIKABIDEEN SISTEMA OROKORRA. ERREPIDEAK.

A) 201 eta 220 ataletan (Bide Komunikabideak. Errepideak) izenekoen Babespen Zona definitzea, Errepideei buruzko Foru Arauaren 40 atalean xedatzen denarekin bat.

B) 220 atala zuzentzea:

1.– Babespen gunetarako Errepideei buruzko Foru Arauan jarritako eraikuntza erabilerak eta jarduerak baimenduz, aipatutako Arauaren 38, 39 eta 40 atalean agindutakoaren aurka doazenak debekatuz.

2.– Zerbitzuguneei dagozkien aurreko erabilera eta jardueren hirigintza parametroak jarriz, 320/94-C eta E agindu zirkularrean daudenekin bat.

C) Agiri grafikoetan bide komunikabideen babespen guneak aurkeztea aurreko A atalean jarritako irizpidearen arabera.

D) Dagozkien planoetan Nanclaresko saihesbiderako erreserba lurrak grafiatzea.

E) Zoru urbanizagarri eta ez urbanizagarrietan eraikuntza lerroak jartzea Errepideei buruzko Foru Arauaren 42 atalarekin bat.

F) Ondorio guztietarako N1rekin N-102 errepidearen elkartzea autobia bezala hartzea.

G) N1tik etorkizuneko Subillabide Sektorerako zuzeneko sarbideak eraikitzea debekatzea, gaur egun dauden elkartzeetan datozen errepideen bidez egin behar delarik.

VII.– UREN GAIA

A) Udalerriko urbideen zati bat ere estaltzen ez uztea.

B) Azken hamar urte hauetako uholde arrunt handienaren puntutik (gutxienez) 5 metroko zirrinda bat libre uztea.

C) Lurraren gainerakoan eta edozein elementu eraiki aurretik, 500 urtetarako (hiri guneetan) edo 100 urtetarako (gainerakoan) uretorrien ikasketa hidrauliko bat eskatzea, itzul-denbora horietarako urpetu daitezkeen guneetan eraikuntzarik ez dadila jaso lortuz.

VIII.– ONDASUN HIGIEZINEN KULTUR ONDAREAREN BABESPENA.

A) 220.4 atalari 67.5 atalean seinalatutako eraikin katalogatu bakoitzean baimendutako eraikuntza eskuhartzeak erantsi.

B) Proposatutako Katalogoa berrantolatzea, honekin batera doan Eranskinean dauden arkitektura intereseko elementuen zerrendarekin bat etor dadila eraginez.

C) Euskal Herriko Lurraldeko Antolamendu Batzordeak emandako informearekin bat:

1.– I. Eranskinean azaltzen diren, Iruña Okako udalerriko arkitektura intereseko elementuak Monumentu bezala aitortuak edo bere aitorpena egiteko hasitako espedientearekin jasotzea, dagozkien babespen erregimenetan seinalatzen diren babespen eta mugekin.

2.– Euskal Kultur Ondareari buruzko 7/1990 Legearen 36 atalaren aipamena sartzea, Arau Subsidiarioen ondare katalogatuaren kontserbatze neurrien artean.

3.– Arau Subsidiarioen ataletan 189/1990 Dekretuaren aipamena 214/1996 Dekretuarekin ordezkatzea.

4.– Iruña Okako Oppiduma Ondasun Kalifikatuentzat Lege horrek jartzen duen babespen eta erabakiei lotua dagoela seinalatzea.

5.– Iruña Okako udalerriko arkeologia intereseko aztarnategiak eta elementuak sartzea, II. Eranskinean seinalatzen diren babespen eta mugekin eta III. Eranskinaren kokamen planimetrikoarekin.

IX.– ARAUTERIAREN GAI PUNTUALAK

A) 1.3; 8; 15; 16; 48.3; 48.7; 67.5; 82; 83; 84; 85; 86; 89; 90; 91; 92; 93; 97; 109; 136; 143; 200.2; 201.2; 206; 207; 208; 209; 210; 211 eta 218 atalak kentzea.

B) 32, 33, 34 eta 35 atalak kentzea, Euskal Herriko Ingurugiroaren babespenari buruzko 3/1998 Lege Orokorra aipamen orokor batez ordezkatuz.

C) 137tik 170 ataletan (hirigintza eta eraikuntza parametroei dagokienak) aurkitzen diren definizioak VII. Tituluan «Zenbait guneen baldintza bereziak» erabilitako irizpideei egokitzea.

D) 219 atalaren edukia (epigrafea aldatuz) Zoru ez urbanizagarriaren zenbait gune desberdinen definizioari mugatu.

E) 95 atalean «9/1989 Legearen ....III Tituluaren ....» dioen lekuan, «indarreango hirigintza arauteriaren ....» esan behar du.

F) 200.1 atalean «Kudeaketa Erregelamenduaren 197. atala ...» dioen lekuan, «indarreango hirigintza arauterian ....» esan behar du.

G) 197 atalean aipatutako eraikuntzaren kalitateari buruzko araudi eta oinarrizko arau eta sektore guztiak kentzea.

H) 114.2 atalean honakoak kentzea:

– P.2.2. ataleko azken lau paragrafoak.

– P.2.3. ataleko azken bost paragrafoak.

– P.2.4. ataleko azken hiru paragrafoak.

– P.2.5. ataleko bi paragrafoak.

Bigarrena.– Aipatutako hutsuneak ez dira funtsezkoak, horregatik horiek behin zuzendu ondoren, espedientea Foru Aldundi honetara, hiru hileko epearen barne, jendaurrean berriz jarri beharrik gabe, itzuli beharko da, bere bateratze-indarra aitortzeko eta argitaratzeko eta eginbidetzeko helburuz.

Hirugarrena.– Oraingo hau Euskal Herriko Agintaritzaren Aldizkarian eta Araba Lurralde Historikoaren Aldizkari Ofizialean argitaratzea.

Administrazio bidean behin betikoa den oraingo Ebazpen honen aurka, formazko adierazpena egiten den egunetik kontatzen hasi eta bi hileko epean Euskal Herriko Auzitegi Nagusiko Administrazio-Auzibide Salaren aurrean, administrazio-auzibide errekurtsoa tartejarri ahal izango da, Administrazio-Auzibide Jurisdikzioaren Lege Erregulatzailearen 37 eta 58 atalei buruz, Herri-Administrazioko Lege-Jaurbideari eta Guztientzako Administrazio-Jardunbideari buruzko 30/1992 Legearen 109 c atalean aurreikusitakoaren arabera. Guzti hori, iruditzen zaion beste edozein errekurtso erabili dezakeela kaltetan gabe.

Era berean, aipatutako 30/1992 Legearen 110.3 atalean agindutakoaren arabera, Foru Agindu honen aurkako Administrazio Auzibide Errekurtsoa jartzeak, legezko izaeraz, agindua eman duen Organo berari aurretik jakinaraztea eskatzen du.

Hirigintza, Arkitektura eta Ingurugiro Saileko foru diputatua,

AVELINO FDEZ. DE QUINCOCES MENDIETA.

Azterketa dokumentala