Euskal Herriko Agintaritzaren Aldizkaria

216. zk., 1998ko azaroaren 12a, osteguna

Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da

Bestelako Xedapenak

Hezkuntza, Unibertsitate eta Ikerketa Saila

5077

AGINDUA, 1998ko urriaren 1ekoa, Hezkuntza, Unibertsitate eta Ikerketa sailburuarena, Urnietako (Gipuzkoa) «Urnieta» Bigarren Hezkuntzako Institutuaren berariazko izena aldatzeko dena.

Urnietako (Gipuzkoa) «Urnieta» Bigarren Hezkuntzako Institutuaren berariazko izena aldatzeko aurkeztu den proposamena aztertu da. <P ALIGN="JUSTIFY">Horren espedienteari Hezkuntzako Gipuzkoako Lurralde Ordezkaritzak egin dizkio izapideak eta indarrean dauden arauek eskatzen dituzten agiriak erantsi zaizkio.

Gai horretan erabili beharreko legegintza ikusi ondoren, hau ERABAKI DUT:

Atal bakarra.– Urnietako udalerrian (Gipuzkoa) dagoen eta 20008817 kode-zenbakia duen «Urnieta» Bigarren Hezkuntzako Institutuaren berariazko izenaren aldaketa onartzea; «Egape Ikastola» deituko da aurrerantzean.

AZKEN XEDAPENA

Bakarra.– Agindu honen aurka administrazioarekiko auzi-errekurtsoa jarri ahal izango da Euskal Herriko Auzitegi Nagusian, Euskal Herriko Agintaritzaren Aldizkarian argitaratzen den egunaren biharamunetik hasita bi hilabeteko epean.

Vitoria-Gasteiz, 1998ko urriaren 1a.

Hezkuntza, Unibertsitate eta Ikerketa sailburua,

INAXIO OLIVERI ALBISU.