Euskal Herriko Agintaritzaren Aldizkaria

207. zk., 1998ko urriaren 30a, ostirala

Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da

Bestelako Xedapenak

Jaurlaritzaren Lehendakariordetza

4874

17/1998 ERABAKIA, urriaren 15ekoa, Jaurlaritzaren Idazkaritzako eta Legebiltzarrarekiko Harremanetarako zuzendariarena, Euskal Autonomia Erkidegoko Administrazioan aldibatez zerbitzuak betetzeko langileak aukeratzeko irizpideei buruzko 1997ko maiatzaren 6ko akordioa aldatzen duen Jaurlaritzaren Kontseiluaren Akordioa argitaratzen duena.

Jaurlaritzaren Kontseiluak, 1998ko irailaren 29an izandako bileran, Ogasun eta Herri Administrazio sailburuaren proposamenez, Euskal Autonomia Erkidegoko Administrazioan aldibatez zerbitzuak betetzeko langileak aukeratzeko irizpideei buruzko 1997ko maiatzaren 6ko akordioa (1997ko maiatzaren 16ko EHAA) aldatzen duen Akordioa onartu ondoren beharrezkoa den publizitatea emateko

ERABAKI DUT:

Atal bakarra.– Jaurlaritzaren Kontseiluak 1998ko irailaren 29an hartutako Akordioa Euskal Herriko Agintaritzaren Aldizkarian argitaratzea. Euskal Autonomia Erkidegoko Administrazioan aldibatez zerbitzuak betetzeko langileak aukeratzeko irizpideei buruzko 1997ko maiatzaren 6ko akordioa aldatzen du akordio horrek eta erabaki honen eranskinean jasotzen da.

Vitoria-Gasteiz, 1998ko urriaren 15a.

Jaurlaritzaren Idazkaritzako eta Legebiltzarrarekiko Harremanetarako zuzendaria,

ENRIQUE LUCAS MURILLO DE LA CUEVA.

ERANSKINA

EUSKAL AUTONOMIA ERKIDEGOKO

ADMINISTRAZIOAN ALDIBATEZ ZERBITZUAK BETETZEKO LANGILEAK AUKERATZEKO

IRIZPIDEEI BURUZKO 1997KO

MAIATZAREN 6KO AKORDIOA ALDATZEN

DUEN AKORDIOA

Euskal Autonomia Erkidegoko Administrazioan aldibatez zerbitzuak betetzeko langileak aukeratzeko irizpideei buruzko 1997ko maiatzaren 6ko akordioa, 1998ko uztailaren 14ko akordioaren bidez aldatu egin zen.

Aldaketa honen bidez hasierako Akordioaren hirugarren ataleko g) idazatia kendu zen, Lanean Sartzeko eta Lanpostuak betetzeko Azpibatzordeak 1998ko martxoaren 2an izandako bileran Administrazioaren ordezkarien eta ELA eta UGT sindikatuetako ordezkarien artean adostutakoaren arabera.

Horren ondoren, langileen ordezkaritzarekin adostutakoaren ondorioz 1997ko maiatzaren 6ko Akordioaren laugarren atalaren seigarren idazatia egokitzea beharrezkotzat jo da, bestela, aldaketaren helburua, hots, interesa duten funtzionario edo kontratu finkodun langileak aldibateko zerbitzuak betetzean sarbidea izatea, ez bailitzateke beteko.

Aurrekoaren ondorioz, Ogasun eta Herri Administrazio sailburuaren proposamenez, eta aztertu ondoren, honakoa

ERABAKI DA:

Atal bakarra.–

Euskal Autonomia Erkidegoko Administrazioan aldibatez zerbitzuak betetzeko langileak aukeratzeko irizpideei buruzko 1997ko maiatzaren 6ko akordioaren laugarren ataleko 6 idazatia aldatzea, bere erredakzioa honela geratuko delarik:

«Laugarren atala: Lan-poltsen kudeaketa.

(...)

6.– HAEEk langilea hautatu ondoren, Erakunde horrek langileak datu pertsonalak Funtzio Publikoaren Zuzendaritzara bidaliko ditu. Interesatuek eskatzen diren betebeharren agiri kreditatzaileak aurkeztea beharrezkoa izango da.»