Euskal Herriko Agintaritzaren Aldizkaria

130. zk., 1998ko uztailaren 13a, astelehena

Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da

Agintariak eta Langileak

Osasuna

3196

1303/1998 ERABAKIA, ekainaren 1ekoa, Osakidetzako zuzendari nagusiarena, Gipuzkoako Osasun Barrutiko Gipuzkoa-Ekialdea Eskualdeko Giza-Baliabideen zuzendariaren lanpostua betetzeko Esteban Ruiz Alvarez jauna izendatzen duena.

Gipuzkoako Osasun Barrutiko Gipuzkoa-Ekialdea Eskualdeko Giza–Baliabideen zuzendariaren lanpostua betetzeko deialdia ikusi da. Deialdi hori zuzendaritza nagusi honen martxoaren 4ko 339/1998 Erabakiaren bitartez egin zen eta EHAAko 66. zenbakian argitaratu zen, 1998ko apirilaren 7koan, alegia.

Eskabideak aurkezteko epea amaitu da eta lanpostu horretan jarduteko hautagaiek agertu dituzten agiriak aztertu dira. Halaber, beren ezagutza tekniko eta profesionalak lanpostuari egokitzen direnentz aintzat hartu da, eta baldintza profesionalak curriculum vitae-n jasotako merezimenduen arabera baloratu dira.

Aurkeztutako agiriak ikusita, Esteban Ruiz Alvarez jauna deialdiko lanposturako egokia dela eta bertan jarduteko dohain egokiak dituela ikusi da.

Hori dela eta, Euskadiko Antolamendu Sanitarioaren ekainaren 26ko 8/1997 Legean eta Osakidetza Ente Publikoaren Estatutu Sozialak ezartzen dituen azaroaren 11ko 255/1997 Dekretuan xedatutakoaren arabera, zuzendaritza nagusi honek hau

ERABAKI DU:

Lehenengoa.– Esteban Ruiz Alvarez jauna Gipuzkoako Osasun Barrutiko Gipuzkoa-Ekialdeko Giza-Baliabideen zuzendari izendatzea.

Bigarrena.– Goi-zuzendaritzako kontratua formalizatzen den unean hartuko du indarra, ekonomikoa eta administratiboa, izendapen honek.

Hirugarrena.– Lansaria Eskualdeko Giza-Baliabideen zuzendariari dagokiona izango da, hots, orotara, urteko 5.542.096 PTA gordin, aplikatzekoa den araudian urtero onartzen diren kopuruen arabera.

Laugarrena.– Erabaki honen aurka errekurtso arrunta jarri ahal izango zaio Osakidetzako Administrazio Kontseiluari, erabakia Euskal Herriko Agintaritzaren Aldizkarian argitaratzen den egunean hasi eta hilabeteko epearen barruan.

Vitoria-Gasteiz, 1998ko ekainaren 1a.

Osakidetzako zuzendari nagusia,

LUIS HERNÁNDEZ SÁNCHEZ.