RSS
237. zk., 1997ko abenduaren 11, osteguna
- Bestelako formatuak:
- Testu elebiduna
Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da
Agintariak eta Langileak
Erandioko Udala
6164
IRAGARPENA, Kontabilitateko teknikariaren eta Errenta eta Jakinarazpen teknikariaren lanpostuak barne-igoera sitema bidez betetzeko oinarri-arauei buruzkoa.
Udalbatza Osoak, 1997ko azaroaren 20an izandako aparteko bilkuran ondorengo lanpostuak barne-igoera sistema bidez betetzeko erabiliko direno inarri-arauak onartu zituen:
– Kontabilitateko teknikaria
– Errenta eta jakinarazpen teknikaria
Guztiok jakinaren gainean egon zaitezten,
Erandioko Elizatea, 1997ko azaroaren 27a.
ALKATE-UDALBURUA.
ERANDIO ELIZATEKO UDALEAN BARNE-
IGOERAREN BIDEZ KONTABILITATEKO
TEKNIKARIA DERITZAN LANPOSTUA
BETETZEKO OINARRIAK
Lehenengoa.– Helburua.
Oinarri hauen helburua ondorengoa da: 1992ko irailaren 24an batzarraldi plenarioak onartutako mugikortasun eta barne-igoeraren bidez lanpostuak betetzeko Arautegi Erregulatzailean oinarritua, Erandioko Udalak barne-igoeraren bidez Kontabilitateko Teknikari lanpostua betetzeko baliabide batez hornitzea.
Bigarrena.– Izangaien baldintzak.
1.– Deialdi honetan, Erandio Elizateko Udalean karrerako funtzionarioak direnek parte hartu ahal izango dute, irmoki entenduak daudenak izan ezik, beren egoera administratiboa edozein delarik, beti ere eskatutako baldintza orokorrak eta deialdian zehaztutako baldintzak betetzen badituzte. Borondatezko lan-utzialdi egoeran daudenek, parte hartu ahal izateko gutxieneko epe bat beteta izan beharko dute.
2.– Bakoitzari dagokion Eskalako eta Eskalaordeako lanpostua betetzeko behin-behineko lantokia duten funtzionarioek parte hartu beharko dute deialdian.
3.– Behin-betiko lantokia duten funtzionarioek soilik azken lantokiko karguaz jabetzetik bi urte igaro badira parte har dezakete.
Hirugarrena.– Eskabideen aurkezpena.
1.– Hautapen-prozesuan parte hartzeko eskabideak, Udalbatzako Lehendakariari zuzenduak, Udaleko Erregistro Orokorrean edo azaroaren 26ko 30/1992 Legearen (Jardunbide Administratibo Amankomunekoaren) 38 artikuluak dioen bulegoetan aurkeztuko dira, lehian dagoen lanpostua betetzeko deialdia azken Aldizkari Ofizialean argitaratu eta biharamunetik aurrera 15 asteguneko epearekin.
2.– Eskabidearekin batera, hala badagokio, alegatutako merezimenduak kreditatzen dituzten agiriak azaldu beharko dira.
3.– Eskabideak aurkezteko epea amaitu ondoren, egindako eskaerak eskatzailearentzat behartze-indarrekoak izango dira.
4.– Eskatutako baldintzak betetzeko eta alegatutako merezimenduak dituela azaltzeko erreferentzi data eskabideen aurkezte-epea amaitzen den egunekoa izango da.
Eskabideak aurkezteko epea amaitu ondoren, Alkatetza-Lehendakaritzak, 7 egunen barruan, onartutako eta baztertutako izangaien behin-behineko zerrendaren ebazpena argitaratuko du Udaleko Iragarki-Oholean eta hutsak zuzentzeko beste 7 eguneko epea emango da. Azken epe hau igaro ondoren, behin-betiko zerrenda egingo da.
lehiaketa-oposizioa.
Seigarrena.– Baloratuko diren lehiaketa-merezimenduak ondorengoak dira:
Lanpostua bereganatzeko merezimenduen balorazioa egingo da ondorengo baremoari jarraiki:
1.– Maila pertsonalaren balorazioa.– Maila pertsonala edukitzeagatik ondorengo banaketaren arabera puntu bat emango da gehienez:
– Maila pertsonala eskatutako lanpostu-maila baino handiagoa: puntu bat.
– Maila pertsonala eskatutako lanpostu-mailaren berdina: 0,5 puntu.
– Maila pertsonala eskatutako lanpostu-maila baino txikiagoa: 0,25 puntu.
2.– Antzinatasuna.-
– Administrazio Publiko desberdinetan hautatzen den postuaren Talde, Eskala, Eskalaorde eta beharrezko titulazio berdinera atxikitako lanpostuetan urte oso bakoitzeko zerbitzualdiagatik: 0,30 puntu, 2 puntu arte gehienez.
– Administrazio Publikoetan hautatzen den postuaren Talde berdinean baina Eskala, Eskalaorde eta titulazio desberdineko lanpostuetan urte oso bakoitzeko zerbitzualdiagatik: 0,20 puntu, 1,5 puntu arte gehienez.
– Administrazio Publiko desberdinetan hautatzen denaren azpiko Taldera atxikiak dauden lanpostuetan urte oso bakoitzeko zerbitzualdiagatik: 0,10 puntu, 0,5 puntu arte gehienez.
Karrerako funtzionarioei dagokienez, puntu hauek lortzeko karrerako funtzionarioa izateagatik espreski ezagutuak dituen zerbitzuen aurrekoak hartuko dira kontuan. Ez dira kontuan hartuko alegatutako beste zerbitzu batzuekin batera egindako zerbitzu berdinak, ezta urte zatiak ere.
3.– Prestakuntza eta trebakuntza ikastaroak.
a) HAEEak, INAPak eta IEAPak antolaturiko ikastaroez gainera, Unibertsitateek, Autonomia Erkidegoetako Hezkuntza Sailek edo Hezkuntza Ministeritzaren ardurapean dauden ikastetxeek eta beste erakunde ofizialek (Sailek, Ministeritzek, Merkatari-Ganbarek, Elkargo Ofizialek, etab.ek), bakarrik edo elkarlanean, antolatutakoak baloratuko dira, beti ere Erakunde hauek joate- edo irakaste-ziurtagiria ematen badute.
– Soilik eskatutako lanpostuan aritzeko zerikusi zuzena duten prestakuntza eta trebakuntza ikastaroak baloratuko dira eta diplomen edo/eta joate-ziurtagirien edo/eta, hala badagokio, aprobetxamendu-ziurtagirien bidez egoki kreditatuak daudenak.
– 2 puntu emango dira gehienez ondorengo moduan banatuak:
– 10 ordutik 20 ordurainoko ikastaroak: 0,10 puntu.
– 20 ordutik 30 ordurainoko ikastaroak: 0,20 puntu.
– 30 ordutik 100 ordurainoko ikastaroak: 0,30 puntu.
– 100 ordutik gorakoak: 0,50 puntu.
– Akademia pribatuek emandako ikastaroak ez dira baloratuko. – Unibertsitateek edo bestelako Erakunde Ofizialek emandako masterrak prestakuntza eta trebakuntza ikastaro bezala onartuko dira.
b) Goi mailako titulazioak
– Lanpostura hautatzeko eskatutako tituluaz gainera, beste titulu akademiko batzuk edukitzeagatik gehienez 2 puntu emango dira ondorengo baremoarekin:
– Goi mailako unibertsitate-titulua: puntu 1.
– Erdi mailako unibertsitate-titulua edo unibertsitate-diplomatua: 0,75 puntu
– Goi mailako batxiler titulua edo LH-2: 0,5 puntu.
Unibertsitate-titulua egiaztatzen dutenek ez dute goi mailako batxilergo titulua edo LH-2 edukitzeagatik punturik jasoko.
Titulu bakoitzeko ezarritako puntuazioa emango da, gehienezkoa gainditu gabe.
4.– Egindako lanaren balorazioa. Egun betetzen ari den lanpostuaren lantoki-osagarriaren mailagatik gehienez puntu bat emango da ondorengo banaketarekin:
– Lehian dagoen lanpostu-maila baino goragokoan aritzeagatik: puntu 1.
– Lehian dagoen lanpostu-maila berdinean aritzeagatik: 0,75 puntu.
– Lehian dagoen lanpostu-maila baino bat edo bi maila txikiagotan aritzeagatik: 0,25 puntu.
Lanpostu ezabapenagatik, kargu uzteagatik edo kentzeagatik behin-behineko lantokia betetzen ari diren funtzionarioentzat balorazioa betetzen zuten postuan oinarrituko da.
5.– Pareko lanetan esperientzia.
– Administrazio Publikoetan iragarritako lanpostuaren ezaugarri berdineko zerbitzuak egiteagatik: urte oso bakoitzeko edo 6 hilabete baino gehiagoko zati bakoitzeko 0,5 puntu, gehienez 3 puntu arte.
6.– Euskararen ezaguera.
Beti ere lehian dagoen lanpostuak derrigortasun-data jarrita ez badu, baremoa ondorengoa izango da:
– 4. hizkutz eskakizuna: 7,6 puntu.
– 3. hizkutz eskakizuna: 5,7 puntu.
– 2. hizkutz eskakizuna: 3,8 puntu.
– 1. hizkutz eskakizuna: 1,9 puntu.
Merezimendu hauek guztiak dagozkien ziurtapenen, egiaztagirien edo onartua dagoen beste bitarteko baten bidez dokumentalki kreditatuak izango dira. 4. eta 5. epigrafeak baloratzeko aurkeztutako merezimenduak hala izango dira lanpostua betetzeko hautapen-prozesua eman bada. Euskararen ezaguera egiaztatzeko berariazko frogak ospatu ahal izango dira.
Oposizio ariketak ondorengoak izango dira:
Lehenengo ariketa.– Teoriko-idatzizkoa.– Deialdi honi erantsitako ikasgai-zerrendan oinarrituta, ausaz ateratako gai orokor bat garatuko da idatziz 2 ordutan. Izangaiek gaia azaltzeko askatasun osoa dute. Ariketa honetan, besteak beste, unibertsitate-prestakuntza orokorra, argitasuna eta ideien ordena, deskribatutako azalpenaren erraztasuna, izangaiaren ekarpen pertsonala, laburpen ahalmena eta azaldutako edukiak baloratuko dira.
0tik 10 puntura bitartean baloratuko da eta gainditzeko gutxienez 5 puntu lortu beharko dira.
Bigarren ariketa.– Praktiko-idatzizkoa.– Epaimahaiak ariketa hasi aurretik emandako bi suposizio praktikoetan oinarrituta, gehienez hiru ordutan ebazpen-proposamena jasotzen duen txosten bana idaztean datza. Ariketa honetan arrazoiketa ahalmena, planteamenduan sistematika eta ondorioen formulazioa eta baliozko arautegiari buruzko ezaguera eta interpretazio egokiak baloratuko dira nagusiki.
0tik 10 puntura bitartean baloratuko da eta gainditzeko suposizio bakoitzeko gutxienez 5 puntu lortu beharko dira.
Hirugarren ariketa.– Elkarrizketa pertsonala.– Lanpostuari dagozkion funtzioak betetzeko izangaiek duten ahalmen eta trebakuntza pertsonala hautemateko hautagaiek Epaimahai Kalifikatzailearekin elkarrizketa bat izatean datza.
0tik 5 puntura bitartean baloratuko da.
Zazpigarrena.– Hautapen-Batzordea - Epaimahai Kalifikatzailea.
1.– Merezimenduen balorazioa eta puntuazio handien lortzen duen eskatzailea lanpostuaz jabetzeko proposamena ondorengoek osatutako Hautapen-Batzordeak egingo du:
Lehendakaria: Udalbatzakoa edo honek izendatzen duen Udalbatzako kidea.
Mahaikideak: Udalbatzan dauden alderdi politikoen proposamenez Alkatetzak izendaturiko korporaziokide bat.
Titulazio berdineko edo handiagoko Udaleko karrerako funtzionario bat.
HAEEak izendatutako kide bat.
Langileen ordezkariek izendatutako kide bat.
Idazkaria: Udalbatzakoa edo honek izendatzen duen funtzionarioa.
Batzordeko kideek iragarritako lanpostu-taldean eskatutako titulazio-maila berdina edo handiagoa izan beharko dute, Euskal Funtzio Publikoaren Legeak 31.2 artikuluan xedatuaren arabera. Epaimahaian botorik ez baina hitza bai izango duen ordezkari bana izenda dezakete udalean ordezkaritza duten alderdi politikoek.
Izatekotan, HAEEak izendaturiko kide batek lagunduko dio epaimahaiari euskara-frogan.
2.– Batzordeak edo Epaimahaiak ezingo du ez osatu ez jardun gutxienez epaimahaikideen erdiak, titularrak zein ordezkoak, biltzen ez badira. 3.– Lanpostuaz jabetzeko proposamena guztira lortutako puntuazioaren arabera egingo da.
4.– Puntuazio berdinketa emango balitz, erabakitzeko Erandioko Udalean mugikortasun eta barne-igoeraren bidez lanpostuak betetzeko Arautegi Erregulatzaileak bere lehenengo azken xedapenak dionari kasu egingo zaio.
Zortzigarrena.– Deialdiaren ebazpena.
1.– Deialdi desberdinen ebazpena Udalbatzarrari dagokio, eskabideak aurkezteko eguna amaitu eta biharamunetik aurrera hiru hilabeteko epearekin.
2.– Deialdiaren ebazpena Udaletxeko edozein Iragarki-Oholean argituratuko da eta dagokienentzat jakinarazpen modura erabiliko da.
3.– Oinarri hauek arautzen duten lehiaketaren bidez lanpostua lortuko duten langileek karguaz jabetzetik bi urte igaro arte ezingo dute beste lehiaketa batean parte hartu.
4.– Esleitutako lanpostuak ukaezinak izango dira.
Bederatzigarrena.– Karguaz jabetzea.
Karguaz jabetzeko epea aurreko lanpostua uztetik aurrera zazpi astegunekoa izango da. Aurreko lanpostua uzteko lehiaketaren ebazpena Udaleko Iragarki-Oholean argitaratzetik aurrera lau astegunekoa izango da.
Hamargarrena.– Gorabeherak.
1.– Arautegi Erregulatzailean adierazitakoarekin bat, oinarri hauetan xedatu ez den kasuetarako Hautapen Batzordeak- Epaimahaiak bere eskukoa du sor daitezkeen zalantzak argitzeko eta hautapen-prozesuaren jarduera ona zaintzeko beharrezko diren erabakiak hartzea.
2.– Deialdiak eta hauetatik erator daitezkeen egintzak inpugnatu ahal izango dira Herri Administrazioen Araubidearen eta Administrazio Jardunbide Amankomuna arautzen duen Legean ezarritako moduan.
Hamaikagarrena.– Lanpostuaren deskribapena:
LANPOSTUAREN IZENA.-
Kontabilitateko Teknikaria
LANPOSTU-ZERRENDAN POSTU-KODEA.– 3012
ATXIKITA EGONGO DEN UNITATEA.-
Ogasuna
MENPEKOTASUNA.-
Kontuhartzaile nagusia
MENPEAN IZANGO DITUEN LANPOSTUAK
Aurrekontu eta kontabilitateko Ofizial Kontularia
Kontabilitate administrari laguntzaileak 1 eta 2
OINARRIZKO FUNTZIOA ETA EGINKIZUN NAGUSIAK.-
– Menpeko dituen langileen lana koordinatzea eta kontrolatzea.
– Kontuhartzailearen zuzendaritzapean, indarrean dagoen legediak agindutako urteko egoera eta kontuak prestatzea.
– Agiriak egiaztatzea, kontabilizatuak izan aurretik.
– Kreditu-gerakinak finkatzea.
– Udalak eskainitako zerbitzuen kostuak aztertzea
– Udalak emandako dirulaguntzen kontrola eta jarraipena.
– Udal zerbitzuen fiskalizazioa (San Jose egoitza, Udal Musika Eskola, Udal Euskaltegia, Kiroldegiak, e.a.)
– Kontuhartzailearen ordezkotza egitea hura ez dagoenean
– Ogasun, Finantza eta Ondare Arloko Batzordearen idazkariaren ordezkotza egitea hura ez dagoenean.
– Era berean, agintzen dizkioten eta postuan aritzeko eskatutako kualifikazioarekin bat datozen bestelako lan guztiak egingo ditu, bereziki Udalbatzako Idazkariak agintzen dizkionak.
TALDEA.– B ESKALA.– E
ESKATUTAKO TITULAZIOA.-
Zientzia Ekonomiko edo/eta enpresarialetan Diplomatu titulua izatea edo eta hura lortzeko eskubideak ordainduta izatea edo Zientzia Ekonomiko edo/eta enpresarialetako lizentziaturari dagozkion hiru ikasturte oso gaindituta izatea.
HIZKUNTZ ESKAKIZUNA ETA DERRIGORTASUN-DATA.
3. hizkuntz eskakizuna, derrigortasun data ezarri gabe.
LANTOKI-OSAGARRIAREN MAILA.– 21.
BERARIAZKO OSAGARRIA.– 1.350.874 PTA.
DEDIKAZIOA.– Bateraezintasuna.
GAI-ZERRENDA
1. gaia.– Tokiko Gorporazioen kontabilitatea (I). Hartzen dituen funtzioak. Zein organok gauzatzen duen eta zein den dagokion araubidea. 2. gaia.– Tokiko Gorporazioen kontabilitatea (II). Finantza-kontabilitatea eta aurrekontu-kontabilitatea. Tokiko Administraziorako kontabilitate irizpideak: udalerriko biztanleriaren araberako desberdintasunak. Kontabilitateko Plan Orokorra, Tokiko Administrazioari egokitua.
3. gaia.– Tokiko Gorporazioen kontabilitatea (III). Kontabilitateko liburu nagusia eta laguntzailea. Kontabilitate-agiriak
4. gaia.– Tokiko Gorporazioen kontabilitatea (IV). Kontabilitate-eragiketak. Eragiketak Sistemaren bestelako kontabilitate-egituretan. Merkataritzako eragiketen kontabilitatea.
5. gaia.– Sarreren eta gastuen kontabilitatea: kontzeptua eta xedeak. Aurrekontu aurrikuspenak: horien izaera. Aurrekontuaren egiterapena: Baimena. Erabilera. Eskubideak eta obligazioak ontzat ematea eta kitatzea. Sarreren bilketa eta gastuen ordainketa. Sarrera eta gastuei dagozkien espedienteen azterketa fiskala.
6. gaia.– Tokiko Gorporazioen kontabilitatea (V). Ibilgetuaren kontabilitatea. Aurrekontuz kanpoko diruzaintza-eragiketen kontabilitatea. Zergabiltzailetzako agenteen kontabilitateari aipamen berezia eginez. Araudia eta garapena.
7. gaia.– Ekitaldi amaiera Tokiko gorporazioetan. Aurrekontuaren kitapena. Agiriak. Emaitzak zehaztea. Diruzaintzako gerakin likidoa.
8. gaia.– Urteko egoera eta kontuak. Osatzea eta kontuematea. Urteko egoerei dagozkien eranskinak. Merkataritza Sozietateen kontuak. Entitatearen Plenorako, kudeaketa organoetarako eta bestelako entitate publikoetarako informazioa.
9. gaia.– Tokiko Gorporazioen ekonomia kudeaketaren fiskalizazioa (I). Barruko fiskalizazioa. Fiskalizatzeko organoak eta ihardunbideak.
10. gaia.– Tokiko Gorporazioen ekonomia kudeaketaren fiskalizazioa (II). Kanpoko fiskalizazioa. Herri-Kontuen Epaimahaiaren ihardunbideak.
11. gaia.– Toki Erakundeen Aurrekontua. Aurrekontu bakarraren printzipioa: horren esanahia. Aurrekontuaren egitua.
12. gaia.– Aurrekontua osatu eta onartzea. Aurrekontua egiteratzeko oinarria. Erreklamazioak eta errekurtsoak. Argitaratzea eta indarrean jartzea. Aurrekontuaren luzapena. Aurrekontuaren finkapena.
13. gaia.– Aurrekontuaren aldaketak eta horiek izapidetzea. Aurrekontuaren kitapena. Kreditu gerakina. Urteko egoerak eta kontuak
14. gaia.– Tokiko Erakundeen gastuak eta ordainketak. Gastuaren faseak. Aginpidea, deuseztapen kasuak eta debekuak.
15. gaia.– Kontuhartzeko funtzioa. Tokiko Erakundeen eta horien administrazio zerbitzuetako egintza ekonomikoen fiskalizazioa. Herri-kaudalen likidazio, bilketa, inbertsio eta aplikazio egintzen fiskalizazioa. Finantza arloan aholkularitza eta informazioa emateko betebeharra. Legezkotasunezko finantz-kontrola. Erakunde autonomoak eta tokiko elkarteak. Ikuskapen bidezko aldizkako kontrola. Kostuen analisia.
16. gaia.– Diruzaintza: kontzeptua, izaera eta funtzioak. Finantzen kudeaketa: plangintza, kudeaketa eta analisi kritikoa. Zergabiltzearen kudeaketa.
17. gaia.– Kontabilitatea barruko kontrola egiteko tresna. Kontabilitate publikoaren oinarrizko printzipioak. Tokiko erakundearen eta izaera administratiboa, merkatala, industriala zein finantzarioa duten haren erakunde autonomoen kontabilitateko araubidea. Tokiko erakundeen menpeko merkatal elkarteen kontabilitateko araubidea. Dirulaguntzak erabili izanaren ziurtatzea.
18. gaia.– Tokiko kontuen azterlaritza: Aurrerakinak. Konstituzioan eta indarreango legedian arautua. Ihardunbideak.
19. gaia.– 125/1992 Foru Dekretua, Bizkaiko Toki Erakundeen Kontabilitateari buruzko Jarraipidea onesten duena (I). Udal Administrazioaren kontabilitate-sistema. Agiriak eta liburuak.
20. gaia.– 125/1992 Foru Dekretua, Bizkaiko Toki Erakundeen Kontabilitateari buruzko Jarraipidea onesten duena (II). Kontabilitate-eragiketak.
21. gaia.– 125/1992 Foru Dekretua, Bizkaiko Toki Erakundeen Kontabilitateari buruzko Jarraipidea onesten duena (III). Eragiketak Sistemaren bestelako kontabilitate-egituretan. Eman beharreko egoera-orriak eta eskaini beharreko informazioa.
22. gaia.– 124/1992 Foru Dekretua, Bizkaiko Toki Erakundeen Aurrekontuei buruzko Araudia onesten duena (I). Printzipio orokorrak. Aurrekontu Orokorraren edukia. Aurrekontu Orokorraren egitura.
23. gaia.– 124/1992 Foru Dekretua, Bizkaiko Toki Erakundeen Aurrekontuei buruzko Araudia onesten duena (II). Aurrekontu Orokorren gartatze eta onarpena. Aurrekontu-kredituen araupide orokorra eta aldakuntzen araupidea. 24. gaia.– 124/1992 Foru Dekretua, Bizkaiko Toki Erakundeen Aurrekontuei buruzko Araudia onesten duena (III). Aurrekontu Orokorraren egiterapena. Aurrekontu Orokorraren kitapena. Aurrekontu Orokorraren luzapena. ERANDIO ELIZATEKO UDALEAN BARNE-
IGOERAREN BIDEZ ERRENTA ETA JAKINARAZPEN TEKNIKARIA DERITZAN LANPOSTUA
BETETZEKO OINARRIAK
Oinarri hauen helburua ondorengoa da: 1992ko irailaren 24an batzarraldi plenarioak onartutako mugikortasun eta barne-igoeraren bidez lanpostuak betetzeko Arautegi Erregulatzailean oinarritua, Erandioko Udalak barne-igoeraren bidez Kontabilitateko Teknikari lanpostua betetzeko baliabide batez hornitzea.
Bigarrena.– Izangaien baldintzak.
1.– Deialdi honetan, Erandio Elizateko Udalean karrerako funtzionarioak direnek parte hartu ahal izango dute, irmoki entenduak daudenak izan ezik, beren egoera administratiboa edozein delarik, beti ere eskatutako baldintza orokorrak eta deialdian zehaztutako baldintzak betetzen badituzte. Borondatezko lan-utzialdi egoeran daudenek, parte hartu ahal izateko gutxieneko epe bat beteta izan beharko dute.
2.– Bakoitzari dagokion Eskalako eta Eskalaordeako lanpostua betetzeko behin-behineko lantokia duten funtzionarioek parte hartu beharko dute deialdian.
3.– Behin-betiko lantokia duten funtzionarioek soilik azken lantokiko karguaz jabetzetik bi urte igaro badira parte har dezakete.
Hirugarrena.– Eskabideen aurkezpena.
1.– Hautapen-prozesuan parte hartzeko eskabideak, Udalbatzako Lehendakariari zuzenduak, Udaleko Erregistro Orokorrean edo azaroaren 26ko 30/1992 Legearen (Jardunbide Administratibo Amankomunekoaren) 38 artikuluak dioen bulegoetan aurkeztuko dira, lehian dagoen lanpostua betetzeko deialdia azken Aldizkari Ofizialean argitaratu eta biharamunetik aurrera 15 asteguneko epearekin.
2.– Eskabidearekin batera, hala badagokio, alegatutako merezimenduak kreditatzen dituzten agiriak azaldu beharko dira.
3.– Eskabideak aurkezteko epea amaitu ondoren, egindako eskaerak eskatzailearentzat behartze-indarrekoak izango dira.
4.– Eskatutako baldintzak betetzeko eta alegatutako merezimenduak dituela azaltzeko erreferentzi data eskabideen aurkezte-epea amaitzen den egunekoa izango da.
Laugarrena.– Izangaien onarpena.
Eskabideak aurkezteko epea amaitu ondoren, Alkatetza-Lehendakaritzak, 7 egunen barruan, onartutako eta baztertutako izangaien behin-behineko zerrendaren ebazpena argitaratuko du Udaleko Iragarki-Oholean eta hutsak zuzentzeko beste 7 eguneko epea emango da. Azken epe hau igaro ondoren, behin-betiko zerrenda egingo da.
Bosgarrena.– Hautapen-sistema: lehiaketa-oposizioa.
Seigarrena.– Baloratuko diren lehiaketa-merezimenduak ondorengoak dira:
Lanpostua bereganatzeko merezimenduen balorazioa egingo da ondorengo baremoari jarraiki:
1.– Maila pertsonalaren balorazioa.– Maila pertsonala edukitzeagatik ondorengo banaketaren arabera puntu bat emango da gehienez:
– Maila pertsonala eskatutako lanpostu-maila baino handiagoa: puntu bat.
– Maila pertsonala eskatutako lanpostu-mailaren berdina: 0,5 puntu.
– Maila pertsonala eskatutako lanpostu-maila baino txikiagoa: 0,25 puntu.
2.– Antzinatasuna.-
– Administrazio Publiko desberdinetan hautatzen den postuaren Talde, Eskala, Eskalaorde eta beharrezko titulazio berdinera atxikitako lanpostuetan urte oso bakoitzeko zerbitzualdiagatik: 0,30 puntu, 2 puntu arte gehienez.
– Administrazio Publikoetan hautatzen den postuaren Talde berdinean baina Eskala, Eskalaorde eta titulazio desberdineko lanpostuetan urte oso bakoitzeko zerbitzualdiagatik: 0,20 puntu, 1,5 puntu arte gehienez.
– Administrazio Publiko desberdinetan hautatzen denaren azpiko Taldera atxikiak dauden lanpostuetan urte oso bakoitzeko zerbitzualdiagatik: 0,10 puntu, 0,5 puntu arte gehienez.
Karrerako funtzionarioei dagokienez, puntu hauek lortzeko karrerako funtzionarioa izateagatik espreski ezagutuak dituen zerbitzuen aurrekoak hartuko dira kontuan. Ez dira kontuan hartuko alegatutako beste zerbitzu batzuekin batera egindako zerbitzu berdinak, ezta urte zatiak ere.
3.– Prestakuntza eta trebakuntza ikastaroak.
a) HAEEak, INAPak eta IEAPak antolaturiko ikastaroez gainera, Unibertsitateek, Autonomia Erkidegoetako Hezkuntza Sailek edo Hezkuntza Ministeritzaren ardurapean dauden ikastetxeek eta beste erakunde ofizialek (Sailek, Ministeritzek, Merkatari-Ganbarek, Elkargo Ofizialek, etab.ek), bakarrik edo elkarlanean, antolatutakoak baloratuko dira, beti ere Erakunde hauek joate- edo irakaste-ziurtagiria ematen badute.
– Soilik eskatutako lanpostuan aritzeko zerikusi zuzena duten prestakuntza eta trebakuntza ikastaroak baloratuko dira eta diplomen edo/eta joate-ziurtagirien edo/eta, hala badagokio, aprobetxamendu-ziurtagirien bidez egoki kreditatuak daudenak.
– 2 puntu emango dira gehienez ondorengo moduan banatuak:
– 10 ordutik 20 ordurainoko ikastaroak: 0,10 puntu.
– 20 ordutik 30 ordurainoko ikastaroak: 0,20 puntu.
– 30 ordutik 100 ordurainoko ikastaroak: 0,30 puntu.
– 100 ordutik gorakoak: 0,50 puntu.
– Akademia pribatuek emandako ikastaroak ez dira baloratuko. – Unibertsitateek edo bestelako Erakunde Ofizialek emandako masterrak prestakuntza eta trebakuntza ikastaro bezala onartuko dira.
b) Goi mailako titulazioak.
– Lanpostura hautatzeko eskatutako tituluaz gainera, beste titulu akademiko batzuk edukitzeagatik gehienez 2 puntu emango dira ondorengo baremoarekin:
– Goi mailako unibertsitate-titulua: puntu 1.
– Erdi mailako unibertsitate-titulua edo unibertsitate-diplomatua: 0,75 puntu
– Goi mailako batxiler titulua edo LH-2: 0,5 puntu.
Unibertsitate-titulua egiaztatzen dutenek ez dute goi mailako batxilergo titulua edo LH-2 edukitzeagatik punturik jasoko.
Titulu bakoitzeko ezarritako puntuazioa emango da, gehienezkoa gainditu gabe.
4.– Egindako lanaren balorazioa. Egun betetzen ari den lanpostuaren lantoki-osagarriaren mailagatik gehienez puntu bat emango da ondorengo banaketarekin:
– Lehian dagoen lanpostu-maila baino goragokoan aritzeagatik: puntu 1.
– Lehian dagoen lanpostu-maila berdinean aritzeagatik: 0,75 puntu.
– Lehian dagoen lanpostu-maila baino bat edo bi maila txikiagotan aritzeagatik: 0,25 puntu.
Lanpostu ezabapenagatik, kargu uzteagatik edo kentzeagatik behin-behineko lantokia betetzen ari diren funtzionarioentzat balorazioa betetzen zuten postuan oinarrituko da.
5.– Pareko lanetan esperientzia.
– Administrazio Publikoetan iragarritako lanpostuaren ezaugarri berdineko zerbitzuak egiteagatik: urte oso bakoitzeko edo 6 hilabete baino gehiagoko zati bakoitzeko 0,5 puntu, gehienez 3 puntu arte.
6.– Euskararen ezaguera.
Beti ere lehian dagoen lanpostuak derrigortasun-data jarrita ez badu, baremoa ondorengoa izango da:
– 4. hizkutz eskakizuna: 7,6 puntu.
– 3. hizkutz eskakizuna: 5,7 puntu.
– 2. hizkutz eskakizuna: 3,8 puntu.
– 1. hizkutz eskakizuna: 1,9 puntu.
Merezimendu hauek guztiak dagozkien ziurtapenen, egiaztagirien edo onartua dagoen beste bitarteko baten bidez dokumentalki kreditatuak izango dira. 4. eta 5. epigrafeak baloratzeko aurkeztutako merezimenduak hala izango dira lanpostua betetzeko hautapen-prozesua eman bada. Euskararen ezaguera egiaztatzeko berariazko frogak ospatu ahal izango dira.
Oposizio ariketak ondorengoak izango dira:
Lehenengo ariketa.– Teoriko-idatzizkoa.– Deialdi honi erantsitako ikasgai-zerrendan oinarrituta, ausaz ateratako gai orokor bat garatuko da idatziz 2 ordutan. Izangaiek gaia azaltzeko askatasun osoa dute. Ariketa honetan, besteak beste, unibertsitate-prestakuntza orokorra, argitasuna eta ideien ordena, deskribatutako azalpenaren erraztasuna, izangaiaren ekarpen pertsonala, laburpen ahalmena eta azaldutako edukiak baloratuko dira.
0tik 10 puntura bitartean baloratuko da eta gainditzeko gutxienez 5 puntu lortu beharko dira.
Bigarren ariketa.– Praktiko-idatzizkoa.– Epaimahaiak ariketa hasi aurretik emandako bi suposizio praktikoetan oinarrituta, gehienez hiru ordutan ebazpen-proposamena jasotzen duen txosten bana idaztean datza. Ariketa honetan arrazoiketa ahalmena, planteamenduan sistematika eta ondorioen formulazioa eta baliozko arautegiari buruzko ezaguera eta interpretazio egokiak baloratuko dira nagusiki.
0tik 10 puntura bitartean baloratuko da eta gainditzeko suposizio bakoitzeko gutxienez 5 puntu lortu beharko dira.
Hirugarren ariketa.– Elkarrizketa pertsonala.– Lanpostuari dagozkion funtzioak betetzeko izangaiek duten ahalmen eta trebakuntza pertsonala hautemateko hautagaiek Epaimahai Kalifikatzailearekin elkarrizketa bat izatean datza.
0tik 5 puntura bitartean baloratuko da.
Kalifikatzailea.
1.– Merezimenduen balorazioa eta puntuazio handien lortzen duen eskatzailea lanpostuaz jabetzeko proposamena ondorengoek osatutako Hautapen-Batzordeak egingo du:
Lehendakaria: Udalbatzakoa edo honek izendatzen duen Udalbatzako kidea.
Mahaikideak: Udalbatzan dauden alderdi politikoen proposamenez Alkatetzak izendaturiko korporaziokide bat.
Titulazio berdineko edo handiagoko Udaleko karrerako funtzionario bat.
HAEEak izendatutako kide bat.
Langileen ordezkariek izendatutako kide bat.
Idazkaria: Udalbatzakoa edo honek izendatzen duen funtzionarioa.
Batzordeko kideek iragarritako lanpostu-taldean eskatutako titulazio-maila berdina edo handiagoa izan beharko dute, Euskal Funtzio Publikoaren Legeak 31.2 artikuluan xedatuaren arabera. Epaimahaian botorik ez baina hitza bai izango duen ordezkari bana izenda dezakete udalean ordezkaritza duten alderdi politikoek.
Izatekotan, HAEEak izendaturiko kide batek lagunduko dio epaimahaiari euskara-frogan.
2.– Batzordeak edo Epaimahaiak ezingo du ez osatu ez jardun gutxienez epaimahaikideen erdiak, titularrak zein ordezkoak, biltzen ez badira. 3.– Lanpostuaz jabetzeko proposamena guztira lortutako puntuazioaren arabera egingo da.
4.– Puntuazio berdinketa emango balitz, erabakitzeko Erandioko Udalean mugikortasun eta barne-igoeraren bidez lanpostuak betetzeko Arautegi Erregulatzaileak bere lehenengo azken xedapenak dionari kasu egingo zaio.
Zortzigarrena.– Deialdiaren ebazpena.
1.– Deialdi desberdinen ebazpena Udalbatzarrari dagokio, eskabideak aurkezteko eguna amaitu eta biharamunetik aurrera hiru hilabeteko epearekin.
2.– Deialdiaren ebazpena Udaletxeko edozein Iragarki-Oholean argituratuko da eta dagokienentzat jakinarazpen modura erabiliko da.
3.– Oinarri hauek arautzen duten lehiaketaren bidez lanpostua lortuko duten langileek karguaz jabetzetik bi urte igaro arte ezingo dute beste lehiaketa batean parte hartu.
4.– Esleitutako lanpostuak ukaezinak izango dira.
Bederatzigarrena.– Karguaz jabetzea.
Karguaz jabetzeko epea aurreko lanpostua uztetik aurrera zazpi astegunekoa izango da. Aurreko lanpostua uzteko lehiaketaren ebazpena Udaleko Iragarki-Oholean argitaratzetik aurrera lau astegunekoa izango da.
Hamargarrena.– Gorabeherak.
1.– Arautegi Erregulatzailean adierazitakoarekin bat, oinarri hauetan xedatu ez den kasuetarako Hautapen Batzordeak- Epaimahaiak bere eskukoa du sor daitezkeen zalantzak argitzeko eta hautapen-prozesuaren jarduera ona zaintzeko beharrezko diren erabakiak hartzea.
2.– Deialdiak eta hauetatik erator daitezkeen egintzak inpugnatu ahal izango dira Herri Administrazioen Araubidearen eta Administrazio Jardunbide Amankomuna arautzen duen Legean ezarritako moduan.
Hamaikagarrena.– Lanpostuaren deskribapena:
LANPOSTUAREN IZENA.-
Errenta eta jakinarazpen teknikaria.
LANPOSTU-ZERRENDAN POSTU-KODEA.– 3013.
ATXIKITA EGONGO DEN UNITATEA.-
Ogasuna
MENPEKOTASUNA.-
Kontuhartzaile nagusia
MENPEAN IZANGO DITUEN LANPOSTUAK
Errenta eta jakinarazpenetako ofizial kontularia
Errenta eta jakinarazpenetako administrari laguntzailea
OINARRIZKO FUNTZIOA ETA EGINKIZUN NAGUSIAK.-
– Tributuen likidazioak eta bestelako likidazioak egitea eta likidazio-arauen oinarri eta euskarri izango diren agiriak biltzea, kasu bakoitzean tributu-zorra ala bestelako zorra den finkatzeko.
– Tributuei dagokienez udalak egindako likidazioen aurka tartekatutako errekurtso fiskalak erabakitzea eta gainontzeko udal sailei bidezko argibideak eskatzea erabaki egokia gauzatzeko.
– Beste herri erakundeetan (Foru Ogasuna, Uren Partzuergoa, udalak, eta abar) bidezko gestioak egitea Ogasun Arloari dagozkion tributu gaietan beharrezko koordinazioa gauzatzeko.
– Zergak, tasak edo eta prezio publikoak likidatzeko beharrezko diren agiriak jasotzea eta agiri horiek nahikoa ez badira, indarreango legediak aurrikusitako neurriak hartzea, zergadunekin edo zergadun izan daitezkeenekin zuzeneko harremanak izatea barne.
– Sailari dagozkion gaietan zergadunei informazioa ematea. – Ordenantza Fiskaletako zenbait atal edo artikulu aplikatzerakoan sor daitezkeen arazoei buruzko informazioa Kontuhartzaileari heleraztea, hurrengo ekitaldietarako konpon daitezen.
– Tributuen likidazioak sinatzea.
– Zergadunei zein bestelako erakundeei zuzenduta Errenta eta Jakinarazpen ataletik bialdu beharreko idazkiak prestatzea, aurretiaz Udal Kontuhartzaileari horren berri emanez.
– Ogasun, Finantza eta Ondare Arloko Batzordearen idazkari izatea.
– Menpeko dituen langileen lana koordinatzea eta kontrolatzea.
– Udalak dituen jabetzengatik jaso beharreko errentak kontrolatzea eta horien jarraipena egitea.
– Era berean, agintzen dizkioten eta postuan aritzeko eskatutako kualifikazioarekin bat datozen bestelako lan guztiak egingo ditu, bereziki Udalbatzako Idazkariak agintzen dizkionak.
TALDEA.– B ESKALA.– E
ESKATUTAKO TITULAZIOA.-
Zientzia Ekonomiko edo/eta enpresarialetan Diplomatu titulua izatea edo eta hura lortzeko eskubideak ordainduta izatea edo Zientzia Ekonomiko edo/eta enpresarialetako lizentziaturari dagozkion hiru ikasturte oso gaindituta izatea.
HIZKUNTZ ESKAKIZUNA ETA DERRIGORTASUN-DATA
3. hizkuntz eskakizuna, derrigortasun data ezarri gabe.
LANTOKI-OSAGARRIAREN MAILA.– 21
BERARIAZKO OSAGARRIA.– 1.350.874 PTA
DEDIKAZIOA.– Bateraezintasuna.
GAI-ZERRENDA
1. gaia.– Espainiako tributuen araubidea. Konstituzioak ezarritako oinarriak. Zuzenbidearen iturburuen sistema berria eta finantza arloan horrek duen eragina. Tributu-arauen aplikazioa. Tributuak eta tributu motak.
2. gaia.– Tributuei dagokienez sortutako harreman juridikoa: kontzeptua, izaera eta elementuak. Egitate zergagarria. Kontzeptua eta motak. Subjetu pasiboa. Tributuaren arduradunak. Tributu zuzenbidean iharduteko gaitasuna. Helbide fiskala.
3. gaia.– Oinarri zergagarria. Kontzeptua eta zedarritzeko araubidea. Zuzeneko eta zeharkako estimazioa. Estimazio objetibo singularra. Baloreen egiaztapena. Oinarri likidagarria. Karga mota. Zerga-zorra. Elementuak.
4. gaia.– Zergekiko arau-haustea: kontzeptua, izaera eta motak. Zehapenak. Zehapen-barkamena. Delitu fiskala.
5. gaia.– Tributuen kudeaketa tokiko administrazioan. Tributuen kudeaketan tokiko erakundeek duten aginpidea. Zergabiltzailetzako kudeaketa tokiko administrazioan: duen garrantzia. Tokiko administrazioan zergabilketarako organoak: zeintzuk diren eta dituzten aginpideak.
6. gaia.– Zerga-zorra. Osagaiak. Zerga-zorra iraungitzeko erak. Ordainketa. Ordaindu beharra dutenak. Zordun nagusiak. Erantzunkizun solidarioa eta subsidiarioa. Ordainaldia. Ordainbideak. Ordainagiriak. Ordainketa-bermeak. Ordainketaren ondorioak. Zorren gerorapena eta zatikapena. 7. gaia.– Zerga-zorrak iraungitzeko beste era batzuk. Azalpena. Preskripzioa. Konpentsazioa. Barkamena. Kaudimengabezia. Zergabilketa borondatezko epean. Prozedura eta ordainketak non egin. Ordaintzeko epeak. Zergadunei zuzendutako informazioa: kolektiboa eta indibiduala.
8. gaia.– Premiamenduzko ihardunbidea: definizioa eta izaera. Tokiko administrazioan premiamendu bidea erabiltzeko ahalmena. Premiamendu bideari hasiera ematea eta horren ondorioak. Aurkatzea. Premiamenduzko errekargua. Etenaldia. Amaiera.
9. gaia.– Ezarpenaren printzipioa. Onura, ordaintzeko gaitasuna eta zuzentasun printzipioak. Zergen nahikotasuna, malgutasuna eta neutraltasuna. Ezarpenaren ondorioak. Traslazioa eta eragina.
10. gaia.– Tokiko Ogasunen nahikotasun printzipioa. Tokiko erakundeen ahalmena tributuei dagokienez. Tributuen arloan arautzeko ahalmena: ordenantza fiskalen edukia, onarpenerako ihardunbidea eta argitalpena. Tributuen ezarpen, ordenazio eta aplikazio egintzen aurka jotzeko errekurtsoak. Aurkapenak eragindako egintza geldiaraztea.
11. gaia.– Tasa motak. Araubidea. Zerbitzu publikoen tarifak kalkulatu eta onartzeko araubidea. Prezio publikoak.
12. gaia.– Kontribuzio bereziak. Araubidea.
13. gaia.– Tokiko zergak. Ondasun Higiezinen gaineko zerga. 14. gaia.– Iharduera Ekonomikoen gaineko zerga. Trakzio mekanikozko ibilgailuen gaineko zerga.
15. gaia.– Eraikuntza, instalazio eta obren gaineko zerga. Hirilurren Balioa gehitzearen gaineko zerga.
16. gaia.– Tributuen ikuskaritza. Estatuan eta tokiko erakundeetan aginpidea duten organoak. Funtzioak eta ahalmenak. Tributuen ikuskaritza gauzatzeko ihardunbidea. Ikuskaritza iharduketen dokumentazioa.
17. gaia.– Tributuen kudeaketa-egintzak administrazio bidean berraztertzea. Ihardunbide ekonomiko-administratiboa.
18. gaia.– Administrazio zuzenbidearen subjetuak. Herri administrazioa eta zuzenbidea. Administratuaren teoria. Administratuaren egoera juridikoak.
19. gaia.– Administrazio-egintzak. Kontzeptua. Egintza motak. Elementuak. Betekizunak. Betearazgarritasuna eta betearazpena. Jakinarazpena eta argitaratzea.
20. gaia.– Administrazio-egintzak eta xedapen orokorrak baliogabetzea. Erabateko deuseztapena eta deuseztagarritasuna. Administrazioko egintza mantentzeko printzipioa: eskualdagarritasuna, aldagarritasuna, iraunaraztea eta baliozkotzea
21. gaia.– Herritarren eskubideak. Erregistroak. eskabideak, idazkiak eta komunikazioak aurkeztea. Idazkera eta epeak.
22. gaia.– Administrazioko ihardunbideei buruzko xedapen orokorrak. Interesatu motak. Ihardunideari hasiera ematea eta bideratzea. Espresuki emandako erabakia. Motibazioa. Hitzartutako amaiera. Ustezko egintza. Ihardunbideen iraungipena eta preskripzioa.
23. gaia.– Administrazio-egintzak berraztertzeko ihardunbideak. Egintza deuseztagarriak administrazioak bere kabuz berraztertzea. Egintzak ezeztatzea. Administrazioko errekurtsoen gaineko xedapen orokorrak: administrazio errekurtsoa jaso dezaketen egintzak eta zuzenean auzitara eraman daitezkeenak. Errekurritutako egintzaren betearazpena etetea. Errekurtsoa erabakitzea: espresuki, isilbidez, edo kontziliazio, arbitraia zein bitartekotza ihardunbideari jarraituz. Errekurtso arrunta eta berraztertzeko errekurtsoa.
24. gaia.– Administrazioarekiko auzi-eskumena. Izaera. Organizazio-sistemak. Administrazioarekiko auzi-eskumenaren hedadura eta mugak. Administrazioarekiko auzi-eskumeneko organoak. Ihardunbidean parte direnak. Lehenengo auzialdiko edo auzialdi bakarreko ihardunbidea. Epaia eta betearazpena. Epaiaren aurkako errekurtsoak.
