Euskal Herriko Agintaritzaren Aldizkaria

154. zk., 1997ko abuztuaren 14a, osteguna

Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da

Iragarpenak

Gipuzkoako Foru Aldundia

4171

IRAGARPENA, Gaztañoko Ibarbidea-Agustinak 34. Alorreko Planari buruzkoa (GHI-036/97-P06).

<FONT FACE="Garamond 3" SIZE=2><P ALIGN="JUSTIFY">Errenteriako Hiri Antolaketako Arauen «Gaztañoko ibarbidea-Agustinak» 34. Alorreko Planaren espedienteari dagokionez, 1997ko uztailaren 1ko Diputatuen Kontseiluak hartutako erabakiaren bitartez exigitutako bermea jarri denez, bidezkoa da erabaki hori argitaratzea:

«Errenteriako Udalak tramitatu ondoren, Errenteriako Hiri Antolaketako Arauen «Gaztañoko ibarbidea-Agustinak» 34. Alorreko Plana» aurkeztu da Foru Aldundiak behin betiko onar dezan.

Construcciones Michelena y Lecuona S.A.k sustatutako espedientearen helburua da Hiri Antolaketako Arauek 34. Alorrerako (etxegunerako lurzoru hiritargarri gisa sailkatutakoa) ezartzen dituzten hirigintza zehaztasunak garatzea, hori guztia batzarraldi honetan bertan Diputatuen Kontseiluak onartutako aldaketaren arabera.

Antolatu beharreko Alorrak 13.422 m.2-ko azalera hartzen du. Iparraldean muga egiten du 14. Arearekin (Erdialdea); hegoaldean 35. Alorrarekin (Agustinatarren depositua); eta mendebaldean 36. Alorrarekin (Arramendi) eta 13. Arearekin (Gaztaño-ekialdea).

Alorreko Planak 47 etxebizitza berri aurreikusten ditu esparru horretarako eraikitzeko leku aproposagoetan, Arramendiko parkearen alboko lurzatian arearen berdegune nagusia antolatuz, eta berdegune horrek inguratzen dituen lurzoru erreserbak irakaskuntza eta merkataritza ekipamenduetarako lokalizatuz.

Udal fasean, 1996ko irailaren 13ko Udal Batzarrak erabaki zuen Alorreko Plana hasieraz onartzea baldintza batzuekin. Jende aurrean erakutsitako epean bi alegazio aurkeztu ziren eta idatzi bat epe horretatik kanpo.

Behar ziren informeak egin ondoren, 1997ko urtarrilaren 31ko Udal Batzarrak erabaki zuen, lehendabizi, aurkeztutako alegazioak tramitean onartzea; bigarren, alegazio horien zati bat onartzea, eta, azkenik, dokumentua behin-behinekoz onartzea hasierako onarpenean ezarritako bi baldintza mantenduz. Baldintza horiek honako hauek dira: bata, Alorra egiteko bete behar diren epeei buruzkoa, eta, bestea, Planaren eragingarritasunerako Hiri Antolaketako Arauen Aldaketa behin betiko onartu behar dela ezartzen duena. Gainera, erabaki horretan Udalak argitzen zuen zein izango zen baliozko dokumentazioa, hau da, hasierako izaeraz onartutako dokumentuak biltzen dituen 1-6 planoak eta 1997ko urtarrileko Planari egindako alegazioei buruzko informearen dokumentazio gehigarria.

Azkenik, Foru Aldundiko Hirigintzako zerbitzu teknikoek dokumentuaren edukina azterturik, adierazi dute lege aldetik zuzena dela eta helburuekin bat datorrela, eta, beraz, behin betiko onar daitekeela.

Ondorioz, eta tramitatzerakoan hirigintzako legerian aurreikusitako jardunbidea segitu denez, Diputatuen Kontseiluak, aplikagarri den legeria ikusirik, Obra Hidrauliko eta Hirigintzako foru diputatuaren proposamenez eta eztabaidatu ondoren,

<FONT FACE="Garamond 3"

ERABAKI DU

<FONT FACE="Garamond 3" SIZE=2>Lehenengo.– Behin betiko onartzea Construcciones Michelena y Lecuona S.A.k sustatu eta Udalak tramitatutako Errenteriako «Gaztañoko ibarbidea-Agustinak» 34. Alorreko Plana», 1997ko urtarrilaren 31ko behin-behineko onarpen erabakian adierazitako baldintzekin.

Bigarrena.– Behin betiko onarpena eraginkorra izango da Udalaren eta sustatzailearen artean hartutako konpromisuak zorrotz beteko direla bermatzen denean, hau da, zerbitzuak ezartzeko eta hiritartze obrak burutzeko, Alorreko Planaren ebaluaketaren arabera, beharrezko den balioaren %6ko kopurua ezartzen denean, eta behin betiko onarpenaren erabakia ez da argitaratuko harik eta esandako berme hori Udalean aurkeztu dela jakin arte.