Euskal Herriko Agintaritzaren Aldizkaria

154. zk., 1997ko abuztuaren 14a, osteguna

Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da

Iragarpenak

Gipuzkoako Foru Aldundia

4170

IRAGARPENA, Hernaniko Sue-22.7ren (Santa Barbara) Alorreko Planari buruzkoa (GHI-008/96-P06).

<FONT FACE="Garamond 3" SIZE=2><P ALIGN="JUSTIFY">Hernaniko « <FONT FACE="Garamond 3" SUE<FONT FACE="Garamond 3" SIZE=2>-22.7ren (Santa Barbara) Alorreko Planaren espedienteari dagokionez, 1997ko martxoaren 11ko Diputatuen Kontseiluak hartutako erabakiaren bitartez exigitutako bermea jarri denez, bidezkoa da erabaki hori argitaratzea, eta horren edukina ematen da ondoren argitara:

«Hernaniko Udalak tramitatu ondoren, « <FONT FACE="Garamond 3" SUE<FONT FACE="Garamond 3" SIZE=2>-22.7ren (Santa Barbara) Alorreko Plana» aurkeztu da Foru Aldundiak behin betiko onar dezan.

Josetxo Amunarriz jaunak sustatutako espediente horren helburua da <FONT FACE="Garamond 3" SUE <FONT FACE="Garamond 3" SIZE=2>-22.7 (Santa Barbara) lurzoru hiritargarriko alorraren garapena era xehatuan antolatzea etxegune erabilerako, 1996ko martxoaren 12ko Diputatuen Kontseiluak behin betiko onartutako Hernaniko Hiri Antolaketako Arauetan aurreikusitako xedapenak jarraituz.

Antolatutako alorrak 29.333 m.2 inguru ditu eta batez ere hego-ekialdera ematen duen terreno zerrenda da; Santa Barbara mendiaren behealdean dago kokatua, eskola gunearen azpian hain zuzen, eta Hernani-Urnieta eskualde errepiderantz doan malda txikia du. Terrenoaren mugaketa irregularra da, finkatutako etxebizitzak dituzten lurzatiak alorraren barruan ez sartzeko. SU-22.3 areatik Hernani-Urnieta errepideraino doan alorra zeharkatzen duen ibilgailuetarako bidearen arabera egin da antolaketa, eta jardin-hiriaren tipologiako 44 etxebizitza berri egitea planteatzen da; etxebizitza horiek familia bakarrekoak izango lirateke, bakarkoak batzuk, eta binaka adosatutakoak edo hiruko blokeetan egindakoak beste batzuk.

Era berean, 3.092 m.2-ko espazio berdea aurreikusten da umeentzako jolas tokiarekin, jarduketaren erdian kokatua. Espazio berde horren ondoan merkataritza eta gizarte eraikinerako espazioa gordetzen da, eta eskolarako lurzatia egun dagoen irakaskuntza zentroaren ondoan.

Espedientearen jatorria aurreko beste Alorreko Plan bat da, Foru Aldundira 1996ko urtarrilean behin betiko onartzeko bidali zena, hain zuzen. Hala ere, ikusirik, udal tramitazioaren fasean ez zela bete azaroaren 25eko 17/94 Foru Arauak, Gipuzkoako Errepide eta Bideetakoak, 94. artikuluan aurreikusten duen tramitea, Hirigintza eta Arkitekturako zuzendari nagusiaren idatziaren bitartez jakinarazi zitzaion Hernaniko Udalari ez zela epea martxan jarriko harik eta falta zen tramitea bete arte.

Era berean, egoeraz baliatuz adierazi zen beharrezkoa zela dokumentuan azaltzen ziren zenbait akats zuzentzea, ondorengo puntuei buruzkoak: alorraren mugaketa, antolatutako probetxamendua, hiritartze kargak, etapen plana, dokumentuaren idatzi zatian adierazten diren azaleren kopuruak eta lagapen, hiritartze eta ekitatezko banaketako legezko eginkizunak betetzeko epeen konputua.

Hori ikusirik, Hernaniko Udalak erabaki zuen Alorreko Plan berri bat egitea, onartzeko orain aurkeztu dena. Plan horren helburua da Hirigintza eta Arkitekturako Zuzendaritza Nagusiak adierazitako akatsak zuzentzea, bai eta Gipuzkoako Foru Aldundiko Errepideetako Zuzendaritza Nagusiak geroago egin zuen kontrako informearen ondorioz izandakoak ere.

Dokumentua idatzi ondoren, eta Errepideetako Zuzendaritzaren informea, orain aldekoa, ikusita, Udalak, 1996ko abenduaren 11ko batzarraldian, erabaki zuen 22-7 Alorreko Plana behin-behinekoz onartzea eta espedientea Foru Aldundira bidaltzea behin betiko onar zezan.

Foru Aldundiko Hirigintzako zerbitzuek dokumentua aztertu ondoren, ikusi dute bete dela azaroaren 25eko 17/94 Foru Arauak, Gipuzkoako Errepide eta Bideetakoak, 94. artikuluan aurreikusten duen tramitea eta dagoeneko zuzendu direla edukin aldetik zeuden akatsak, lagapen, hiritartze eta ekitatezko banaketako legezko eginkizunak betetzeko epeen konputuari buruzkoa izan ezik.

Beste gai batera pasatuz, egokitzat jotzen da argitzea 21. eta 22. lurzatiei buruzko aipamena, Alorreko Planaren Ordenantzetako 28.2 artikuluan agertzen dena, 2.1 planoko 21. eta 22. lurzatiei buruzkoa dela, lurzati horiek beste zenbateko batzuekin azaltzen baitira 2.1’ planoan.

Ondorioz, eta ikusirik tramitazioan hirigintzako legerian aurrikusitako arauak bete direla, Diputatuen Kontseiluak, aplikagarria den legeria ikusita, eta eztabaidatu ondoren, Obra Hidraulikoetako eta Hirigintzako foru diputatuaren proposamenez,

<FONT FACE="Garamond 3" ERABAKI DU

<FONT FACE="Garamond 3" SIZE=2>Lehenengo.– Behin betiko onartzea Hernaniko «<FONT FACE="Garamond 3" SUE <FONT FACE="Garamond 3" SIZE=2>-22.7ren (Santa Barbara) Alorreko Plana», Josetxo Amunarriz jaunak sustatu eta Udalak tramitatutakoa.

Behin betiko onarpena ondorengo baldintza eta argibidearekin ematen da:

– Lagapen, hiritartze eta ekitatezko banaketako legezko eginkizunak betetzeko epeen konputua Alorreko Plana behin betiko onartzen denetik hasiko da.

– Ordenantzetako 28.2 artikuluan, «21. eta 22. lurzatiak» esaten duen tokian, «2.1 Planoko 21. eta 22. lurzatiak» esan behar du.

Bigarrena.– Behin betiko onarpenaren eraginkortasuna udalaren eta sustatzailearen artean hartutako konpromisuak zorrotz beteko direla bermatzearen baldintzapean geratuko da, zerbitzuak ezartzeko eta hiritartze obrak burutzeko beharrezkoa den balioaren %6ko kopurua ezarrita, Alorreko Planaren ebaluaketaren arabera, eta behin betiko onarpenaren erabakia ez da argitaratuko harik eta esandako berme hori udalean aurkeztu dela jakin arte.

Erabaki hau behin betikoa da eta administrazio bidea amaitzen du. Nahi izanez gero, administrazioarekiko auzi errekurtsoa aurkez dezake interesatuak Euskadiko Justiziako Auzitegi Nagusiak Bilbon duen Administrazioarekiko Auzietako Salan, erabaki hau argitaratu edo, kasua bada, jakinarazi eta biharamunetik bi hilabeteko epean».

Donostia-San Sebastián, 1997ko uztailaren 18a.

<FONT FACE="Garamond 3" Idazkari teknikoa,

<FONT FACE="Garamond 3" JAVIER CAPDEVILA MAYORAL.