41. zk., 1997ko otsailaren 28a, ostirala
- Bestelako formatuak:
- Testu elebiduna
Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da
Iragarpenak
Bilboko Udala
1101
IRAGARPENA, Bilboko Udalarena, Bilboko Hiri-Antolaketarako Egitamu-Orokorraren Arautegiaren 7.1.10, 7.2.8, 7.2.11, 7.5.20, 7.9.1 eta 7.9.3 atalen aldaketa puntuala hasieran onartzeari buruzkoa.
Bilboko Udalbatzak 97-01-31n egindako batzarraldian erabaki hau hartu zuen, besteak beste (esp. 971034000001):
«Hirigintza Sailak egindako txostenean oinarriturik, Toki-Jaurbidearen Oinarriak arautzen dituen apirilaren 2ko 7/1985 Legearen 47.3 atalean ohartemandako quorumarekin eta indarrean dauden legeekin bat etorriz, Udalbatzarrak erabaki hau hartu du:
Bat.– Hasieran onartzea Bilboko Hiri-Antolaketarako Egitamu-Orokorraren Arautegiaren 7.1.10, 7.2.8, 7.2.11, 7.5.20, 7.9.1 eta 7.9.3 atalen aldaketa puntuala Udal zerbitzu teknikoek egindako txostenaren arabera:
Bi.– Herritarrei horren berri emateko hilabeteko aldia hastea, dagozkion iragarkiak iragarki-oholean, Euskal Herriko Agintaritzaren Aldizkarian, Bizkaiko Aldizkari Ofizialean eta Bizkaiko egunkaririk zabalduenetako batean argitaratuz, eraginpekotzat daudenek euren alde egoki deritzeten arrazoibideak aurkez ditzaten. Administrazio-espedientea eta dagozkion agiri teknikoak euren eskueran daude Hirigintza Saileko Planeamendu Sailataleko bulegoetan. (Udaletxearen alboko eraikineko 4. solairuan).
Hiru.– Eraginpeko aldean baimenak ematea etetea Lurraren Erregimen eta Hiri-Antolaketari buruzko Legearen Testu Bateratua onartu zuen ekainaren 26ko 1/1992 Legegintzako Errege-dekretuaren 102. atalean adierazitakoaren arabera.
Lau.– Proiektu hau behin-behinekoz onartutzat ematea baldin eta arrazoibiderik aurkeztu ez bada horretarako jarritako epean, administrazio-espedientearen fotokopia eta agiri teknikoen behar bezala eginbideturiko bost kopia Bizkaiko Foru Aldundiko Hirigintza Sailera bidaliz behin-betiko onartu dezan hala balegokio; hau guztiau Lurraren Erregimen eta Hiri-Antolaketari buruzko 1992ko ekainaren 26ko Legearen Testu Bateratuaren 114.2. atalean xedatutakoaren arabera.
Bost.– Erabaki honen berri ematea Lizentziak, Kudeaketa, Eraikuntza-Erregimen eta Ingurugiro Sailatalei eta Surbisari.
Bilbao, 1997ko otsailaren 7a.
IDAZKARIORDE NAGUSIA.
(91-09-17ko eskuordetzaz)