41. zk., 1997ko otsailaren 28a, ostirala
- Bestelako formatuak:
- Testu elebiduna
Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da
Iragarpenak
Bilboko Udala
1100
IRAGARPENA, Bilboko Udalarena, hasieran onartzen duena Bilboko Hiri-Antolaketarako Egitamu Orokorraren aldaketa, Olabeagako 819. Banaketa-eremua berriro antolatzeko.
Udalbatzak, 97-01-31n egindako batzarraldian, erabaki hau hartu zuen, besteak beste (esp. 961034000014):
«Hirigintza Sailak egindako txostenean oinarriturik eta apirilaren 2ko Toki-Jaurbidearen Oinarriak arauzten dituen 7/1985 Legearen 47.3 atalean ohartemandako quorumarekin, indarrean dauden legeen arabera, Bilboko Udalbatzarrak erabaki hau hartu du:
Bat.– Hasieran onartzea, Bilboko Hiri-Antolaketarako Egitamu Orokorraren aldaketa, Olabeagako 819. Banaketa-eremua berriro antolatzeko, Eusko Jaurlaritzako Lurralde-Antolaketa, Etxebizitza eta Ingurugiro Sailak aurkeztutako proiektuaren arabera, agiriak honako hauetan zuzentzeko:
1.– Lurzoru pribatua dagokion bilbeaz adieraztea.
2.– Eremuaren mendebaldeko biribilunea 28 metro eramango da aipatutako alderantz, hartara ohartemandako eskola-ekipamenduen neurriak hobetzeko.
Bi.– Herritarrei horren berri emateko hilabeteko aldia hastea, dagozkion iragarkiak iragarki-oholean, Euskal Herriko Agintaritzaren Aldizkarian, Bizkaiko Aldizkari Ofizialean eta Bizkaiko egunkaririk zabalduenetako batean argitaratuz, eraginpekotzat daudenek euren alde egoki deritzeten arrazoibideak aurkez ditzaten. Administrazio-espedientea eta dagozkion agiri teknikoak euren eskueran daude Hirigintza Saileko Planeamendu Sailataleko bulegoetan. (Udaletxearen alboko eraikineko 4. solairuan).
Hiru.– Eraginpeko aldean baimenak baliogabetzea eta Lurraren Erregimen eta Hiri-Antolaketari buruzko Legearen Testu Bateratua onartu zuen ekainaren 26ko 1/1992 Legegintzako Errege-dekretuaren 102. atalean adierazitakoaren arabera.
Lau.– Proiektu hau behin-behinekoz onartutzat ematea baldin eta arrazoibiderik aurkeztu ez bada horretarako jarritako epean, administrazio-espedientearen fotokopia eta agiri teknikoen behar bezala eginbideturiko bost kopia Bizkaiko Foru Aldundiko Hirigintza Sailera bidaliz behin betiko onartu dezan hala balegokio; hau guztiau Lurraren Erregimen eta Hiri-Antolaketari buruzko 1992ko ekainaren 26ko Legearen Testu Bateratuaren 114.2 atalean xedatutakoaren arabera.
Bost.– Erabaki hau bidaltzea Eusko Jaurlaritzako Lurralde-Antolaketa, Etxebizitza eta Ingurugiro Sailera eta Kudeaketa, Lizentziak, Eraikuntza-Erregimen eta Ingurugiro Sailataletara.»
Bilbao, 1997ko otsailaren 7a.
IDAZKARIORDE NAGUSIA.
(91-09-17ko eskuordetzaz)