Euskal Herriko Agintaritzaren Aldizkaria

41. zk., 1997ko otsailaren 28a, ostirala

Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da

Bestelako Xedapenak

Industria, Nekazaritza eta Arrantza

1084

AGINDUA, 1997ko otsailaren 6koa, Industri, Nekazaritza eta Arrantza sailburuarena, arrantza eta akuikultura arloetan Europako Elkartearen eskuhartze egiturazkoetarako, zein arautzen baitira 3699/1993 (EEE) Arautegian, irizpide eta baldintzak zehazteko, eta eskuhatze horien kudeketarako prozedura definitzeko den irailaren 24ko 228/1996 Dekretuan bildutako laguntzetarako eskabideak aurkezteko epea 1997rako ireki, eta 1997an subentzionatu beharreko sektore eta inbertsioetarako lehentasun-irizpideak ezartzen dituena.

Arrantza eta akuikultura arloetan Europako Elkartearen eskuhartze egiturazkoetarako, zein arautzen baitira Kontseiluaren abenduaren 21eko 3699/1993 (EEE) Arautegian, irizpide eta baldintzak zehazteko, eta eskuhatze horien kudeketarako prozedura definitzeko den irailaren 24ko 228/1996 Dekretuaren xedea da, batetik, biltzea arrantza eta akuikultura arloetarako aipaturiko arautegi horretan eta Batzordearen 94/260/03 Erabakian arautzen diren eskuhartze egiturazkoak, eta, bestetik, ematea eskuhartze horiek Euskal Autonomi Elkartean kudeatu eta gauzatzeko arauak.

Irailaren 24ko 228/1996 Dekretuaren gehigarrizko xedapenetariko bigarrenean ezartzen da ezen eskabideak aurkezteko epea urtean-urtean ezarriko dela Industri, Nekazaritza eta Arrantza sailburuaren aginduaren bidez; bestetik, gehigarrizko xedapenetariko laugarrenean zehazten da urtean-urteko deialdian ezarriko direla laguntzak emateko iripide objektiboak, eta zehazten da, halaber, zein den sektore eta inbertsioetarako laguntzak emateko gorde behar den lehentasun-ordena, harako ekitaldiko aurrekontuan ezarritako kopurua ez bada nahikoa baliozkotasunez aurkezturiko eskabide guztiei erantzuteko, laguntzak emateko dagoen aurrekontua mugatua baita.

Ondorioz, agindutakoa 1997ko ekonomi ekitaldian betetzeko, hauxe

XEDATU DUT:

1. atala.– Irailaren 24ko 228/1996 Dekretuan bildutako laguntzez baliatzeko eskabideak aurkezteko epea, 1997ko ekonomi ekitaldian, agindu hau indarrean jartzen denetik 1997ko martxoaren 31ra bitartekoa izango da, agindu honen aldibaterako xedapenetan ezartzen denaren kaltetan jo gabe.

2. atala.– 228/1996 Dekretuan araututako laguntzetarako eskabideetarik, baten bat aurreko ekitaldietan epearen barruan aurkeztutakoa bada eta, aurrekontu-baliakizunik ez izanik, erantzunik jaso gabe geratu bada, harako eskabidea 1997rako aurkeztutakoa dela ulertuko da.

3. atala.– 1.– 228/1996 Dekretuaren gehigarrizko xedapenetariko laugarrenean ezarritakoa garatzeko, eta gogoan izanik 1997ko ekitaldiko aurrekontu-baliakizunak mugatuak direla baliozkotasunez aurkezturiko laguntza-eskabide guztiei erantzuteko, lehentasunezko laguntza-bideak finkatzen dira lehentasun-ordenaren arabera. Laguntza-bide bakoitza, hasiera batean bederen, aurrekontuan ezarritakoaren araberakoa izango da; eta laguntzabide bakoitzaren barruan, lehenengo eta behin aurreko urteetan aurkeztutakoei erantzungo zaie, eta ondoren 1997an aurkeztutakoei. Lehentasunezko laguntza-bideen xedeak hauek dira:

a) Arranuntziak eraikitzea.

b) Arranuntziak modernatu eta birmoldatzea.

c) Bigarren eskuko untziak erostea.

d) Akuikultura.

e) Arrantza esperimentaleko ekintza ereduzkoak.

f) Arrantza-jarduerak behin-betiko geldiaraztea.

2.– Aurrekontuko zuzkiduraren gehikuntzarik egonez gero, eta gehikuntza hori ez badago, xedapen arautzaile zehatzen baten ondorioz, laguntzabide jakin bati loturik, lehenengo lerroaldian ezarritako lehentasun-ordenaren arabera aplikatuko da.

4. atala.– 1.– Inbertsioak baloratzeko irizpide objektiboak, zeinen arabera hartuko baitira 1997ko laguntza-eskabideei buruzko erabakiak eta zehaztuko baitira subentzioen zenbatekoak -ezarritako gehienezko mugen barruan modulatuko direnak-, ondoko hauek dira:

a) Aurrekontuko baliakizunak.

b) Arrantzako politika komunarekiko egokitasuna.

c) Eraberriketa teknologikoa eta lanpostuen sorkuntza.

d) Inbertsioa sektorearen garapen ekonomikorako lagungarri izatea.

e) Proiektuaren bideragarritasun tekniko-ekonomiko eta finantzazkoa.

f) Proiektuak bestelako laguntzarik jasotzen ote duen.

g) Behin-betiko geldiarazteen kasuan, Nekazaritza, Arrantza eta Elikadura Ministerioarekiko lankidetza-hitzarmenean ezarritako irizpide eta neurriak.

2.– Edonola ere, espedienteak tramitatzeko lehentasunari dagokionez, gehienbat laguntza-eskabidea aurkezten den datari begiratuko zaio, baldin betetzen badira 228/1996 Dekretuan exigitutako eskakizun eta agiriak.