Euskal Herriko Agintaritzaren Aldizkaria

41. zk., 1997ko otsailaren 28a, ostirala

Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da

Bestelako Xedapenak

Justizia, Ekonomia, Lana eta Gizarte Segurantza

1082

AGINDUA, 1997ko otsailaren 4koa, Justizi, Ekonomi, Lan eta Gizarte Segurantza sailburuarena, Euskal Autonomi Elkarteko Fundazioei buruzko ekainaren 17ko 12/1994 Legera egokitzeko Bilbaoko (Bizkaia) Carmen de Gandarias Corral fundazioko estatutuetan egindako aldaketa Euskal Autonomi Elkarteko Fundazioen Erregistroan inskribatzeari buruzkoa.

Bilbaoko (Bizkaia) «Carmen de Gandarias Corral» fundazioko estatutuetan egindako aldaketa —Euskal Autonomi Elkarteko Fundazioei buruzko ekainaren 17ko 12/1994 Legera egokitzeko— onar dezala Fundazioen Babesletzari eskatuz eta aldaketa hori Euskal Autonomi Elkarteko Fundazioen Erregistroan inskribatzeko eskatuz aurkeztutako espedientea ikusi eta aztertu da.

Aurrekariak

1.– 1996ko maiatzaren 29an, Euskal Autonomi Elkarteko Fundazioen Erregistroan, Bilbaoko (Bizkaia) «Carmen de Gandarias Corral» fundazioak igorritako idazki bat aurketu zen. Idazkiaz, batetik, Fundazion Babeslaritzari fundazioko estatutuetan egindako aldaketa onar dezala eskatu zitzaion, eta bestetik, aldaketa hori Euskal Autonomi Elkarteko Fundazioen Erregistroan inskribatzeko eskatzen zen.

2.– Fundazioko estatutuak aldatzeko Fundazioko Patronatuak 1996ko martxoaren 31ko bilkuran hartu zituen akordioak publiko egin zituen eskritura publikoaren kopia baimendua aurkeztu zen idazki harekin batera. Eskritura hori (1.338 protokolo zk.) Bilbaon egin zen 1996ko maiatzaren 3an, hiri horretako notario eta Bilbaoko Elkargokoa den José María Arriola Arana jaunaren aurrean.

3.– 1996ko uztailaren 11n, Azterlanen eta Araubide Juridikoaren zuzendariaren idazki batekin, aurkeztutako estatutuei azterketa juridikoa egin ostean ikusi ziren akatsak zuzen zitzala proposatu zitzaion fundazio horri, Euskal Autonomi Elkarteko Fundazioei buruzko ekainaren 17ko 12/1994 Legearekin bat etorriz. Halaxe egin zuen 1996ko urriaren 2an, estatutuak aldatzeari buruz 1996ko irailaren 24an egindako eskritura publikoaren kopia baimendua igorriz Euskal Autonomi Elkarteko Fundazioen Erregistrora. Eskritura publiko hori (2.201 protokolo zk.) seigarren lerroaldean aipatutakoaren osagarria da eta Bilbaoko Elkargoko notario den José María Zurbano jaunaren aurrean egin zen.

4.– Bilbaoko (Bizkaia) «Carmen de Gandarias Corral» fundazioko estatutuetan egindako aldaketa Euskal Autonomi Elkarteko Fundazioen Erregistroan inskribatzeko aldeko txostena eman zuen Gizarte Ongizateko zuzendariak 1997ko urtarrilaren 16an —hala eskatzen da 12/1994 Legeko 36.4. atalean eta 404/1994 Dekretuko 8-3. eta 62. ataletan—.

Zuzenbideko oinarriak

Lehenengoa.– Justizi, Ekonomi, Lan eta Gizarte Segurantza sailburuari dagokio agindu-bidez fundazioaren estatutuetako aldaketarako espedientea erabakitzea, Euskal Autonomi Elkarteko Fundazioei buruzko Legearen 36.3 eta 40. ataletan eta urriaren 18ko 404/1994 Dekretuaren 7-1.a) atalean agindutakoaren arabera.

Bigarrena.– Legitimazioa daukan pertsona juridiko pribatu batek hasiarazi du espediente hau. Espedienteari, bestalde, funtsezkotzat jotzen diren datu eta agiriak erantsi zaizkio, eta bereziki, Euskal Autonomi Elkarteko Fundazioei buruzko Legearen 31. atalean, urriaren 18ko 404/1994 Dekretuaren 62. atalean eta Fundazioko Estatutuetan aldaketen inguruan agindutako baldintzak bete dira, estatutuak Euskal Autonomi Elkarteko Fundazioei buruz indarrean den Legeko aginduetara egokiturik daudela.

Lege eta arau hauek ikusi dira: indarrean dagoen Konstituzioa; Euskal Autonomi Elkarteko Autonomi Estatutua; Euskal Autonomi Elkarteko Fundazioei buruzko Legea; Euskal Herriko Fundazioen Erregistroa eta Babeslaritza antolatu eta jardunean jartzeko Arautegia Onartzeko den urriaren 18ko 404/1994 Dekretua eta aplikagarri diren gainerako arau orokorrak. Ondorioz,

Justizi, Ekonomi, Lan eta Gizarte Segurantza sailburuak hau ERABAKI DU:

Lehenengoa.– Bilbaoko (Bizkaia) «Carmen de Gandarias Corral» fundazioko estatutuetan egindako aldaketa, fundazioko patronatuaren 1996ko martxoaren 31ko eta irailaren 23ko bileretan ebatzia, onartzea.

Bigarrena.– Fundazio horren estatutuetan egindako aldaketa Euskal Autonomi Elkarteko Fundazioen Erregistroan inskribatzea, 1996ko maiatzaren 3an eta irailaren 24an egindako eskritura publikoetan (hurrenez hurren, 1.338 eta 2.201 protokolo zenbakiak) agertzen den moduan —eskritura horiez, Fundazioko Estatutuak Euskal Autonomi Elkarteko Fundazioei buruzko 12/1994 Legera egokitzeko hartutako erabakiak publiko egin ziren—.

Hirugarrena.– Agindu hau Euskal Herriko Agintaritzaren Aldizkarian argitaratzea.

Erabaki honek administrazio bidea agortzen duenez, bere aurka administrazioarekiko auzi-errekursoa aurkez dakioke Euskal Herriko Auzitegi Nagusiko Administrazioarekiko Auzitarako Salari, erabakia argitaratzen den egunaren biharamunetik hasi eta bi hilabeteko epearen barruan.

Errekurtsoa aurkezteko ezinbestekoa izango da aurretiaz organo hau jakinaren gainean jartzea, hala agintzen baita Herri Administrazioen Lege Jaurbideari eta Guztientzako Administrazio Ihardunbideari buruzko azaroaren 26ko 30/1992 Legearen 110. atalean.

Vitoria-Gasteiz, 1997ko otsailaren 12a.

Justizi, Ekonomi, Lan

eta Gizarte Segurantza sailburua,

RAMÓN JÁUREGUI ATONDO.