Euskal Herriko Agintaritzaren Aldizkaria

245. zk., 1996ko abenduaren 20a, ostirala

Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da

Agintariak eta Langileak

Ogasuna eta Herri Administrazioa

6221

ERABAKIA, 1996ko abenduaren 9koa, Herri-Arduralaritzaren Euskal Erakundeko zuzendariarena, 1996ko apirilaren 16ko Deialdiari dagozkion hizkuntza eskakizunak egiaztatzeko azterketak gainditu dituztenen behin-behineko zerrendak behin- betiko egiten dituena.

Herri-Arduralaritzaren Euskal Erakundeko zuzendariak, 1996ko apirilaren 16ko Erabakiaz (EHAA, 1996-04-25; 80 zk.), hizkuntza eskakizunak egiaztatzeko frogetarako deia egin zuen. Froga hauek eginda, ohiko azterketetan hizkuntza eskakizunen bat gainditu zutenen behin-behineko zerrenda 1996ko uztailaren 22ko Erabakiaz (EHAA, 1996-08-30; 166 zk.) argitaratu zen. Modu berean, abuztuaren 3ko 238/1993 Dekretuak ezarritako konparaziozko azterketetan hizkuntza eskakizunen bat gainditu zutenen behin-behineko zerrenda 1996ko azaroaren 5eko Erabakiaz (EHAA, 1996-11-15; 221 zk.) argitaratu zen.

Zerrenda hauen kontra erreklamazioak aurkezteko epeak amaituta, eta araubidez aurkeztu direnak aztertu ondoren, deialdiko 11.5. oinarriarekin bat etorriz, honen bidez behin-behineko zerrenda hauek behin-betiko egiten dira. Gauzak horrela,

ERABAKI DUT:

1.– 1996ko apirilaren 16ko Deialdiari dagozkion hizkuntza eskakizunak egiaztatzeko azterketak gainditu dituztenen behin-behineko zerrendak, besterik gabe, behin-betiko egitea.

2.– Erabaki honetan xedatutakoaren kontra errekurtso arrunta ipini ahal izango da Ogasun eta Herri Administrazio Saileko sailburuaren aurrean, berau argitaratu eta hilabeteko epean.

Vitoria-Gasteiz, 1996ko abenduak 9.

Herri-Arduralaritzaren Euskal Erakundeko zuzendaria,

JOSU IÑAKI ERKOREKA GERVASIO.