Euskal Herriko Agintaritzaren Aldizkaria

39. zk., 1996ko otsailaren 23a, ostirala

Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da

Iragarpenak

Ogasuna eta Herri Administrazioa

1023

IRAGARPENA, turismoari buruzko hainbat azokarako stand baten kontratazioa esleitu dela jakinarazten duena. (KBN C02/123/1995 esp.).

<FONT FACE="Courier New" SIZE=3><P>Herri Administrazioen Kontratuei buruzko maiatzaren 18ko 13/1995 Legearen 94.2 atalean xedatutakoaren arabera, 5.000.000 PTAko edo hortik gorako kontratuen esleipenak EHAAn argitaratu behar dira.

Lizitazioa, prozedura irekiaren bidezkoa eta enkantez esleitutakoa, 1995eko azaroaren 8ko Euskal Herriko Agintaritzaren Aldizkarian argitaratutako iragarpenez egin zen.

Ildo horretatik, Merkataritza, Kontsumo eta Turismo Saileko Zerbitzu zuzendariak, honako hau erabaki zuen 1996ko urtarrilaren 11n:

Turismoari buruzko hainbat azokarako stand baten kontrataziorako kontratua Estudios Arriaga, S.A. enpresari esleitzea hogeita bost milioi zortziehun eta hogeita bost mila laurehun eta hirurogeita bi (25.825.462) pezetan.

Erabaki honek ez du administrazio bidea amaituko. Beraz, doakienek, errekurtso arrunta aurkeztu ahal izango diote, hierarki mailan erabakia eman duen organoaren gainetik dagoenari, Merkataritza, Kontsumo eta Turismo sailburuari alegia.

Erabakia eman zuen organoari edo errekurtsoa ebazteko eskumena duen organoari aurkez dakioke errekurtsoa, hilabeteko epean. Aurkeztu ondorengo hiru hilabeteko epean ez bada ebazpenik eman, ezetsitzat joko da.

Ustezkoa zein adierazitakoa izan errekurtso arruntaren ezespena, administrazioarekiko auzi-errekurtsoa aurkeztu ahal izango zaio Euskal Herriko Auzitegi Nagusiari. Aldez aurretik, aurkapenaren gai izan den erabakia eman zuen organoari jakinarazi beharko zaio.

Bi hilabetekoa izango da administrazioarekiko auzi-errekurtsoa aurkezteko epea, errekurtso arruntaren adierazitako ebazpen­akordioa jakinarazten den egunaren biharamunetik hasita. Erabakia adierazitakoa ez bada urtebetekoa izango da epea, errekurtso arrunta aurkezten denetik aurrera.

Vitoria-Gasteiz, 1996ko otsailak 8.

Ondare eta Kontratazio zuzendaria,

JAIME DOMÍNGUEZ-MACAYA LAURNAGA.

<FONT SIZE=2>