196. zk., 1994ko urriaren 14a, ostirala
- Bestelako formatuak:
Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da
Bestelako Xedapenak
Hezkuntza, Unibertsitateak eta Ikerketa
3723
AGINDUA, 1994ko irailaren 23koa, Hezkuntza, Unibertsitate eta Ikerketa sailburuarena, Ordiziko (Gipuzkoa) "Jakintza Ikastola" ikastetxe pribatuari batxilergoa irakasteko baimena emateko dena.
Zentru horretan batxilergoa eta, behinbehinekoz,
BBB irakasteko baimena eskatuz Ordiziko (Gipuzkoa) «Jakintza Ikastola» ikastetxe pribatuaren erakunde titularraren legezko ordezkariak hasiarazitako espedientea aztertu da.
Hezkuntza-Sistemaren Antolamendu Orokorrerako urriaren 3ko 1/1990 Legea, ikastetxe pribatuetan araubide orokorreko unibertsitateaz kanpoko irakaskuntza emateko baimenei buruzko apirilaren 3ko 332/1992
Erregeren Dekretua (9ko EBO), araubide orokorreko unibertsitateaz kanpoko irakaskuntzak ematen dituzten ikastetxeek bete beharreko gutxieneko baldintzak ezartzen dituen ekainaren 14ko 1004/1991 Errege
Dekretua (26ko EBO) eta gai horretan aplikagarri diren indarreko gainerako xedapenak ikusi ondoren, hau
ERABAKI DUT:
1. atala.- Batxilergoa irakasteko baimena ematen zaio agindu honen eraskinean aipatzen den ikastetxeari.
2. atala.- Baimen honek agindu honetan baimendutako irakaskuntzak ezartzen diren heinean izango du eragina, Hezkuntza-Sistemaren Antolamendu Orokorrerako
1/1990 Legeak ezartzen duen aplikaziorako egutegiaren arabera.
3. atala.- Dagokion lurralde ordezkaritzak onartu beharko du, eta hala adierazi, agindu honetan baimendutako irakaskuntzak emango dituzten irakasleen zerrenda. Guzti hori Hezkuntzako Ikuskaritza Teknikorako
Zerbitzuaren txostena ikusi ondoren eta irakaskuntzok ematen hasi aurretik.
4. atala.- Ikastetxeak, ikaspostuen kopuruari, eskolaunitatebakoitzeko irakasle/ikasle gehienezko erlazioari eta irakaslegoaren titulazio eta espezializazioari dagokionez, unibertsitateaz kanpoko araubide orokorreko irakaskuntzak ematen dituzten zentruen gutxieneko baldintzak ezartzen dituen ekainaren 14ko 1004/1991
Erregeren Dekretuan (26ko EBO) xedatutakoari egokitu beharko zaizkio, 1/1990 Lege Organikoan ezartzen den aplikaziorako egutegiaren arabera.
5. atala.- Martxoaren 1eko 279/1991 Erregeren
Dekretuak (8ko EBO) onetsitako EOASBB/91 Eraikuntzari buruzko Oinarrizko Arautegian jasotzen diren baldintzak bete beharko ditu, suteetatik babesteko, agindu honetako eraskinean zehazten den ikastetxeak.
6. atala.- Indarrean dagoen legeria bete beharko du ikastetxeak, eta agindu honetan zehazten diren datuetatik edozein aldatu behar izanez gero, dagokion berrikusketa eskatu beharko du.
AZKEN XEDAPENAK
Lehenengoa.- agindu honetan dagoen baimen emateak ez du esan nahi, inolaz ere, hezkuntza itunen araubidearen bitartezko laguntzarik lortu denik.
Bigarrena.- agindu honen aurka administrazio-arekiko auzi errekurtsoa jarri ahal izango da Euskal Herriko
Auzitegi Nagusiaren aurrean, agindua Euskal Herriko
Agintaritzaren Aldizkarian argitaratu eta bi hilabeteko epean.
Vitoria-Gasteiz, 1994ko irailak 23.
Hezkuntza, Unibertsitate eta Ikerketa sailburua,
FERNANDO BUESA BLANCO.
ERASKINA
Lurralde Historikoa: Gipuzkoa
Udalerria: Ordizia
Herria: Ordizia
Izen espezifikoa: «Jakintza Ikastola»
Egoitza: Garagarza, 4
Titularra: Jakintza SA.
Baimendutako irakaskuntzak: «Natur zientziak eta osasuna» eta «humanitateak eta gizarte zientziak» arloetako batxilergoko 4 unitate, 140 ikaslerentzako edukiera izango dutenak.
Ikastetxearen osaera:
- Oinarrizko Hezkuntz Orokorra: 8 unitate, 320 ikaslerentzako (baimen hau baldintzatua da), eta hezkuntza bereziko 2 unitate. - Batxilergoa: «Natur zientziak eta osasuna» eta «humanitateak eta gizarte zientziak» arloetako batxilergoko
4 unitate, 140 ikaslerentzako edukiera izango dutenak. behin-behinekoz, agindu honetan baimentzen diren irakaskuntzak ezarri arte, BBB eman ahal izango du ikastetxeak. Horretarako, 160 ikaslerentzako 4 unitate jarri ahal izango ditu.