196. zk., 1994ko urriaren 14a, ostirala
- Bestelako formatuak:
Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da
Bestelako Xedapenak
Ekonomia eta Ogasuna
3720
378/1994 DEKRETUA, urriaren 4koa, "Bilbogas, S.A." Sozietateak egin behar duen kapital-gehiketan parte hartzeko, Energiaren Euskal Erakundeari baimena ematen diona.
Euskadiko Ondareari buruzko uztailaren 27ko
14/1983 Legeko 44.2 atalean, Zuzenbide Pribatupeko
Entitate Publikoei esku ematen zaie, bakoitzak dituen aurrekontuen pentzutan, edozein eratako Sozietateak sortzeko. Horretarako, beharrezkoa izango da, Ekonomi eta Ogasun sailburuak eta aipatu diren entitate instituzional horiek haren pean daudeneko Saileko sailburuak baterako proposamena egin dezaten.
Energiaren Euskal Erakundeak 1993ko urriaren
29an egin zuen bileran, honako akordio hau onartu zuen: Bilbogas, S.A. Baltzuak egiten duen 10.000.000
PTAko Kapital-gehiketa izenpetzekoa eta ordaintzekoa hain zuzen, jaulkipensaria 862.000.000 PTAkoa izango dela. Horretarako, Jaurlaritzaren Kontseiluaren baimena behar da aurreko lerroaldian esaten denaren arabera.
Ondorioz, Industri eta Energi sailburuaren eta Ekonomi eta Ogasun sailburuaren proposamenez eta Jaurlaritzaren
Kontseiluak 1994ko urriaren 4an egin zuen bileran aztertu eta onartu ondoren, hauxe
XEDATU DUT:
/p>
Atal bakarra.- Energiaren Euskal Euskal Erakundeari baimena ematea, «Bilbogas, S.A.» Sozietateak egin behar duen 10.000.000 PTAko Kapital-gehiketa osoa izenpetzeko eta ordaintzeko, 862.000.000 PTAkoa izango dela jaulkipensaria.
AZKEN XEDAPENA
Dekretu honek, Euskal Herriko Agintaritzaren
Aldizkarian argitara dadin egunetik hasita ekarriko ditu ondorioak.
Vitoria-Gasteizen, 1994ko urrirak 4.
Lehendakaria,
JOSÉ ANTONIO ARDANZA GARRO.
Industri eta Energi sailburua,
JON IMANOL AZUA MENDIA.
Ekonomia eta Ogasun sailburua,
JOSÉ LUIS LARREA JIMENEZ DE VICUÑA.