Euskal Herriko Agintaritzaren Aldizkaria

157. zk., 1994ko abuztuaren 19a, ostirala

Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da

Bestelako Xedapenak

Kultura

2958

AGINDUA, 1994ko uztailaren 28koa, Kultura sailburuordearena, Aguraingo Ertaroko Hiriguneko Arkeologia Zona Monumentu Multzo izendapenaz Euskal Kultura Ondarearen Zerrenda Nagusian sartzeko espedienteari eta espediente horri buruzko jendaurreko informazioaldiari hasiera ematen diena.

Aguraingo Ertaroko Hiriguneko arkeologia zona arkeologiaren aldetik interesgarria dela ikusi eta Kultura

Ondarearen Zerbitzu Teknikoek aurkeztutako erabaki proposamena aintzakotzat izanik, hauxe

ERABAKI DUT:

Lehenengoa.- Aguraingo Ertaroko Hiriguneko Arkeologia

Zona Monumentu Multzo izendapenaz sailkatuta,

Euskal Kultura Ondarearen Zerrenda Nagusian sartzeko espedienteari hasiera eman zaio, I. eraskinean ezarritako mugen arabera.

Bigarrena.- Hogei (20) eguneko jendaurreko informazioaldiari ere hasiera ematen zaio, gai horrekin zerikusirik duten jabeek eta gainerako interesatuek egoki iritzitako alegazio eta dokumentazio guztiak aurkez ditzaten, Guztiontzako Administrazio Ihardunbidearen

30/1992 Legearen 86. atalean ezarritakoaren arabera.

Aipatutako espediente hori Euskal Kultura Ondarearen

Zentruan dago ikusgai (Vitoria-Gasteiz (Araba), San

Antonio kalea 2behea).

Hirugarrena.- Espedientearen izapideak egiten jarraituko da, indarrean dauden xedapenekin bat.

Laugarrena- Aguraingo Udalari eta Arabako Foru

Aldundiko Kultura Sailari honako hau jakinarazten zaie: arkeologia zona horretan arkeologia eta paleontologia iharduerak egiteko, Foru Aldundiaren baimena beharko dela; lurrik atera gabe egin dadin arkeologia azterlanerako, ostera, aski izango da horren berri ematea.

Bostgarrena.- Aguraingo Udalari eta Arabako Foru

Aldundiko Kultura eta Hirigintza sailei baita Eusko

Jaurlaritzako Hirigintza, Etxebizitza eta Ingurugiro

Sailari ere Agindu honen berri emango zaie.

Seigarrena.- Honako Agindu hau Euskal Herriko

Agintaritzaren Aldizkarian eta Araba Lurralde Historikoaren

Aldizkari Ofizialean argitaratuko da.

Vitoria-Gasteiz, 1994ko uztailak 28.

Kultura sailburuordea,

MIKEL ETXEBARRIA ETXEITA.