Euskararen tresnak

Lur hiztegi entziklopedikoa

Kultura eta Hizkuntza Politika Saila

Uncastilloko ituna

1363. urtean Nafarroako Karlos II.aren eta Aragoiko Petri IV.aren artean Aragoiko Uncastilloko herrian sinatutako ituna. Itunaren arabera Joana Karlos II.aren arreba Joanekin (Aragoiko koroaren ondorengoa) ezkonduko zen. Hitzarmenaren arabera elkarri lagundu behar zioten Nafarroak eta Aragoik eta gerrara hots egin behar zieten Gaztelari lehenik eta Frantziari, ondoren. Gaztela konkistatuz gero lurralde hura banatzeko akordioa ere sinatu zuten. Gaztelako erregeak ezer suma ez zezan Nafarroa eta Aragoiko erregeen arteko itxurazko gerrari eman zioten hasiera.