Taipei
Taiwango eta Txinako errepublikako edo Txina nazionalistako hiriburua, Taiwango edo Formosako uhartearen iparraldean. 2.700.000 biztanle. Hiru unibertsitate. Nazioarteko aireportua. Burdinbide eta errepide gune garrantzitsua. Taiwango industria gune nagusia da: ehungintza, tresneria elektrikoak eta mekanikoak, kimika industria, ontziolak, motorrak, zurgintza, janari industria eta eraikuntzarako gaiak dira. Aipagarria da Jauregi eta Museo nazionala, txinatar portzelanak, pinturak eta kaligrafiak dituena. v Historia. 1708. urtean sortu zuten hiria Txinako hego-ekialdetik bertaratu ziren txinatarrek. 1895. urtetik aurrera japoniarrek modernizatu zuten hiria, eta Bigarren Mundu Gerra amaitu zenean txinatarren esku zen berriro ere.
