Pinto Ferreira, Luís
Brasildar abokatu eta politikaria (Pernambuco, 1919). Pernambucoko Unibertsitate Federaleko Zuzenbide fakultateko zuzendaria eta zuzendariordea izan zen, eta eskolak eman zituen Caruaruko Zuzenbide fakultatean, Agreste Pernambucanon eta Brasilgo ipar-ekialdeko beste zenbait hezkuntza eta ikerketa erakundeetan. Brasilgo humanista handienetakoa da, eta Brasilgo hezkuntzaren eta kulturaren inguruan erakutsi duen ikuspegi demokratikoagatik nabarmendu da. Politikagintzari dagokionez, senatari izan zen 1963tik 1971ra, eta kargu horretan jardun zuen garaian ikuspegi abertzaletik aritu zen senatu federaleko konstituzio eta justizia batzordean, hezkuntza eta kultura batzordean, zerbitzu publikoetan eta ekonomian. 90 lanetik gora argitaratu zituen, Brasilen horietako batzuk, atzerrian beste zenbait. Bere argitalpen ezagunena Soziologiako gidaliburua da, eta bertan soziologiaren ikuspegi sistematiko eta historikoa eskaintzen du. Itzulpen lanak ere egin ditu, ingelesetik, alemanetik eta errusieratik.
