NLE
(Nazioarteko Lan Erakundea, fr. Organisation Internationale du Travail). 1919an sortutako erakundea, lan baldintzak eta langileen bizi maila hobetzeko helburua duena. Nazioarteko arauak ezartzen ditu, erakundean parte hartzen duten nazioek izenpetzen dituzten hitzarmenen bidez. NLE osatzen duten nazioetako gobernuko kideek eta lan eta industria ordezkariek osatua da. Nazio Batuen barneko erakunde autonomoa da gaur egun, eta Genevan du egoitza.
