niala
iz. Zool. Bobidoen familiako ugaztun hausnarkaria, kuduaren antzekoa, 90 cm inguru garaia (Tragelaphus angasi). 70 cm inguruko adarrak ditu, barrualdera bihurtuak. Gorputzean eta hanketan ile laburra du, eta luzea berriz bizkargainean, sabelean eta lepoaren inguru guztian. Kolorez gris iluna da. Bizkarretik behera zerrenda zuri finak ditu. Afrikako hego-ekialdeko baso ezkoetan bizi da.
