Euskararen tresnak

Lur hiztegi entziklopedikoa

Kultura eta Hizkuntza Politika Saila

Mayer, Julius Robert von

Alemaniar fisikaria (Heilbronn, 1814 - Heilbronn, 1878). Berotasunaren eta beratasunak eragiten duen lanaren baliokidetasuna azaldu zuen. Kaloria jakin baten baliokide mekanikoa zenbat den aurkitu zuen, eta aldi berean gaur termodinamikan oinarrizko lege den energiaren kontserbatze hastapena finkatu zuen. Mayerren berdintasun hastapenean [M (Cp-Cv)=R], M gas jakin baten molekula masa da, Cp eta Cv haren presio eta bolumen aldagabekoaren berotasun espezifikoa, eta R gas idealen aldagabetasuna. Idatzi zuen lanik garrantzizkoena Die Mechanik der Warme liburua da.