Euskararen tresnak

Lur hiztegi entziklopedikoa

Kultura eta Hizkuntza Politika Saila

Madrid Hurtado, Miguel de la

Mexikar politikaria, legegizona eta ekonomista (Colima, 1935). Zuzenbidea ikasi zuen Mexikoko Unibertsitate Autonomoan eta administrazio publikoko ikasketak egin zituen Harvard-en. Garrantzizko kargu publikoak izan zituen, finantza gaien ingurukoak. José López Portilloren agintaldian (1979-1981) Programazio eta Aurrekontuen ministerioko idazkari izan zen. 1981ean Alderdi Iraultzaile Instituzionaleko (PRI) buru izendatu zuten, eta 1982ko lehendakaritzarako hauteskundeetan irabazle irten zen. Bere agintaldian arazo ekonomiko larriei aurre egin behar izan zien: kanpoko zorra negoziatu zuen eta austeritate neurriak hartu behar izan zituen. 1984an Latinoamerikako hainbat herrialde bisitatu zituen, ekonomia irizpide ekonomikoen batasuna proposatuz. 1988an Carlos Salinas de Gortari izan zuen ondorengo, Madriden alderdi berekoa.