Euskararen tresnak

Lur hiztegi entziklopedikoa

Kultura eta Hizkuntza Politika Saila

Jordá Gallastegi, Enrique

Gipuzkoar orkestra zuzendaria (Donostia, 1911). Donostian ikasi zuen eta gero Parisen, Le Flem eta Duprérekin. Madrilgo orkestra sinfonikoaren zuzendari izan zen (1940-1945) eta Cape Towneko orkestrarena (1947-1952). 1954 urtetik 1964 urtera San Francisco-ko orkestra sinfonikoaren zuzendari izan zen, eta hura izan zuen garairik oparoena. Estreinaldi ugari egin zituen orkestra horrekin: Milhauden 8 eta 12 Sinfonia edo Rodrigoren Fantasía para un gentilhombre, besteak beste. 1970-1975 urte bitartean Anberesko Filarmonikako zuzendaria izan zen. Euskadiko Orkestra Sinfonikoa sortu zenean Jordá izan zen lehenbiziko zuzendaria.