Iberoamerika
Espainiak eta Portugalek beren aginpean izandako Ameriketako zenbait herrik osaturiko multzoa. Aipaturiko herrialdeen eskuetan egon diren herriak: Argentina, Bolivia, Costa Rica, Kuba, Txile, Ekuador, El Salvador, Guatemala, Honduras, Mexico, Nicaragua, Panama, Paraguai, Peru, Dominikar Errepublika, Uruguai, Venezuela, Puerto Rico, Brasil, Haiti, Guyana frantsesa, Martinika eta Guadalupe. Iberoamerikak 20.585.397 km2 dauzka guztira, eta 380.900.000 biztanle (1983). Baliabide natural handiak ditu; petrolioa, burdina, kobrea, bauxita, zilarra, zura, laboreak, arraina. Biztanle kopuruaren hazkundea, Afrikakoarekin batera, munduko handiena da (% 2’7 urteko, 1965-1975 bitartean).
