elektroiman
iz. Teknol. Korronte elektriko batek artifizialki imandutako burdin gozozko pieza. Korrontea kentzen zaion orduko iman egoera galdu egiten du burdinak. Elektroimanak ferra itxura izaten du gehienetan, eta hari eroaleak dauzka inguruan, mataza baten gisa bildurik. Korrontea mataza horretatik igarotzen denean imantzen da burdinaren muina. Txirrin elektrikoetan, dinamoetan, eta abarretan erabiltzen da elektroimana.
