ekografia
iz. Med. Gorputz atal baten ultrahotsen bidezko azterketa. v Ultrahotsak jaurtitzen zaizkio aztertu nahi den gorputz atalari; ultrahotsak gorputza jo ondoren uhin horien oihartzuna itzultzen da. Oihartzun horiek desberdinak izaten dira uhinek jo duten gorputz atalaren egituren eta organoen arabera. Uhinak osziloskopio batean jasotzen eta adierazten dira. Diagnosian gaur egun gehien erabiltzen den azterketa mota da, ez baitu inolako kalterik sortzen gorputzarentzat.