Kultura eta Hizkuntza Politika Saila

Antipatros

edo Antipater. Mazedoniako jenerala (K.a. 397 inguruan - 319). Filipo eta Alexandroren bigarrena. Konkistatzaileak haren gain utzi zuen Mazedoniako gobernua Asiarako espediziora abiatu zenean. Alexandro hilik, agintea gorde zuen. Demostenesek eta Hiperidesek altxarazitako grekoen kontra borrokatu zen. Lamian setiaturik izan arren (323), garaipena lortu zuen Kranoneko guduan (321). Hiperides hilarazi zuen eta Demostenesi jazarri zitzaion, honek bere burua pozoitu zuelarik. Perdikaren aurkako koalizioan esku hartu zuen eta berau hil ondoren erregeordetza eskuratu zuen. Hiltzean Poliperkoni utzi zion erresuma.