Akamarre
Nafarroa Behereko udalerria, Bidaxuneko kantonamenduan (Agaramont eskualdea). Mugak: iparraldean Oeyregave, Sorde eta Hastingues, mendebaldean Bidaxune, hegoaldean Arruta-Sarrikota-Amikuze eta Erango, eta ekialdean Léren eta Labastide-Villefranche. Altuera 30 m. 33,89 km2 eta 729 biztanle (akamartarrak). Biduze ibaiaren eskuinaldean dago. Hizkuntza, frantsesa eta gaskoia. Ekonomia jarduera nagusia nekazaritza eta abeltzaintzan oinarritua da.
