Arautegia Kanoe 2010

Eusko Jaurlaritzaren Kirol Zuzendaritzak, Euskadiko Kanoe Federazioarekin lankidetzan, EUSKADIKO XXIX. ESKOLARTEKO KIROL JOKOAK antolatuko ditu 2010eko maiatzaren 29ean, Sestaoko Benedikta Kiroldegian . Hona hemen arautegia:

1. Modalitatea

Gizonezkoen Kayak (k1), Emakumezkoen Kayak (k1) eta Kanoa (c-1)

2. Kategoriak

 A Infantilak: 1996.urtean jaiotakoak
 B Infantilak: 1997. urtean jaiotakoak

3. Talde osaera

Arabako, Bizkaiko eta Gipuzkoako lurraldeek eta kirol federazioek adostu bezala, joko hauetan aurretik aipatutako urteetan jaiotako ikasle guztiek parte hartu ahal izango dute.

4. Izen-emateak

Izen-emateak lurralde bakoitzeko foru aldundien bitartez burutuko dira,2010eko maiatzaren 15a baino lehen.

5. Joku arauak

Dortsalak froga hasi baino ordubete lehenago banatuko dira eta uneoro epaileek eta antolatzaileek ikusteko moduan jarri behar dira

Burutu beharreko distantzia 3.000 m-takoa izango da (2 itzuli).

Partehartzaile guztiek salbamendu jaka eraman beharko dute.

6. Lekua

Benediktako Kaia, Benedikta kiroldegitik urbil (Muelle de la Benedicta).

7. Estropaden ordena (Pleamar: 18:25h)

 15:00-16:00 Izenemateak berretsi.
 1go Estropada

16:00tan k-1 A Infantila mutilak 3000m
16:05tan k-1 B eta c-1 A eta B infantilak mutilak  3000m

 2. Estropada

16:30tan k-1 A eta k-1 B Infantilak neskak 3000m

Antolatzaileek justifikagarria den edozein arazorengatik aldaketak egiteko eskubidea izango dute.  Hala nola, maila ezberdinetako partaide kopurua, betiere ordu erdi lehenago adierazten bada.

8. Kirol sariak

Mailako eta kategoriko 3 lehenengoek  dominak jasoko dituzte.
Dirulaguntzak egongo dira parte hartzen duten klub guztientzat, partaide kopuruaren eta kilometrajearen araberako izango direnak.

9. Ezbeharren aurrean

Lesio edo ezbeharrik sortu ezkero nahi eta nahi ez antolakuntzak kirol eremuan izango duen arduradunarengana jo beharko da. Honek eman beharreko gainontzeko pausuak bideratuko ditu.

 10. Azken oharra

Araudi honetan jasotzen ez diren gaietan hauei jarraituko zaie:

1. 14/ 1998 LEGEA, Ekainaren 11koa, Euskadiko kirolarena.
2. Eskola Kirolari buruzko uztailaren 1eko 125/2008 Dekretua.
3. Eusko Jaurlaritzako Kultura Sailaren 2010eko otsailaren 22ko Agindua, 2010eko Euskadiko Eskolarteko Ki¬rol Jokoen XXIX. edizioaren deialdia egiteko dena
4. Eusko Jaurlaritzako Kirol Zuzendariak, 2010eko martxoaren 17ko Ebazpena, 2010eko Euskadiko Eskolarteko Ki¬rol Jokoen XXIX. edizioaren epaile bakarra izendatzen dena.
5. Euskadiko Kanoe Federazioaren araudiak xedatzen duenari.