Aurkezpena | Kokapena | Programa | Araudia | Emaitzak | Argazkiak
Eusko Jaurlaritzaren Kirol Zuzendaritzak, Euskadiko Pilotako Federazioarekin lankidetzan, EUSKADIKO XXIV. ESKOLARTEKO KIROL JOKOAK antolatuko ditu, 2005ko maiatzaren 28 eta 29an eta ekainaren 4an Gasteizeko Mendizorrotzako pilotalekuetan. Hona hemen arautegia:
1. PARTAIDETZA
91-92 urteetan jaiotako infantil haurrak)
Bi pilotarik, ordezkoak eta entrenatzaileak osatuko dute talde bakoitza.
Hirugarren pilotariak, ordezkoak kasu, partiduan parte hartzeko aukera izango du titular bat kenduaz, horrela denen partaidetza sustatuaz. Dena den, aldaketa behin egingo da eta epaileari garaiz eta behar den bezala ohartaraziz.
Herrialde bakoitzean burututako eskolarteko txapelketetako irabazleek hartuko dute parte. Lehen fasea (herrialdeko eskolarteko txapelketa) jokatu ez bada, kasu horretan soilik lehiatu ahal izango dira azken txapelketa honetarako bereziki sortutako taldearekin. Nolanahi ere, nahitaezkoa izango da denboraldi honetako eskola-lizentzia indarrean edukitzea.
2. MODALITATEAK
Eskuz binakakoa, neskak eta mutilak
Paleta larrua, mutilak
Paleta Goma, neskak
Zesta Punta, mutilak
3. JOKO-SISTEMA
Txanda bakarreko liga
Irabazitako partida bakoitzeko, bi puntu emango zaizkio taldeari; puntu bakarra galdutako partida bakoitzeko, eta punturik ez, taldea partidara bertaratzen ez bada.
Lehen sailkatua -alegia, liga burututa puntu gehien eskuratu dituena- izango da irabazlea. Hurrengo postuak, modu berean finkatuko dira.
Bi bikoteren edo gehiagoren artean puntu-berdinketarik gertatzen bada, berdinketa horretan daudenen arteko "tanto average" onenaren arabera zehaztuko da sailkapena.
Berdinketa bi bikoteren artekoa besterik ez bada, elkarren aurka izandako lehia irabazi zuena galtzailearen aurretik egongo da sailkapenean.
Bi taldek besterik ez badute parte hartzen, partida bakarra egingo da, eta bertan zehaztuko da bietarik zein den irabazlea.
Talde bakar batek izena emanez gero, modalitatea bertan behera utziko da.
4. JOKORAKO MATERIALAK ETA ARAUAK
Distantziak eta tantoak:
Eskuzkoa Paleta Goma Paleta Larrua Zesta
SAKEA 10.50m 17.50m 24.50m 28m
FALTA 10.50m 10.50m 14m 16m
PASA-MARRA 21m 24.50m 24.50m 24.50m
TANTOAK 18 30 30 25
Materialak (Pilotak):
Euskadiko Pilota Federazioak ipiniko du jokorako materiala, eta ezaugarri hauek izango ditu:
ESKU-PILOTA, MUTILAK: pilota mistoa edo ukitu-erdikoa.
ESKU-PILOTA, NESKAK: pilota goxua (sakea 7 m-tik 7m-ra).
PALETA GOMA: puntu edo karratu horiko pilota.
PALETA LARRUA: 'Cervino 1.' pilota.
ZESTA PUNTA: ohiko pilota, 100-110 g bitartekoa.
Osagarriak dituzten modalitateetan, jokalari bakoitzak bere "paleta", "zesta", "kaskoa",…. eduki beharko ditu.
5. SARIAK
Trofeoa emango zaio sailkatutako lehen taldeari eta dominak bigarren taldeari.
Horrez gain, opariak emango zaizkie partehartzaile guztiei.
6. AZKEN OHARRA
Arautegi honetan azaltzen ez diren kontuak argitzeko, ondorengo testuak hartuko dira kontuan:
a) 14/ 1998 LEGEA, Ekainaren 11koa, Euskadiko kirolarena.
b) Eusko Jaurlaritzako Kultura Sailaren 1985eko uztailaren 2ko Agindua, Eskolarteko Euskadiko Jokoak arautzekoa.
c) Eusko Jaurlaritzako Kultura eta Turismo Sailaren 1985eko uztailaren 29ko Agindua, Eskola Kiroletako lehiaketez diziplina-arauak jartzeari buruzkoa.
d) Eusko Jaurlaritzako Kultura Sailaren 1986ko maiatzaren 20ko Agindua, Euskadiko Jokoak arautzen dituen 85.07.02-ko Agindua aldatzen duena.
e) Eskola Kirolari buruzko ekainaren 5eko 160/1990 Dekretua.
f) Abuztuaren 24ko 337/1990 Dekretua, 160/1990 Dekretua aldatzen duena.
g) Pilotako Euskal Federazioaren Arautegiak agindutakoa.
|
