|
Atzo, martxoak 14, aurreneko bilera izan zuten Eusko Jaurlaritzaren Etxebizitza eta Gizarte Gaietako Saileko eta EUDEL Euskadiko Udal Elkarteko zenbait ordezkarik. Bileraren ondoren bi erakundeek honako hau adierazten dute:
1. Lehenengo bilera honek ezaugarri hauek izan ditu: zintzotasuna, elkarri laguntzeko gogoa eta 28/2005 Legea Euskadin aplikatzeko bi erakundeei eragiten dieten arloak kudeatzeko ados jarri nahia.
2. EUDELek eta Eusko Jaurlaritzak elkarlanean jarraituko dute 28/2005 Legea Euskadin aplikatzen dela bermatzeko, eta erakundeen arteko lankidetza areagotuko dute, gure gizartean tabakismoa prebenitzeko neurriak sendotu eta zabaltzeko, aitortzekoa baita euskal herritarrek heldutasun-maila altua dutela eta egungo legeriari oro har errespetua diotela.
3. Bi erakundeek lan-dinamika bateratua izango dute eta diskrepzio osoz jardungo dute, 28/2005 Lege onetsi berria zuzen eta zorrotz aplikatzeko asmoz.
|