URDAIBAIko Biosfera Erreserbaren Erabilpenerako eta Kudeaketarako Egitamua 242/1993 Dekretuaren bidez (1993ko abenduaren 7ko EHAA; 233 zk.) onartu zuen Eusko Jaurlaritzak. Bere helburua biosfera-erreserbaren ekosistema babestu eta errekuperatzea da, bereziki, gainazaleko eta lurpeko urak eta bertako landaretza errekuperatzea; horrez gain, urbanizaezinak diren lurrak behar bezala erabil daitezen bermatzeko helburua ere badu. Lurra erabiltzeko aukerak Erabilpenerako eta kudeaketarako egitamuan daude.

1991ko abenduaren 5ean, Eusko Jaurlaritzak eta Irun eta Hondarribiako Udalek Txingudi Birgaitzeko eta Babesteko Lankidetza Hitzarmena sinatu zuten eta, horren ondorioz, Txingudi Alorreko Errekurtso Naturalak Babesteko eta Eratzeko Plan Berezia, Irun eta Hondarribiako azken padurei eragiten diena, erredaktatu zen.

Horrenbestez, EAEko Hezeguneen Lurraldearen Arloko Plan honek Lurralde Antolamenduko Arauen zehaztapenak garatzen ditu, EAEko hezeguneen inbentarioaren eta sailkapenaren bidez eta antolakuntza espezifikoa behar duten hezeguneetan gune horien gaitasunaren araberako erabilerak eta jarduerak arautzearen bidez. Halaber, LAPk gomendio eta irizpide orokor batzuk ematen ditu, inbentariatutako hezegune guztiak babesteko.

Planak zonifikazioa ezartzen du, Lurraldearen Antolamenduko Artezpideetan xedatutako antolamendurako mailak zein lurzoruaren erabilera eta ekintza definizioak garatuz. LAP honen antolamendu-esparrua Kostaldeei buruzko Legean definitutako eragin-zonari dagokio: «itsasoaren erriberako barne-mugatik zabaleraz gutxienez 500 m-ko zerrenda». Zona hori ibaien ertzetan barrena ere zabaltzen da, itsasaldien eragina nabaritzen den lekuraino. Euskal Herrian ekinozioko itsasbehera biziaren gainetik 5 metroko kotan dago.