Arabak inoiz baino gehiago fakturatu zuen Errioxako JDKa duten ardoak esportatzeagatik 2022an, 161,4 milioi eurorekin, botila gutxiago saldu arren
Dokumentu-zerrenda
Xehetasunak
- Arabatik Errioxa Jatorri Deitura Kalifikatua (JDKa) duten ardoen esportazioek fakturazio-errekor historikoa izan zuten 2022an, 161,4 milioi eurorekin (+%0,7), laugarren urtez jarraian hazi ondoren.
- 2022an, Arabak Errioxako JDKa duen ardoa esportatu zuen nazioarteko 100 merkatutara, 2021ean baino bat gehiago. Esportazioak Estatu Batuetatik eta Erresuma Batutik (lehen merkatuak) Maurizio Uharteetara eta Laosera (rankinga ixten dutenak) doaz. 2022 urte aparta izan zen Ipar Amerikarako salmentetarako, Europako merkatuen kaltetan.
- 2022an, Euskadik esportatutako ardoaren bolumenaren % 50 eta balio osoaren ia % 70 Arabako JDKa Errioxa ardoaren salmentei dagokie. 2022an, Euskadik 47,2 milioi litro esportatu zituen, 235,7 milioi euroko balioarekin. Zifra horiek bolumenaren % 11,4ko jaitsiera suposatzen dute, baina balioaren % 3,9ko igoera.